Глава 
1

1Тим.1  с толкованием

1
Павел, посланник Иисус Христов по повелению Бога Спаса нашего и Господа Иисуса Христа упования нашего,

1Тим.1:1  с толкованием

2
Тимофею присному чаду в вере: благодать, милость, мир от Бога Отца нашего и Христа Иисуса Господа нашего.

1Тим.1:2  с толкованием

3
Якоже умолих тя пребыти во Ефесе, идый в Македонию, да завещаеши неким не инако учити,

1Тим.1:3  с толкованием

4
ниже внимати баснем и родословием безконечным, яже стязания творят паче, нежели Божие строение, еже в вере.

1Тим.1:4  с толкованием

5
Конец же завещания есть любы от чиста сердца и совести благия и веры нелицемерныя,

1Тим.1:5  с толкованием

6
в нихже нецыи погрешивше, уклонишася в суесловия,

1Тим.1:6  с толкованием

7
хотяще быти законоучителе, не разумеюще ни яже глаголют, ни о нихже утверждают.

1Тим.1:7  с толкованием

8
Вемы же, яко добр закон (есть), аще кто его законне творит,

1Тим.1:8  с толкованием

9
ведый сие, яко праведнику закон не лежит, но беззаконным и непокоривым, нечестивым (же) и грешником, неправедным и скверным, отца и матере досадителем, мужеубийцам,

1Тим.1:9  с толкованием

10
блудником, мужеложником, разбойником, (клеветником, скотоложником,) лживым, клятвопреступником, и аще что ино здравому учению противится,

1Тим.1:10  с толкованием

11
по благовестию славы блаженнаго Бога, еже мне уверено бысть.

1Тим.1:11  с толкованием

12
И благодарю укрепляющаго мя Христа Иисуса Господа нашего, яко верна мя непщева, положив (мя) в службу,

1Тим.1:12  с толкованием

13
бывша мя иногда хульника и гонителя и досадителя: но помилован бых, яко неведый сотворих в неверствии:

1Тим.1:13  с толкованием

14
упреумножися же благодать Господа нашего (Иисуса Христа) с верою и любовию яже о Христе Иисусе.

1Тим.1:14  с толкованием

15
Верно слово и всякаго приятия достойно, яко Христос Иисус прииде в мир грешники спасти, от нихже первый есмь аз.

1Тим.1:15  с толкованием

16
Но сего ради помилован бых, да во мне первем покажет Иисус Христос все долготерпение, за образ хотящих веровати Ему в жизнь вечную.

1Тим.1:16  с толкованием

17
Царю же веков нетленному, невидимому, единому премудрому Богу, честь и слава во веки веков. Аминь.

1Тим.1:17  с толкованием

18
Сие же завещание предаю ти, чадо Тимофее, по бывших на тя прежде пророчествиих, да воинствуеши в них доброе воинство,

1Тим.1:18  с толкованием

19
имея веру и благую совесть, юже нецыи отринувше, от веры отпадоша:

1Тим.1:19  с толкованием

20
от нихже есть Именей и Александр, ихже предах сатане, да накажутся не хулити.

1Тим.1:20  с толкованием

Глава 
2

1Тим.2  с толкованием

1
Молю убо прежде всех творити молитвы, моления, прошения, благодарения за вся человеки,

1Тим.2:1  с толкованием

2
за царя и за всех, иже во власти суть, да тихое и безмолвное житие поживем во всяцем благочестии и чистоте:

1Тим.2:2  с толкованием

3
сие бо добро и приятно пред Спасителем нашим Богом,

1Тим.2:3  с толкованием

4
Иже всем человеком хощет спастися и в разум истины приити.

1Тим.2:4  с толкованием

5
Един бо есть Бог, и един ходатай Бога и человеков, человек Христос Иисус,

1Тим.2:5  с толкованием

6
давый Себе избавление за всех: свидетелство времены своими,

1Тим.2:6  с толкованием

7
в неже поставлен бых аз проповедник и Апостол, истину глаголю о Христе, не лгу, учитель языков в вере и истине.

1Тим.2:7  с толкованием

8
Хощу убо, да молитвы творят мужие на всяцем месте, воздеюще преподобныя руки без гнева и размышления:

1Тим.2:8  с толкованием

9
такожде и жены во украшении лепотнем, со стыдением и целомудрием да украшают себе не в плетениих, ни златом, или бисерми, или ризами многоценными,

1Тим.2:9  с толкованием

10
но, еже подобает женам обещавающымся благочестию, делы благими.

