Глава 
1

1Кор.1  с толкованием

1
Павел, зван Апостол Иисус Христов волею Божиею, и Сосфен брат,

1Кор.1:1  с толкованием

2
церкви Божией сущей в Коринфе, освященным о Христе Иисусе, званным святым, со всеми призывающими имя Господа нашего Иисуса Христа, во всяцем месте, тех же и нашем:

1Кор.1:2  с толкованием

3
благодать вам и мир от Бога Отца нашего и Господа Иисуса Христа.

1Кор.1:3  с толкованием

4
Благодарю Бога моего всегда о вас, о благодати Божией данней вам о Христе Иисусе,

1Кор.1:4  с толкованием

5
яко во всем обогатистеся о Нем, во всяцем слове и всяцем разуме,

1Кор.1:5  с толкованием

6
якоже свидетелство Христово известися в вас:

1Кор.1:6  с толкованием

7
яко вам не лишитися ни во единем даровании, чающым откровения Господа нашего Иисуса Христа,

1Кор.1:7  с толкованием

8
Иже и утвердит вас даже до конца неповинных в день Господа нашего Иисуса Христа.

1Кор.1:8  с толкованием

9
Верен Бог, Имже звани бысте во общение Сына Его Иисуса Христа, Господа нашего.

1Кор.1:9  с толкованием

10
Молю же вы, братие, именем Господа нашего Иисуса Христа, да тожде глаголете вси, и да не будут в вас распри, да будете же утверждени в томже разумении и в тойже мысли.

1Кор.1:10  с толкованием

11
Возвестися бо ми о вас, братие моя, (посланным) от Хлоиса, яко рвения в вас суть.

1Кор.1:11  с толкованием

12
Глаголю же се, яко кийждо вас глаголет: аз убо есмь Павлов, аз же Аполлосов, аз же Кифин, аз же Христов.

1Кор.1:12  с толкованием

13
Еда разделися Христос, еда Павел распятся по вас? Или во имя Павлово крестистеся?

1Кор.1:13  с толкованием

14
Благодарю Бога, яко ни единаго от вас крестих, точию Криспа и Гаиа,

1Кор.1:14  с толкованием

15
да не кто речет, яко в мое имя крестих.

1Кор.1:15  с толкованием

16
Крестих же и Стефанинов дом: прочее не вем, аще кого иного крестих.

1Кор.1:16  с толкованием

17
Не посла бо мене Христос крестити, но благовестити, не в премудрости слова, да не испразднится крест Христов.

1Кор.1:17  с толкованием

18
Слово бо крестное погибающым убо юродство есть, а спасаемым нам сила Божия есть.

1Кор.1:18  с толкованием

19
Писано бо есть: погублю премудрость премудрых, и разум разумных отвергу.

1Кор.1:19  с толкованием

20
Где премудр? Где книжник? Где совопросник века сего? Не обуи ли Бог премудрость мира сего?

1Кор.1:20  с толкованием

21
Понеже бо в премудрости Божией не разуме мир премудростию Бога, благоизволил Бог буйстовм проповеди спасти верующих.

1Кор.1:21  с толкованием

22
Понеже и Иудее знамения просят, и Еллини премудрости ищут:

1Кор.1:22  с толкованием

23
мы же проповедуем Христа распята, Иудеем убо соблазн, Еллином же безумие,

1Кор.1:23  с толкованием

24
самем же званным Иудеем же и Еллином Христа, Божию силу и Божию премудрость:

1Кор.1:24  с толкованием

25
зане буее Божие премудрее человек есть, и немощное Божие крепчае человек есть.

1Кор.1:25  с толкованием

26
Видите бо звание ваше, братие, яко не мнози премудри по плоти, не мнози сильни, не мнози благородни:

1Кор.1:26  с толкованием

27
но буяя мира избра Бог, да премудрыя посрамит, и немощная мира избра Бог, да посрамит крепкая:

1Кор.1:27  с толкованием

28
и худородная мира и уничиженная избра Бог, и не сущая, да сущая упразднит,

1Кор.1:28  с толкованием

29
яко да не похвалится всяка плоть пред Богом.

1Кор.1:29  с толкованием

30
Из Негоже вы есте о Христе Иисусе, Иже бысть нам премудрость от Бога, правда же и освящение и избавление,

1Кор.1:30  с толкованием

31
да, якоже пишется: хваляйся, о Господе да хвалится.

