Глава 
21

Суд.21  с толкованием

1
И сынове Израилевы кляшася в Массифе, глаголюще: муж от нас да не даст Вениамину дщере своея в жену.

Суд.21:1  с толкованием

2
И приидоша людие в Вефиль и седеша тамо до вечера пред Богом: и воздвигоша глас свой, и плакашася плачем велиим, и рекоша:

Суд.21:2  с толкованием

3
вскую, Господи Боже Израилев, бысть сице днесь во Израили, еже оскудети от Израиля племени единому?

Суд.21:3  с толкованием

4
И бысть на утрия, и обутреша людие, и соградиша тамо олтарь, и вознесоша всесожжение спасения, и рекоша сынове Израилевы:

Суд.21:4  с толкованием

5
кто не взыде в сонм от всех племен Израилевых ко Господу? Яко велика клятва бяше не вшедшым ко Господу в Массифу, глаголюще: смертию да умрет.

Суд.21:5  с толкованием

6
И умилишася сынове Израилевы о Вениамине брате своем, и рекоша: изсечено днесь едино племя от Израиля:

Суд.21:6  с толкованием

7
что сотворим оставшымся о женах? И мы кляхомся Господем не дати им от дщерей наших в жены.

Суд.21:7  с толкованием

8
И рекоша: кто един от племен Израилевых, иже не взыде ко Господу в Массифу? И се, ни един прииде в полк от Иависа Галаадова в сонм.

Суд.21:8  с толкованием

9
И соглядаша людий, и се, не бяше тамо мужа от живущих во Иависе Галаадове.

Суд.21:9  с толкованием

10
И послаша тамо сонм дванадесять тысящ мужей от сынов силы и заповедаша им, глаголюще: идите и избийте живущыя во Иависе Галаадове оружием жены и народы:

Суд.21:10  с толкованием

11
и сие сотворите: всяк мужеский пол и всяку жену, познавшую ложе мужеско, побиете: девицы же снабдите. И сотвориша тако.

Суд.21:11  с толкованием

12
И обретоша от живущих во Иависе Галаадове четыре ста отроковиц дев, яже не познаша ложа мужеска: и приведоша я в полк в Силом, иже есть в земли Ханаани.

Суд.21:12  с толкованием

13
И послаша весь сонм и глаголаша к сыном Вениаминовым, иже в камени Реммони, и призваша их с миром.

Суд.21:13  с толкованием

14
И возвратися Вениамин к сыном Израилевым в то время, и даша им сынове Израилевы жены, яже живо сохраниша от дщерей Иависа Галаадова: и угодно бысть им тако.

Суд.21:14  с толкованием

15
И людие умилишася о Вениамине, яко сотвори Господь истребление в племенех Израилевых.

Суд.21:15  с толкованием

16
И рекоша старейшины сонма: что сотворим оставшым о женах? Яко погибе от Вениамина жена:

Суд.21:16  с толкованием

17
и како будет наследие уцелевших от Вениамина, да не погибнет племя от Израиля?

Суд.21:17  с толкованием

18
И мы не возможем дати им жен от дщерей наших, яко кляшася сынове Израилевы, глаголюще: проклят даяй жену Вениамину.

Суд.21:18  с толкованием

19
И рекоша: се, праздник Господень в Силоме от дний во дни, иже есть от севера Вефиля, на восток солнца на пути восходящем от Вефиля в Сихем, и от юга Левоны.

Суд.21:19  с толкованием

20
И заповедаша сыном Вениаминим, глаголюще: идите и засядите в виноградех,

Суд.21:20  с толкованием

21
и узрите, и се, егда изыдут дщери живущих в Силоме плясати в лики, да изыдете из виноградов и восхитите муж жену себе от дщерей Силомлих, и идите на землю Вениаминю:

Суд.21:21  с толкованием

22
и будет егда приидут отцы их или братия их судитися к нам, и речем им: помилуйте нас ими, яко не взя муж жены своея в полце: понеже вы не дали есте им яко жребий, согрешисте.

Суд.21:22  с толкованием

23
И сотвориша тако сынове Вениамини, и пояша жены по числу своему от пляшущих, яже восхитиша: и отидоша и возвратишася в наследие свое, и создаша грады и вселишася в них.

Суд.21:23  с толкованием

24
И отидоша оттуду сынове Израилевы в то время, муж во племя свое и в род свой: и изыде оттуду муж в наследие свое. И в тыя дни не бяше царя во Израили: муж еже угодно пред очима его, творяше.

Суд.21:24  с толкованием

Толкования на главу Суд.21
этой книги Священного Писания


Толкование блаженного Феодорита Кирского
 

Блж. Феодорит Кирский. Толкование на книгу Судей

Суд.21

Глава 
21

Суд.21  с толкованием

Вопрос 28. Почему сыны Израилевы двум стам мужам из колена Вениаминова повелели похитить и взять себе в жены девиц из числа плясавших в Силоме (Суд.21:16-24)?

Все женщины в колене Вениаминовом были побиты; Израильтяне же поклялись дочерей своих не выдавать за Вениамитян. Посему, чтобы вынужденные этим Вениамитяне, по необходимости, не взяли жен иноплеменных, Израильтяне нашли средство избавиться от затруднения, и придумали похищение.