1Тим.2:10  с толкованием

11
Жена в безмолвии да учится со всяким покорением:

1Тим.2:11  с толкованием

12
жене же учити не повелеваю, ниже владети мужем, но быти в безмолвии.

1Тим.2:12  с толкованием

13
Адам бо прежде создан бысть, потом же Ева:

1Тим.2:13  с толкованием

14
и Адам не прельстися, жена же прельстившися, в преступлении бысть:

1Тим.2:14  с толкованием

15
спасется же чадородия ради, аще пребудет в вере и любви и во святыни с целомудрием.

1Тим.2:15  с толкованием

Глава 
3

1Тим.3  с толкованием

1
Верно слово: аще кто епископства хощет, добра дела желает.

1Тим.3:1  с толкованием

2
Подобает убо епископу быти непорочну, единыя жены мужу, трезвену, целомудру, (благоговейну,) честну, страннолюбиву, учителну,

1Тим.3:2  с толкованием

3
не пиянице, не бийце, не сварливу, не мшелоимцу, но кротку, (не завистливу,) не сребролюбцу,

1Тим.3:3  с толкованием

4
свой дом добре правящу, чада имущу в послушании со всякою чистотою:

1Тим.3:4  с толкованием

5
аще же кто своего дому не умеет правити, како о Церкви Божией прилежати возможет?

1Тим.3:5  с толкованием

6
Не новокрещенну, да не разгордевся в суд впадет диаволь.

1Тим.3:6  с толкованием

7
Подобает же ему и свидетелство добро имети от внешних, да не в поношение впадет и в сеть неприязнену.

1Тим.3:7  с толкованием

8
Диаконом такожде чистым, не двоязычным, не вину многу внимающым, не скверностяжателным,

1Тим.3:8  с толкованием

9
имущым таинство веры в чистей совести.

1Тим.3:9  с толкованием

10
И сии убо да искушаются прежде, потом же да служат, непорочни суще.

1Тим.3:10  с толкованием

11
Женам такожде чистым, не клеветивым, (не навадницам,) трезвенным, верным во всем.

1Тим.3:11  с толкованием

12
Диакони да бывают единыя жены мужие, чада добре правяще и своя домы:

1Тим.3:12  с толкованием

13
ибо служившии добре степень себе добр снискают и многое дерзновение в вере, яже о Христе Иисусе.

1Тим.3:13  с толкованием

14
Сия пишу тебе, уповая приити к тебе скоро:

1Тим.3:14  с толкованием

15
аще же замедлю, да увеси, како подобает в дому Божии жити, яже есть Церковь Бога жива, столп и утверждение истины.

1Тим.3:15  с толкованием

16
И исповедуемо велия есть благочестия тайна: Бог явися во плоти, оправдася в Дусе, показася Ангелом, проповедан бысть во языцех, веровася в мире, вознесеся во славе.

1Тим.3:16  с толкованием

Глава 
4

1Тим.4  с толкованием

1
Дух же явственне глаголет, яко в последняя времена отступят нецыи от веры, внемлюще духовом лестчым и учением бесовским,

1Тим.4:1  с толкованием

2
в лицемерии лжесловесник, сожженных своею совестию,

1Тим.4:2  с толкованием

3
возбраняющих женитися, удалятися от брашен, яже Бог сотвори в снедение со благодарением верным и познавшым истину.

1Тим.4:3  с толкованием

4
Зане всякое создание Божие добро, и ничтоже отметно, со благодарением приемлемо,

1Тим.4:4  с толкованием

5
освящается бо словом Божиим и молитвою.

1Тим.4:5  с толкованием

6
Сия вся сказуя братии, добр будеши служитель Иисуса Христа, питаемь словесы веры и добрым учением, емуже последовал еси.

1Тим.4:6  с толкованием

7
Скверных же и бабиих басней отрицайся, обучай же себе ко благочестию:

1Тим.4:7  с толкованием

8
телесное бо обучение вмале есть полезно, а благочестие на все полезно есть, обетование имеющее живота нынешняго и грядущаго.

1Тим.4:8  с толкованием

9
Верно слово и всякаго приятия достойно.

1Тим.4:9  с толкованием

10
На сие бо и труждаемся и поношаеми есмы, яко уповахом на Бога жива, Иже есть Спаситель всем человеком, паче же верным.

