Глава 
1

Флм.1  с толкованием

1
Павел юзник Иисус Христов, и Тимофей брат, Филимону возлюбленному и споспешнику нашему,

Флм.1:1  с толкованием

2
и Апфии сестре возлюбленнеи, и Архиппу совоинственнику нашему, и домашней твоей церкви:

Флм.1:2  с толкованием

3
благодать вам и мир от Бога Отца нашего, и Господа Иисуса Христа.

Флм.1:3  с толкованием

4
Благодарю Бога моего, всегда память о тебе творя в молитвах моих,

Флм.1:4  с толкованием

5
слышав любовь твою и веру, юже имаши ко Господу Иисусу и ко всем святым.

Флм.1:5  с толкованием

6
Яко да общение твоея веры действенно будет в разуме всякаго блага, еже в вас, о Христе Иисусе.

Флм.1:6  с толкованием

7
Радость бо имам многу и утешение о любви твоей, яко утробы святых почиша тобою, брате.

Флм.1:7  с толкованием

8
Сего ради многое дерзновение имея во Христе повелевати тебе, еже потребно есть,

Флм.1:8  с толкованием

9
любве же ради паче молю, таков сый якоже Павел старец, ныне же и узник Иисуса Христа:

Флм.1:9  с толкованием

10
молю тя о моем чаде, егоже родих во узах моих Онисима,

Флм.1:10  с толкованием

11
иногда тебе непотребнаго, ныне же тебе и мне благопотребна, егоже возпослах тебе,

Флм.1:11  с толкованием

12
ты же его, сиречь мою утробу, приими.

Флм.1:12  с толкованием

13
Егоже аз хотех у себе держати, да вместо тебе послужит ми во узах благовествования:

Флм.1:13  с толкованием

14
без твоея же воли ничтоже восхотех сотворити, да не аки по нужди благое твое будет, но по воли.

Флм.1:14  с толкованием

15
Негли бо ради сего разлучися на час, да вечна того приимеши,

Флм.1:15  с толкованием

16
не ктому аки раба, но выше раба, брата возлюбленна, паче же мне, кольми же паче тебе, и по плоти и о Господе.

Флм.1:16  с толкованием

17
Аще убо имаши мене общника, приими сего якоже мене.

Флм.1:17  с толкованием

18
Аще же в чесом обиде тебе, или должен есть, мне сие вмени.

Флм.1:18  с толкованием

19
Аз Павел написах рукою моею: аз воздам: да не реку тебе, яко и сам себе ми еси должен.

Флм.1:19  с толкованием

20
Ей, брате, аз да получу еже прошу у тебе о Господе: упокой мою утробу о Господе.

Флм.1:20  с толкованием

21
Надеявся на послушание твое написах тебе, ведый, яко и паче, еже глаголю, сотвориши.

Флм.1:21  с толкованием

22
Купно же и уготови ми обитель: уповаю бо, яко молитвами вашими дарован буду вам.

Флм.1:22  с толкованием

23
Целует тя Епафрас, спленник мой о Христе Иисусе,

Флм.1:23  с толкованием

24
Марко, Аристарх, Димас, Лука, споспешницы мои.

Флм.1:24  с толкованием

25
Благодать Господа нашего Иисуса Христа со духом вашим. Аминь.

Флм.1:25  с толкованием