1Кор.1:31  с толкованием

Глава 
2

1Кор.2  с толкованием

1
И аз пришед к вам, братие, приидох не по превосходному словеси или премудрости возвещая вам свидетелство Божие:

1Кор.2:1  с толкованием

2
не судих бо ведети что в вас, точию Иисуса Христа, и Сего распята:

1Кор.2:2  с толкованием

3
и аз в немощи и страсе и трепете мнозе бых в вас.

1Кор.2:3  с толкованием

4
И слово мое и проповедь моя не в препретелных человеческия премудрости словесех, но в явлении духа и силы,

1Кор.2:4  с толкованием

5
да вера ваша не в мудрости человечестей, но в силе Божией будет.

1Кор.2:5  с толкованием

6
Премудрость же глаголем в совершенных, премудрость же не века сего, ни князей века сего престающих,

1Кор.2:6  с толкованием

7
но глаголем премудрость Божию, в тайне сокровенную, юже предустави Бог прежде век в славу нашу,

1Кор.2:7  с толкованием

8
юже никтоже от князей века сего разуме: аще бо быша разумели, не быша Господа славы распяли.

1Кор.2:8  с толкованием

9
Но якоже есть писано: ихже око не виде, и ухо не слыша, и на сердце человеку не взыдоша, яже уготова Бог любящым Его.

1Кор.2:9  с толкованием

10
Нам же Бог открыл есть Духом Своим: Дух бо вся испытует, и глубины Божия.

1Кор.2:10  с толкованием

11
Кто бо весть от человек, яже в человеце, точию дух человека, живущий в нем? Такожде и Божия никтоже весть, точию Дух Божий.

1Кор.2:11  с толкованием

12
Мы же не духа мира сего прияхом, но Духа иже от Бога, да вемы яже от Бога дарованная нам,

1Кор.2:12  с толкованием

13
яже и глаголем не в наученых человеческия премудрости словесех, но в наученых Духа Святаго, духовная духовными сразсуждающе.

1Кор.2:13  с толкованием

14
Душевен же человек не приемлет яже Духа Божия: юродство бо ему есть, и не может разумети, зане духовне востязуется.

1Кор.2:14  с толкованием

15
Духовный же востязует убо вся, а сам той ни от единаго востязуется.

1Кор.2:15  с толкованием

16
Кто бо разуме ум Господень, иже изяснит и? Мы же ум Христов имамы.

1Кор.2:16  с толкованием

Глава 
3

1Кор.3  с толкованием

1
И аз, братие, не могох вам глаголати яко духовным, но яко плотяным, яко младенцем о Христе.

1Кор.3:1  с толкованием

2
Млеком вы напоих, а не брашном: ибо не у можасте, но ниже еще можете ныне,

1Кор.3:2  с толкованием

3
еще бо плотстии есте. Идеже бо в вас зависти и рвения и распри, не плотстии ли есте и по человеку ходите?

1Кор.3:3  с толкованием

4
Егда бо глаголет кто: аз убо есмь Павлов, другий же: аз Аполлосов: не плотстии ли есте?

1Кор.3:4  с толкованием

5
Кто убо есть Павел? Кто же ли Аполлос? Но точию служителие, имиже веровасте, и комуждо якоже Господь даде.

1Кор.3:5  с толкованием

6
Аз насадих, Аполлос напои, Бог же возрасти:

1Кор.3:6  с толкованием

7
темже ни насаждаяй есть что, ни напаяяй, но возращаяй Бог.

1Кор.3:7  с толкованием

8
Насаждаяй же и напаяяй едино еста: кийждо же свою мзду приимет по своему труду.

1Кор.3:8  с толкованием

9
Богу бо есмы споспешницы: Божие тяжание, Божие здание есте.

1Кор.3:9  с толкованием

10
По благодати Божией данней мне, яко премудр архитектон основание положих, ин же назидает: кийждо же да блюдет, како назидает.

1Кор.3:10  с толкованием

11
Основания бо инаго никтоже может положити паче лежащаго, еже есть Иисус Христос.

1Кор.3:11  с толкованием

12
Аще ли кто назидает на основании сем злато, сребро, камение честное, дрова, сено, тростие,

1Кор.3:12  с толкованием

13
когождо дело явлено будет: день бо явит, зане огнем открывается: и когождо дело, яковоже есть, огнь искусит.

