Глава 
1

Еф.1  с толкованием

1
Павел, посланник Иисус Христов волею Божиею, святым сущым во Ефесе и верным о Христе Иисусе:

Еф.1:1  с толкованием

2
благодать вам и мир от Бога Отца нашего и Господа Иисуса Христа.

Еф.1:2  с толкованием

3
Благословен Бог и Отец Господа нашего Иисуса Христа, благословивый нас всяцем благословением духовным в небесных о Христе.

Еф.1:3  с толкованием

4
Якоже избра нас в Нем прежде сложения мира, быти нам святым и непорочным пред Ним в любви,

Еф.1:4  с толкованием

5
прежде нарек нас во усыновление Иисус Христом в Него, по благоволению хотения Своего,

Еф.1:5  с толкованием

6
в похвалу славы благодати Своея, еюже облагодати нас о Возлюбленнем:

Еф.1:6  с толкованием

7
о Немже имамы избавление Кровию Его, и оставление прегрешений, по богатству благодати Его,

Еф.1:7  с толкованием

8
юже преумножил есть в нас во всяцей премудрости и разуме,

Еф.1:8  с толкованием

9
сказав нам тайну воли Своея по благоволению Своему, еже прежде положи в Нем,

Еф.1:9  с толкованием

10
в смотрение исполнения времен, возглавити всяческая о Христе, яже на небесех и яже на земли в нем:

Еф.1:10  с толкованием

11
в Немже и наследницы сотворихомся, прежде наречени бывше по прозрению Божию вся Действующаго по совету воли Своея,

Еф.1:11  с толкованием

12
яко быти нам в похваление славы Его, прежде уповавшым во Христа:

Еф.1:12  с толкованием

13
в Немже и вы, слышавше слово истины, благовествование спасения нашего, в Немже и веровавше знаменастеся Духом обетования Святым,

Еф.1:13  с толкованием

14
Иже есть обручение наследия нашего, во избавление снабдения, в похвалу славы Его.

Еф.1:14  с толкованием

15
Сего ради и аз слышав вашу веру о Христе Иисусе и любовь, яже ко всем святым,

Еф.1:15  с толкованием

16
не престаю благодаря о вас, поминание о вас творя в молитвах моих,

Еф.1:16  с толкованием

17
да Бог Господа нашего Иисуса Христа, Отец славы, даст вам Духа премудрости и откровения, в познание Его,

Еф.1:17  с толкованием

18
просвещенна очеса сердца вашего, яко уведети вам, кое есть упование звания Его, и кое богатство славы достояния Его во святых,

Еф.1:18  с толкованием

19
и кое преспеющее величество силы Его в нас верующих по действу державы крепости Его,

Еф.1:19  с толкованием

20
юже содея о Христе, воскресив Его от мертвых и посадив одесную Себе на небесных,

Еф.1:20  с толкованием

21
превыше всякаго Началства и Власти и Силы и Господства, и всякаго имене именуемаго не точию в веце сем, но и во грядущем:

Еф.1:21  с толкованием

22
и вся покори под нозе Его, и Того даде главу выше всех Церкви,

Еф.1:22  с толкованием

23
яже есть Тело Его, исполнение Исполняющаго всяческая во всех.

Еф.1:23  с толкованием

Глава 
2

Еф.2  с толкованием

1
И вас сущих прегрешеньми мертвых и грехи вашими,

Еф.2:1  с толкованием

2
в нихже иногда ходисте по веку мира сего, по князю власти воздушныя, духа, иже ныне действует в сынех противления,

Еф.2:2  с толкованием

3
в нихже и мы вси жихом иногда в похотех плоти нашея, творяще волю плоти и помышлений, и бехом естеством чада гнева, якоже и прочии:

Еф.2:3  с толкованием

4
Бог же, богат сый в милости, за премногую любовь Свою, еюже возлюби нас,

Еф.2:4  с толкованием

5
и сущих нас мертвых прегрешеньми, сооживи Христом: благодатию есте спасени:

Еф.2:5  с толкованием

6
и с Ним воскреси, и спосади на небесных во Христе Иисусе,

Еф.2:6  с толкованием

7
да явит в вецех грядущих презелное богатство благодати Своея благостынею на нас о Христе Иисусе.

Еф.2:7  с толкованием

8
Благодатию бо есте спасени чрез веру: и сие не от вас, Божий дар:

Еф.2:8  с толкованием

9
не от дел, да никтоже похвалится.

