Глава 
10

Втор.10  с толкованием

1
Во оно время рече Господь ко мне: истеши себе две скрижали каменны якоже первыя, и взыди ко Мне на гору, и да сотвориши себе ковчег древян:

Втор.10:1  с толкованием

2
и напишу на скрижалех словеса, яже бяху на скрижалех первых, ихже сокрушил еси, и да вложиши я в ковчег.

Втор.10:2  с толкованием

3
И сотворих ковчег от древ негниюших, и истесах две скрижали каменны якоже и первыя, и взыдох на гору: и обе скрижали во юбою руку моею:

Втор.10:3  с толкованием

4
и написа на скрижалех по писанию первому десять словес, яже глагола Господь к вам на горе от среды огня, и даде я Господь мне.

Втор.10:4  с толкованием

5
И обратився снидох с горы, и вложих скрижали в ковчег, егоже сотворих: и беста ту, якоже повеле ми Господь.

Втор.10:5  с толкованием

6
И сынове Израилевы воздвигошася от Вирофа сынов Иакимлих в Мисадай: тамо умре Аарон, и погребен бысть ту, и бысть жрец Елеазар сын его вместо его.

Втор.10:6  с толкованием

7
Оттуду же воздвигошася в Гадгад, и от Гадгада до Етавафа, земли водотечи вод.

Втор.10:7  с толкованием

8
Во оно время отдели Господь племя Левиино носити ковчег завета Господня, предстояти пред Господем, служити и молитися и благословляти о имени Его до днешняго дне:

Втор.10:8  с толкованием

9
сего ради несть левитом части и жребия в братии их: Господь Сам жребий их, якоже рече им.

Втор.10:9  с толкованием

10
И аз стоях на горе четыредесять дний и четыредесять нощей, и послуша Господь мене и во время сие, и не восхоте Господь погубити вас.

Втор.10:10  с толкованием

11
И рече Господь ко мне: гряди, воздвигнися пред людьми сими, и да внидут и наследят землю, еюже кляхся отцем их, дати ю им.

Втор.10:11  с толкованием

12
И ныне, Израилю, что просит Господь Бог твой у тебе, точию еже боятися Господа Бога твоего и ходити во всех путех Его, и любити Его и служити Господу Богу твоему от всего сердца твоего и от всея души твоея,

Втор.10:12  с толкованием

13
хранити заповеди Господа Бога твоего и оправдания Его, елика аз заповедаю тебе днесь, да благо тебе будет?

Втор.10:13  с толкованием

14
Се, Господа Бога твоего небо и небо небесе, земля и вся елика суть на ней:

Втор.10:14  с толкованием

15
обаче отцы вашы произволи Господь любити их, и избра семя их по них, вас, паче всех язык, в день сей.

Втор.10:15  с толкованием

16
И обрежите жестокосердие ваше, и выи вашея не ожесточите ктому:

Втор.10:16  с толкованием

17
ибо Господь Бог ваш сей Бог богов и Господь господей, Бог великий и крепкий и страшный, иже не дивится лицу, ниже вземлет дара:

Втор.10:17  с толкованием

18
творяй суд пришелцу и сиру и вдовице, и любит пришелца дати ему хлеб и ризу.

Втор.10:18  с толкованием

19
И возлюбите пришелца: пришелцы бо бесте в земли Египетстей.

Втор.10:19  с толкованием

20
Господа Бога твоего да убоишися, и Тому (единому) послужиши, и к Нему прилепишися, и именем Его кленешися:

Втор.10:20  с толкованием

21
Той хвала твоя и Той Бог твой, иже сотвори тебе великая и славная сия, яже видесте очи твои:

Втор.10:21  с толкованием

22
в седмидесятих и пяти душах снидоша отцы твои во Египт: ныне же сотвори тя Господь Бог твой яко звезды небесныя множеством.

Втор.10:22  с толкованием

Толкования на главу Втор.10
этой книги Священного Писания


Толкование преподобного Ефрема Сирина
 

Преподобный Ефрем Сирин. Толкование на книгу Второзаконие

Втор.10