1Кор.3:13  с толкованием

14
(И) егоже аще дело пребудет, еже назда, мзду приимет:

1Кор.3:14  с толкованием

15
(а) егоже дело сгорит, отщетится: сам же спасется, такожде якоже огнем.

1Кор.3:15  с толкованием

16
Не весте ли, яко храм Божий есте, и Дух Божий живет в вас?

1Кор.3:16  с толкованием

17
Аще кто Божий храм растлит, растлит сего Бог: храм бо Божий свят есть, иже есте вы.

1Кор.3:17  с толкованием

18
Никтоже себе да прельщает: аще кто мнится мудр быти в вас в веце сем, буй да бывает, яко да премудр будет.

1Кор.3:18  с толкованием

19
Премудрость бо мира сего буйство у Бога есть, писано бо есть: запинаяй премудрым в коварстве их.

1Кор.3:19  с толкованием

20
И паки: Господь весть помышления человеческа, яко суть суетна.

1Кор.3:20  с толкованием

21
Темже никтоже да хвалится в человецех, вся бо ваша суть:

1Кор.3:21  с толкованием

22
аще Павел, или Аполлос, или Кифа, или мир, или живот, или смерть, или настоящая, или будущая, вся ваша суть:

1Кор.3:22  с толкованием

23
вы же Христовы, Христос же Божий.

1Кор.3:23  с толкованием

Глава 
4

1Кор.4  с толкованием

1
Тако нас да непщует человек, яко слуг Христовых и строителей таин Божиих:

1Кор.4:1  с толкованием

2
а еже прочее ищется в строителех, да верен кто обрящется.

1Кор.4:2  с толкованием

3
Мне же не велико есть, да от вас истяжуся, или от человеческаго дне: но ни сам себе востязую.

1Кор.4:3  с толкованием

4
Ничесоже бо в себе свем, но ни о сем оправдаюся: востязуяй же мя Господь есть.

1Кор.4:4  с толкованием

5
Темже прежде времене ничтоже судите, дондеже приидет Господь, Иже во свете приведет тайная тмы и объявит советы сердечныя, и тогда похвала будет комуждо от Бога.

1Кор.4:5  с толкованием

6
Сия же, братие (моя), преобразих на себе и Аполлоса вас ради, да от наю научитеся не паче написанных мудрствовати, да не един по единому гордитеся на другаго.

1Кор.4:6  с толкованием

7
Кто бо тя разсуждает? Что же имаши, егоже неси приял? Аще же и приял еси, что хвалишися яко не прием?

1Кор.4:7  с толкованием

8
Се, сыти есте, се, обогатистеся, без нас воцаристеся: и о, дабы воцарилися есте, да и мы быхом с вами цартсвовали.

1Кор.4:8  с толкованием

9
Мню бо, яко Бог ны посланники последния яви, яко насмертники: зане позор быхом миру и Ангелом и человеком.

1Кор.4:9  с толкованием

10
Мы (убо) буи Христа ради, вы же мудри о Христе: мы немощни, вы же крепцы: вы славни, мы же безчестни.

1Кор.4:10  с толкованием

11
До нынешняго часа и алчем, и жаждем, и наготуем, и страждем, и скитаемся,

1Кор.4:11  с толкованием

12
и труждаемся, делающе своими руками. Укоряеми, благословляем: гоними, терпим:

1Кор.4:12  с толкованием

13
хулими, утешаемся: якоже отреби миру быхом, всем попрание доселе.

1Кор.4:13  с толкованием

14
Не срамляя вас сия пишу, но якоже чада моя возлюбленная наказую.

1Кор.4:14  с толкованием

15
Аще бо (и) многи пестуны имате о Христе, но не многи отцы: о Христе бо Иисусе благовествованием аз вы родих.

1Кор.4:15  с толкованием

16
Молю же вас: подобни мне бывайте, якоже аз Христу.

1Кор.4:16  с толкованием

17
Сего ради послах к вам Тимофеа, иже ми есть чадо возлюблено и верно о Господе, иже вам воспомянет пути моя, яже о Христе Иисусе, якоже везде и во всяцей церкви учу.