Еф.2:9  с толкованием

10
Того бо есмы творение, создани во Христе Иисусе на дела благая, яже прежде уготова Бог, да в них ходим.

Еф.2:10  с толкованием

11
Темже поминайте, яко вы, иже иногда языцы во плоти, глаголемии необрезание от рекомаго обрезания во плоти, рукотвореннаго,

Еф.2:11  с толкованием

12
яко бесте во время оно без Христа, отчуждени жития Израилева и чужди от завет обетования, упования не имуще и безбожни в мире:

Еф.2:12  с толкованием

13
ныне же о Христе Иисусе вы, бывшии иногда далече, близ бысте Кровию Христовою.

Еф.2:13  с толкованием

14
Той бо есть мир наш, сотворивый обоя едино, и средостение ограды разоривый,

Еф.2:14  с толкованием

15
вражду Плотию Своею, закон заповедий ученьми упразднив, да оба созиждет Собою во единаго новаго человека, творя мир,

Еф.2:15  с толкованием

16
и примирит обоих во единем теле Богови крестом, убив вражду на нем:

Еф.2:16  с толкованием

17
и пришед благовести мир вам, дальним и ближним,

Еф.2:17  с толкованием

18
зане Тем имамы приведение обои во единем Дусе ко Отцу.

Еф.2:18  с толкованием

19
Темже убо ктому несте странни и пришелцы, но сожителе святым и приснии Богу,

Еф.2:19  с толкованием

20
наздани бывше на основании Апостол и пророк, сущу краеугольну Самому Иисусу Христу,

Еф.2:20  с толкованием

21
о немже всяко создание составляемо растет в церковь святую о Господе:

Еф.2:21  с толкованием

22
о немже и вы созидаетеся в жилище Божие Духом.

Еф.2:22  с толкованием

Глава 
3

Еф.3  с толкованием

1
Сего ради аз Павел юзник Иисус Христов о вас языцех.

Еф.3:1  с толкованием

2
Аще убо слышасте смотрение благодати Божия данныя мне в вас,

Еф.3:2  с толкованием

3
яко по откровению сказася мне тайна, якоже преднаписах вмале:

Еф.3:3  с толкованием

4
о немже можете чтуще разумети разум мой в тайне Христове,

Еф.3:4  с толкованием

5
яже во инех родех не сказася сыном человеческим, якоже ныне открыся святым Его Апостолом и пророком Духом Святым:

Еф.3:5  с толкованием

6
яко быти языком снаследником и стелесником и спричастником обетования Его о Христе Иисусе, благовествованием,

Еф.3:6  с толкованием

7
емуже бых служитель по дару благодати Божия, данныя мне по действу силы Его.

Еф.3:7  с толкованием

8
Мне меншему всех святых дана бысть благодать сия, во языцех благовестити неизследованное богатство Христово

Еф.3:8  с толкованием

9
и просветити всех, что есть смотрение тайны сокровенныя от веков в Бозе, создавшем всяческая Иисус Христом,

Еф.3:9  с толкованием

10
да скажется ныне началом и властем на небесных Церковию многоразличная премудрость Божия,

Еф.3:10  с толкованием

11
по предложению век, еже сотвори о Христе Иисусе Господе нашем,

Еф.3:11  с толкованием

12
о Немже имамы дерзновение и приведение в надеянии верою Его.

Еф.3:12  с толкованием

13
Темже молю (вы) не стужати си в скорбех моих о вас, яже есть слава ваша.

Еф.3:13  с толкованием

14
Сего ради преклоняю колена моя ко Отцу Господа нашего Иисуса Христа,

Еф.3:14  с толкованием

15
из Негоже всяко отечество на небесех и на земли именуется:

Еф.3:15  с толкованием

16
да даст вам по богатству славы Своея, силою утвердитися Духом Его во внутреннем человеце,

Еф.3:16  с толкованием

17
вселитися Христу верою в сердца ваша: в любви вкоренени и основани,

Еф.3:17  с толкованием

18
да возможете разумети со всеми святыми, что широта и долгота и глубина и высота,

Еф.3:18  с толкованием

19
разумети же преспеющую разум любовь Христову, да исполнитеся во всяко исполнение Божие.