1Тим.4:10  с толкованием

11
Завещавай сия и учи.

1Тим.4:11  с толкованием

12
Никтоже о юности твоей да нерадит: но образ буди верным словом, житием, любовию, духом, верою, чистотою.

1Тим.4:12  с толкованием

13
Дондеже прииду, внемли чтению, утешению, учению.

1Тим.4:13  с толкованием

14
Не неради о своем даровании живущем в тебе, еже дано тебе бысть пророчеством с возложением рук священничества.

1Тим.4:14  с толкованием

15
В сих поучайся, в сих пребывай, (в сих разумевай,) да преспеяние твое явлено будет во всех.

1Тим.4:15  с толкованием

16
Внимай себе и учению и пребывай в них: сия бо творя, и сам спасешися и послушающии тебе.

1Тим.4:16  с толкованием

Глава 
5

1Тим.5  с толкованием

1
Старцу не твори пакости, но утешай якоже отца: юношы, якоже братию:

1Тим.5:1  с толкованием

2
старицы, якоже матери: юныя, якоже сестры, со всякою чистотою.

1Тим.5:2  с толкованием

3
Вдовицы чти сущыя истинныя вдовицы.

1Тим.5:3  с толкованием

4
Аще же кая вдовица чада или внучата имать, да учатся прежде свой дом благочестиво устроити и взаем воздаяти родителем: сие бо есть благоугодно пред Богом.

1Тим.5:4  с толкованием

5
А сущая истинная вдовица и уединена, уповает на Бога и пребывает в молитвах и молениих день и нощь:

1Тим.5:5  с толкованием

6
питающаяся же пространно, жива умерла.

1Тим.5:6  с толкованием

7
И сия завещавай, да непорочни будут.

1Тим.5:7  с толкованием

8
Аще же кто о своих, паче же о присных не промышляет, веры отверглся есть и невернаго горший есть.

1Тим.5:8  с толкованием

9
Вдовица же да причитается не менши лет шестидесятих, бывши единому мужу жена,

1Тим.5:9  с толкованием

10
в делех добрых свидетелствуема, аще чада воспитала есть, аще святых нозе умы, аще странныя прият, аще скорбным утешение бысть, аще всякому делу благу последовала есть.

1Тим.5:10  с толкованием

11
Юных же вдовиц отрицайся: егда бо разсвирепеют о Христе, посягати хотят,

1Тим.5:11  с толкованием

12
имущыя грех, яко первыя веры отвергошася:

1Тим.5:12  с толкованием

13
купно же и праздны учатся обходити домы, не точию же праздны, но и блядивы и оплазивы, глаголющыя, яже не подобает.

1Тим.5:13  с толкованием

14
Хощу убо юным вдовицам посягати, чада раждати, дом строити, ни едины же вины даяти противному хулы ради:

1Тим.5:14  с толкованием

15
се бо некия развратишася вслед сатаны.

1Тим.5:15  с толкованием

16
Аще кто верен или верна имать вдовицы, да довлит их, и да не тяготится Церковь, да сущих истинных вдовиц удоволит.

1Тим.5:16  с толкованием

17
Прилежащии же добре пресвитери сугубыя чести да сподобляются: паче же труждающиися в слове и учении.

1Тим.5:17  с толкованием

18
Глаголет бо Писание: вола молотяща не обротиши: и: достоин делатель мзды своея.

1Тим.5:18  с толкованием

19
На пресвитера хулы не приемли, разве при двою или триех свидетелех.

1Тим.5:19  с толкованием

20
Согрешающих же пред всеми обличай, да и прочии страх имут.

1Тим.5:20  с толкованием

21
Засвидетелствую пред Богом, и Господем Иисус Христом, и избранными (его) Ангелы, да сия сохраниши без лицемерия, ничесоже творя по уклонению.

1Тим.5:21  с толкованием

22
Руки скоро не возлагай ни на когоже, ниже приобщайся чужым грехом: себе чиста соблюдай.

1Тим.5:22  с толкованием

23
Ктому не пий воды, но мало вина приемли, стомаха ради твоего и частых твоих недугов.

1Тим.5:23  с толкованием

24
Неких (же) человек греси предявлени суть, предваряюще на суд: неким же и последствуют.

1Тим.5:24  с толкованием

25
Такожде и добрая дела предявлена суть: и сущая инако, утаитися не могут.

1Тим.5:25  с толкованием