1Кор.4:17  с толкованием

18
Яко не грядущу ми к вам, разгордешася нецыи:

1Кор.4:18  с толкованием

19
прииду же скоро к вам, аще Господь восхощет, и уразумею не слово разгордевшихся, но силу:

1Кор.4:19  с толкованием

20
не в словеси бо Царство Божие, но в силе.

1Кор.4:20  с толкованием

21
Что хощете? С палицею ли прииду к вам, или с любовию и духом кротости?

1Кор.4:21  с толкованием

Глава 
5

1Кор.5  с толкованием

1
Отнюд слышится в вас блужение, и таково блужение, яковоже ни во языцех именуется, яко некоему имети жену отчую.

1Кор.5:1  с толкованием

2
И вы разгордесте, и не паче плакасте, да измется от среды вас содеявый дело сие.

1Кор.5:2  с толкованием

3
Зане аз убо аще не у вас сый телом, ту же живый духом, уже судих, яко тамо сый: содеявшаго сице сие,

1Кор.5:3  с толкованием

4
о имени Господа нашего Иисуса Христа собравшымся вам и моему духу, с силою Господа нашего Иисуса Христа,

1Кор.5:4  с толкованием

5
предати таковаго сатане во измождение плоти, да дух спасется в день Господа нашего Иисуса Христа.

1Кор.5:5  с толкованием

6
Не добра похвала ваша. Не весте ли, яко мал квас все смешение квасит?

1Кор.5:6  с толкованием

7
Очистите убо ветхий квас, да будете ново смешение, якоже есте безквасни: ибо Пасха наша за ны пожрен бысть Христос.

1Кор.5:7  с толкованием

8
Темже да празднуем не в квасе ветсе, ни в квасе злобы и лукавства, но в безквасиих чистоты и истины.

1Кор.5:8  с толкованием

9
Писах вам в послании не примешатися блудником:

1Кор.5:9  с толкованием

10
и не всяко блудником мира сего, или лихоимцем, или хищником, или идолослужителем, понеже убо должни бы есте были от мира (сего) изыти:

1Кор.5:10  с толкованием

11
ныне же писах вам не примешатися, аще некий, брат именуемь, будет блудник, или лихоимец, или идолослужитель, или досадитель, или пияница, или хищник: с таковым ниже ясти.

1Кор.5:11  с толкованием

12
Что бо ми и внешних судити? Не внутренних ли вы судите?

1Кор.5:12  с толкованием

13
Внешних же Бог судит. И измите злаго от вас самех.

1Кор.5:13  с толкованием

Глава 
6

1Кор.6  с толкованием

1
Смеет ли кто от вас, вещь имея ко иному, судитися от неправедных, а не от святых?

1Кор.6:1  с толкованием

2
Не весте ли, яко святии мирови имут судити? И аще вами суд приимет мир, недостойни есте судищем худым?

1Кор.6:2  с толкованием

3
Не весте ли, яко аггелов судити имамы, а не точию житейских?

1Кор.6:3  с толкованием

4
Житейская бо судища аще имате, уничиженных в церкви, сих посаждаете.

1Кор.6:4  с толкованием

5
К сраму вам глаголю: тако ли несть в вас мудр ни един, иже может разсудити между братий своих?

1Кор.6:5  с толкованием

6
Но брат с братом судится, и то пред неверными.

1Кор.6:6  с толкованием

7
Уже убо отнюд вам срам есть, яко тяжбы имате между собою. Почто не паче обидими есте? Почто не паче лишени бываете?

1Кор.6:7  с толкованием

8
Но вы (сами) обидите и лишаете, да еще братию.

1Кор.6:8  с толкованием

9
Или не весте, яко неправедницы Царствия Божия не наследят? Не льстите себе: ни блудницы, ни идолослужителе, ни прелюбодее, (ни сквернителе,) ни малакии, ни мужеложницы,

1Кор.6:9  с толкованием

10
ни лихоимцы, ни татие, ни пияницы, ни досадителе, ни хищницы Царствия Божия не наследят.

1Кор.6:10  с толкованием

11
И сими (убо) нецыи бесте, но омыстеся, но освятистеся, но оправдистеся именем Господа нашего Иисуса Христа и Духом Бога нашего.

1Кор.6:11  с толкованием

12
Вся ми леть суть, но не вся на пользу: вся ми леть суть, но не аз обладан буду от чего.

