Глава 
8

Втор.8  с толкованием

1
Вся заповеди, яже аз заповедаю вам днесь, снабдите творити, да живете, и умножитеся, и внидете, и наследите землю благую, еюже клятся Господь Бог отцем вашым.

Втор.8:1  с толкованием

2
И да помянеши весь путь, имже проведе тебе Господь Бог твой, сие четыредесятое лето в пустыни, да искусит тя и озлобит тя, и уразумеются яже в сердцы твоем, аще сохраниши заповеди Его или ни.

Втор.8:2  с толкованием

3
И озлоби тя, и гладом замори тя, и напита тя манною, еяже ты не уведел еси, ни отцы твои: да возвестит тебе, яко не от хлебе единем жив будет человек, но о всяком словеси исходящем из уст Божиих жив будет человек.

Втор.8:3  с толкованием

4
Ризы твоя не обетшаша на тебе: нозе твои не язвишася, се, четыредесять лет.

Втор.8:4  с толкованием

5
И уразумееши сердцем твоим, яко имже образом аще кий человек накажет сына своего, тако Господь Бог твой накажет тя.

Втор.8:5  с толкованием

6
И сохраниши заповеди Господа Бога твоего ходити в путех Его и боятися Его.

Втор.8:6  с толкованием

7
Господь бо Бог твой введет тя в землю благую и многу, идеже водотечи водныя и источники бездны исходящыя по полям и горам,

Втор.8:7  с толкованием

8
в землю пшеницы и ячменя, (идеже) виногради, смокви и щипцы, в землю масличия елеа и меда:

Втор.8:8  с толкованием

9
в землю на нейже не с нищетою снеси хлеб твой, и ничесого востребуеши на ней: в землю в нейже камение железно, и от гор ея ископаеши медь:

Втор.8:9  с толкованием

10
и ясти будеши, и насытишися, и благословиши Господа Бога твоего на земли блазей, юже даде тебе.

Втор.8:10  с толкованием

11
Вонми себе, не забуди Господа Бога твоего, еже не сохранити заповеди Его и судбы и оправдания Его, елика аз заповедаю тебе днесь:

Втор.8:11  с толкованием

12
да не когда ядый и насытився, и домы добры соградив и вселився в ня,

Втор.8:12  с толкованием

13
и волом твоим и овцам твоим умножившымся тебе, сребру и злату умножившымся тебе, и всем, елика тебе будут, умножившымся тебе,

Втор.8:13  с толкованием

14
вознесешися сердцем твоим, и забудеши Господа Бога твоего, изведшаго тя из земли Египетския, из дому работы:

Втор.8:14  с толкованием

15
проведшаго тя сквозе пустыню великую и страшную ону, в нейже змии угрызающыя, и скорпии, и жажда, в нейже не бяше воды: изведшаго тебе из камене несекома источник водный:

Втор.8:15  с толкованием

16
питавшаго тя манною в пустыни, еяже не ведел еси ты, ниже ведяху отцы твои, да озлобит тя и да искусит тя, и благо тебе сотворит на последок твой:

Втор.8:16  с толкованием

17
да не речеши в сердцы твоем: крепость моя и сила руки моея сотвори мне силу великую сию,

Втор.8:17  с толкованием

18
и помянеши Господа Бога твоего, яко Той даде тебе крепость, еже сотворити силу, и да уставит завет Свой, имже клятся отцем твоим, якоже днесь.

Втор.8:18  с толкованием

19
И будет аще забвением забудеши Господа Бога твоего, и пойдеши вслед богов иных, и послужиши им, и поклонишися им, засвидетелствую вам днесь небесем и землею, яко пагубою погибнете:

Втор.8:19  с толкованием

20
якоже и прочии языцы, яже Господь Бог погубляет от лица вашего, тако погибнете, занеже не послушасте гласа Господа Бога вашего.

Втор.8:20  с толкованием

Толкования на главу Втор.8
этой книги Священного Писания


Толкование преподобного Ефрема Сирина
 

Преподобный Ефрем Сирин. Толкование на книгу Второзаконие

Втор.8

Глава 
8

Втор.8  с толкованием

3
И напита тя манною; еяже ты не уведел еси, ни отцы твои. Манною называет здесь плоть Господа нашего.

Втор.8:3  с толкованием

4
Ризы твоя не обетшаша на тебе. Ризы изображают нам дары Святого Духа, подаваемые в крещении.

Втор.8:4  с толкованием

7
Господь Бог твой введет тя в землю благую,

Втор.8:7  с толкованием

9
в землю, в нейже камение железно, это земля Маргас. И от гор ея ископаеши медь, т.е. из гор земли палестинской, изобилующих железом и медью.

Втор.8:9  с толкованием