Еф.3:19  с толкованием

20
Могущему же паче вся творити по преизбыточествию, ихже просим или разумеем, по силе действуемей в нас,

Еф.3:20  с толкованием

21
Тому слава в Церкви о Христе Иисусе во вся роды века веков. Аминь.

Еф.3:21  с толкованием

Глава 
4

Еф.4  с толкованием

1
Молю убо вас аз юзник о Господе, достойно ходити звания, в неже звани бысте,

Еф.4:1  с толкованием

2
со всяким смиреномудрием и кротостию, с долготерпением, терпяще друг другу любовию,

Еф.4:2  с толкованием

3
тщащеся блюсти единение духа в союзе мира.

Еф.4:3  с толкованием

4
Едино тело, един дух, якоже и звани бысте во единем уповании звания вашего:

Еф.4:4  с толкованием

5
един Господь, едина вера, едино крещение,

Еф.4:5  с толкованием

6
един Бог и Отец всех, Иже над всеми и чрез всех и во всех нас.

Еф.4:6  с толкованием

7
Единому же комуждо нас дадеся благодать по мере дарования Христова.

Еф.4:7  с толкованием

8
Темже глаголет: возшед на высоту, пленил еси плен, и даде даяния человеком.

Еф.4:8  с толкованием

9
А еже, взыде, что есть, точию яко и сниде прежде в долнейшыя страны земли?

Еф.4:9  с толкованием

10
Сшедый, Той есть и возшедый превыше всех небес, да исполнит всяческая.

Еф.4:10  с толкованием

11
И Той дал есть овы убо Апостолы, овы же пророки, овы же Благовестники, овы же пастыри и учители,

Еф.4:11  с толкованием

12
к совершению святых, в дело служения, в созидание Тела Христова,

Еф.4:12  с толкованием

13
дондеже достигнем вси в соединение веры и познания Сына Божия, в мужа совершенна, в меру возраста исполнения Христова:

Еф.4:13  с толкованием

14
да не бываем ктому младенцы, влающеся и скитающеся всяким ветром учения, во лжи человечестей, в коварстве козней льщения:

Еф.4:14  с толкованием

15
истинствующе же в любви, да возрастим в Него всяческая, Иже есть глава Христос,

Еф.4:15  с толкованием

16
из Негоже все тело, составляемо и счиневаемо приличне всяцем осязанием подаяния, по действу в мере единыя коеяждо части, возращение тела творит в создание самаго себе любовию.

Еф.4:16  с толкованием

17
Сие убо глаголю и послушествую о Господе, ктому не ходити вам, якоже и прочии языцы ходят в суете ума их,

Еф.4:17  с толкованием

18
помрачени смыслом, суще отчуждени от жизни Божия, за невежество сущее в них, за окаменение сердец их:

Еф.4:18  с толкованием

19
иже в нечаяние вложшеся, предаша себе студодеянию, в делание всякия нечистоты в лихоимании.

Еф.4:19  с толкованием

20
Вы же не тако познасте Христа:

Еф.4:20  с толкованием

21
аще убо слышасте Его и о Нем научистеся, якоже есть истина о Иисусе:

Еф.4:21  с толкованием

22
отложити вам, по первому житию, ветхаго человека, тлеющаго в похотех прелестных,

Еф.4:22  с толкованием

23
обновлятися же духом ума вашего,

Еф.4:23  с толкованием

24
и облещися в новаго человека, созданнаго по Богу в правде и в преподобии истины.

Еф.4:24  с толкованием

25
Темже отложше лжу, глаголите истину кийждо ко искреннему своему. Зане есмы друг другу удове.

Еф.4:25  с толкованием

26
Гневайтеся и не согрешайте: солнце да не зайдет в гневе вашем:

Еф.4:26  с толкованием

27
ниже дадите места диаволу.

Еф.4:27  с толкованием

28
Крадый ктому да не крадет, но паче да труждается, делая своима рукама благое, да имать подаяти требующему.

Еф.4:28  с толкованием

29
Всяко слово гнило да не исходит из уст ваших, но точию еже есть благо к созданию веры, да даст благодать слышащым.

Еф.4:29  с толкованием

30
И не оскорбляйте Духа Святаго Божия, Имже знаменастеся в день избавления.

Еф.4:30  с толкованием

31
Всяка горесть, и гнев, и ярость, и кличь, и хула да возмется от вас, со всякою злобою:

Еф.4:31  с толкованием

32
бывайте же друг ко другу блази, милосерди, прощающе друг другу, якоже и Бог во Христе простил есть вам.