1Кор.6:12  с толкованием

13
Брашна чреву, и чрево брашном: Бог же и сие и сия упразднит. Тело же не блужению, но Господеви, и Господь телу.

1Кор.6:13  с толкованием

14
Бог же и Господа воздвиже, и нас воздвигнет силою Своею.

1Кор.6:14  с толкованием

15
Не весте ли, яко телеса ваша удове Христовы суть? Вземь ли убо уды Христовы, сотворю уды блудничи? Да не будет.

1Кор.6:15  с толкованием

16
Или не весте, яко прилепляяйся сквернодейце едино тело есть (с блудодейцею)? Будета бо, рече, оба в плоть едину.

1Кор.6:16  с толкованием

17
Прилепляяйся же Господеви един дух есть (с Господем).

1Кор.6:17  с толкованием

18
Бегайте блудодеяния: всяк (бо) грех, егоже аще сотворит человек, кроме тела есть: а блудяй во свое тело согрешает.

1Кор.6:18  с толкованием

19
Или не весте, яко телеса ваша храм живущаго в вас Святаго Духа суть, Егоже имате от Бога, и несте свои?

1Кор.6:19  с толкованием

20
Куплени бо есте ценою. Прославите убо Бога в телесех ваших и в душах ваших, яже суть Божия.

1Кор.6:20  с толкованием

Глава 
7

1Кор.7  с толкованием

1
А о нихже писасте ми, добро человеку жене не прикасатися.

1Кор.7:1  с толкованием

2
Но блудодеяния ради кийждо свою жену да имать, и каяждо (жена) своего мужа да имать.

1Кор.7:2  с толкованием

3
Жене муж должную любовь да воздает: такожде и жена мужу.

1Кор.7:3  с толкованием

4
Жена своим телом не владеет, но муж: такожде и муж своим телом не владеет, но жена.

1Кор.7:4  с толкованием

5
Не лишайте себе друг друга, точию по согласию до времене, да пребываете в посте и молитве, и паки вкупе собирайтеся, да не искушает вас сатана невоздержанием вашим.

1Кор.7:5  с толкованием

6
Сие же глаголю по совету, (а) не по повелению.

1Кор.7:6  с толкованием

7
Хощу бо, да вси человецы будут, якоже и аз: но кийждо свое дарование имать от Бога, ов убо сице, ов же сице.

1Кор.7:7  с толкованием

8
Глаголю же безбрачным и вдовицам: добро им есть, аще пребудут якоже и аз:

1Кор.7:8  с толкованием

9
аще ли не удержатся, да посягают: лучше бо есть женитися, нежели разжизатися.

1Кор.7:9  с толкованием

10
А оженившымся завещаваю не аз, но Господь: жене от мужа не разлучатися:

1Кор.7:10  с толкованием

11
аще ли же и разлучится, да пребывает безбрачна, или да смирится с мужем (своим): и мужу жены не отпущати.

1Кор.7:11  с толкованием

12
Прочым же аз глаголю, (а) не Господь: аще который брат жену имать неверну, и та благоволит жити с ним, да не оставляет ея:

1Кор.7:12  с толкованием

13
и жена аще имать мужа неверна, и той благоволит жити с нею, да не оставляет его:

1Кор.7:13  с толкованием

14
святится бо муж неверен о жене верне, и святится жена неверна о мужи верне: иначе бо чада ваша нечиста были бы, ныне же свята суть.

1Кор.7:14  с толкованием

15
Аще ли неверный отлучается, да разлучится: не поработися (бо) брат или сестра в таковых: в мир бо призва нас (Господь) Бог.

1Кор.7:15  с толкованием

16
Что бо веси, жено, аще мужа спасеши? Или что веси, мужу, аще жену спасеши?

1Кор.7:16  с толкованием

17
Точию коемуждо якоже разделил есть Бог, кийждо якоже призван бысть Господем, тако да ходит: и тако во всех церквах повелеваю.

1Кор.7:17  с толкованием

18
Во обрезании ли кто призван бысть? Да не отторгнется: в необрезании ли кто призван бысть? Да не обрезуется.

1Кор.7:18  с толкованием

19
Обрезание ничтоже есть, и необрезание ничтоже есть, но соблюдение заповедий Божиих.

1Кор.7:19  с толкованием

20
Кийждо в звании, в немже призван бысть, в том да пребывает.

