Глава 
17

Лев.17  с толкованием

1
И рече Господь к Моисею, глаголя:

Лев.17:1  с толкованием

2
глаголи Аарону и сыном его и ко всем сыном Израилевым, и речеши к ним: сие слово еже заповеда Господь, глаголя:

Лев.17:2  с толкованием

3
человек человек от сынов Израилевых или от пришелец, иже прилежат в вас, иже аще заколет телца или овцу или козу в полце, и иже аще заколет вне полка

Лев.17:3  с толкованием

4
и пред двери скинии свидения не принесет, якоже сотворити е во всесожжение или спасение Господу приятно, в воню благовония: и иже аще заколет вне и пред двери скинии свидения не принесет его, яко принести дар Господу пред скинию Господню: и вменится человеку тому кровь: кровь пролиял, да потребится душа она от людий своих:

Лев.17:4  с толкованием

5
яко да принесут сынове Израилевы жертвы своя, елики аще сии заколют на поли, и да принесут я ко Господу к дверем скинии свидения к жерцу, и пожрут я в жертву спасения Господу.

Лев.17:5  с толкованием

6
И да возлиет жрец кровь на олтарь окрест пред Господем у дверий скинии свидения: и да вознесет тук в воню благоухания Господу:

Лев.17:6  с толкованием

7
и да не пожрут ктому жертв своих суетным, имже сами блудодействуют вслед их: законное вечное будет вам в роды вашя.

Лев.17:7  с толкованием

8
И речеши к ним: человек человек от сынов Израилевых или от сынов пришелцов прилежащих в вас, иже аще сотворит всесожжение или жертву,

Лев.17:8  с толкованием

9
и к дверем скинии свидения не принесет сотворити е Господви, потребится душа та от людий своих.

Лев.17:9  с толкованием

10
И человек человек от сынов Израилевых или от пришелец прилежащих в вас, иже аще яст всякую кровь, и утвержу лице Мое на душу ядущую кровь, и погублю ю от людий своих:

Лев.17:10  с толкованием

11
зане душа всякия плоти кровь его есть, и Аз дах ю вам у олтаря умоляти от душах ваших: кровь бо его вместо души умолит.

Лев.17:11  с толкованием

12
Сего ради рекох сыном Израилевым: всяка душа от вас да не снест крове, и пришлец прилежащий в вас да не снест крове.

Лев.17:12  с толкованием

13
И человек человек от сынов Израилевых или от пришлец прилежащих в вас, иже аще уловит ловитву зверя или птицу, еже ястся: пролиет кровь ея, и покрыет ю землею:

Лев.17:13  с толкованием

14
душа бо всякия плоти кровь его есть. И рекох сыном Израилевым: крове всякия плоти да не снесте, яко душа всякия плоти кровь его есть: всяк ядый ю потребится:

Лев.17:14  с толкованием

15
и всяка душа яже яст мертвечину или звероядину, от туземец или от пришелец, да исперет ризы своя и да омыет тело водою, и нечист будет до вечера, по сем же чист будет:

Лев.17:15  с толкованием

16
аше же не исперет риз своих, ни омыет тела водою, то приимет беззаконие свое.

Лев.17:16  с толкованием

Толкования на главу Лев.17
этой книги Священного Писания


Библия Толкования на Левит прп. Ефрем Сирин Глава  17

Толкование преподобного Ефрема Сирина
 

Преподобный Ефрем Сирин. Толкование на книгу Левит

Лев.17