Еф.4:32  с толкованием

Глава 
5

Еф.5  с толкованием

1
Бывайте убо подражателе Богу, якоже чада возлюбленная,

Еф.5:1  с толкованием

2
и ходите в любви, якоже и Христос возлюбил есть нас, и предаде Себе за ны приношение и жертву Богу в воню благоухания.

Еф.5:2  с толкованием

3
Блуд же и всяка нечистота и лихоимство ниже да именуется в вас, якоже подобает святым:

Еф.5:3  с толкованием

4
и сквернословие, и буесловие, или кощуны, яже неподобная, но паче благодарение:

Еф.5:4  с толкованием

5
сие бо да весте, яко всяк блудник, или нечист, или лихоимец, иже есть идолослужитель, не имать достояния в Царствии Христа и Бога.

Еф.5:5  с толкованием

6
Никтоже вас да льстит суетными словесы, сих бо ради грядет гнев Божий на сыны непокоривыя.

Еф.5:6  с толкованием

7
Не бывайте убо сопричастницы сим.

Еф.5:7  с толкованием

8
Бесте бо иногда тма, ныне же свет о Господе: якоже чада света ходите:

Еф.5:8  с толкованием

9
плод бо духовный есть во всяцей благостыни и правде и истине:

Еф.5:9  с толкованием

10
искушающе, что есть благоугодно Богови:

Еф.5:10  с толкованием

11
и не приюбщайтеся к делом неплодным тмы, паче же и обличайте.

Еф.5:11  с толкованием

12
Бываемая бо отай от них, срамно есть и глаголати.

Еф.5:12  с толкованием

13
Вся же обличаемая от света являются, все бо являемое свет есть:

Еф.5:13  с толкованием

14
сего ради глаголет: востани, спяй, и воскресни от мертвых, и осветит тя Христос.

Еф.5:14  с толкованием

15
Блюдите убо, како опасно ходите, не якоже немудри, но якоже премудри,

Еф.5:15  с толкованием

16
искупующе время, яко дние лукави суть.

Еф.5:16  с толкованием

17
Сего ради не бывайте несмысленни, но разумевайте, что есть воля Божия.

Еф.5:17  с толкованием

18
И не упивайтеся вином, в немже есть блуд: но паче исполняйтеся Духом,

Еф.5:18  с толкованием

19
глаголюще себе во псалмех и пениих и песнех духовных, воспевающе и поюще в сердцах ваших Господеви,

Еф.5:19  с толкованием

20
благодаряще всегда о всех о имени Господа нашего Иисуса Христа Богу и Отцу,

Еф.5:20  с толкованием

21
повинующеся друг другу в страсе Божии.

Еф.5:21  с толкованием

22
Жены, своим мужем повинуйтеся, якоже Господу,

Еф.5:22  с толкованием

23
зане муж глава есть жены, якоже и Христос глава Церкве, и Той есть Спаситель тела:

Еф.5:23  с толкованием

24
но якоже Церковь повинуется Христу, такожде и жены своим мужем во всем.

Еф.5:24  с толкованием

25
Мужие, любите своя жены, якоже и Христос возлюби Церковь, и Себе предаде за ню,

Еф.5:25  с толкованием

26
да освятит ю, очистив банею водною в глаголголе:

Еф.5:26  с толкованием

27
да представит ю Себе славну Церковь, не имущу скверны, или порока, или нечто от таковых, но да будет свята и непорочна.

Еф.5:27  с толкованием

28
Тако должни суть мужие любити своя жены, яко своя телеса: любяй бо свою жену, себе самаго любит.

Еф.5:28  с толкованием

29
Никтоже бо когда свою плоть возненавиде, но питает и греет ю, якоже и Господь Церковь:

Еф.5:29  с толкованием

30
зане уди есмы Тела Его, от плоти Его и от костей Его.

Еф.5:30  с толкованием

31
Сего ради оставит человек отца своего и матерь, и прилепится к жене своей, и будета два в плоть едину.

Еф.5:31  с толкованием

32
Тайна сия велика есть: аз же глаголю во Христа и во Церковь.

Еф.5:32  с толкованием

33
Обаче и вы, по единому кийждо свою жену сице да любит, якоже (и) себе: а жена да боится (своего) мужа.

Еф.5:33  с толкованием