1Кор.7:20  с толкованием

21
Раб ли призван был еси? Да не нерадиши: но аще и можеши свободен быти, болше поработи себе.

1Кор.7:21  с толкованием

22
Призванный бо о Господе раб, свободник Господень есть: такожде и призванный свободник, раб есть Христов.

1Кор.7:22  с толкованием

23
Ценою куплени есте: не будите раби человеком.

1Кор.7:23  с толкованием

24
Кийждо, в немже призван бысть, братие, в том да пребывает пред Богом.

1Кор.7:24  с толкованием

25
О девах же повеления Господня не имам, совет же даю, яко помилован от Господа верен быти.

1Кор.7:25  с толкованием

26
Мню убо сие добро быти за настоящую нужду, яко добро человеку тако быти.

1Кор.7:26  с толкованием

27
Привязался ли еси жене? Не ищи разрешения. Отрешился ли еси жены? Не ищи жены.

1Кор.7:27  с толкованием

28
Аще ли же и оженишися, не согрешил еси: и аще посягнет дева, не согрешила есть. Скорбь же плоти имети будут таковии: аз же вы щажду.

1Кор.7:28  с толкованием

29
Сие же глаголю, братие, яко время прекращено есть прочее, да и имущии жены, якоже не имущии будут:

1Кор.7:29  с толкованием

30
и плачущиися, якоже не плачущии: и радующиися, якоже не радующеся: и купующии, яко не содержаще:

1Кор.7:30  с толкованием

31
и требующии мира сего, яко не требующе: преходит бо образ мира сего.

1Кор.7:31  с толкованием

32
Хощу же вас безпечальных быти. Не оженивыйся печется о Господних, како угодити Господеви:

1Кор.7:32  с толкованием

33
а оженивыйся печется о мирских, како угодити жене. Разделися жена и дева:

1Кор.7:33  с толкованием

34
непосягшая печется о Господних, како угодити Господеви, да будет свята и телом и духом: а посягшая печется о мирских, како угодити мужу.

1Кор.7:34  с толкованием

35
Сие же на пользу вам самем глаголю: не да сило вам наложу, но к благообразию и благоприступанию Господеви безмолвну.

1Кор.7:35  с толкованием

36
Аще ли же кто безобразити о деве своей непщует, аще есть превозрастна, и тако должна есть быти: еже хощет, да творит: не согрешает, аще посягнет.

1Кор.7:36  с толкованием

37
А иже стоит твердо сердцем, не имый нужды, власть же имать о своей воли, и се разсудил есть в сердцы своем блюсти деву свою, добре творит.

1Кор.7:37  с толкованием

38
Темже и вдаяй браку свою деву добре творит: и не вдаяй лучше творит.

1Кор.7:38  с толкованием

39
Жена привязана есть законом, в елико время живет муж ея: аще же умрет муж ея, свободна есть, за негоже хощет, посягнути, точию о Господе.

1Кор.7:39  с толкованием

40
Блаженнейша же есть, аще тако пребудет, по моему совету: мнюся бо и аз Духа Божия имети.

1Кор.7:40  с толкованием

Глава 
8

1Кор.8  с толкованием

1
О идоложертвенных же вемы: яко вси разум имамы. Разум (убо) кичит, а любы созидает.

1Кор.8:1  с толкованием

2
Аще ли кто мнится ведети что, не у что разуме, якоже подобает разумети:

1Кор.8:2  с толкованием

3
аще же кто любит Бога, сей познан бысть от Него.

1Кор.8:3  с толкованием

4
О ядении же идоложертвенных вемы, яко идол ничтоже есть в мире, и яко никтоже Бог ин, токмо Един.

1Кор.8:4  с толкованием

5
Аще бо и суть глаголемии бози, или на небеси, или на земли: якоже суть бози мнози и господие мнози:

1Кор.8:5  с толкованием

6
но нам един Бог Отец, из Негоже вся, и мы у Него, и един Господь Иисус Христос, Имже вся, и мы Тем.

1Кор.8:6  с толкованием

7
Но не во всех разум: нецыи же совестию идолскою даже доселе якоже идоложертвенное ядят, и совесть их, немощна сущи, сквернится.

1Кор.8:7  с толкованием

8
Брашно же нас не поставляет пред Богом: ниже бо аще ямы, избыточествуем: ниже аще не ямы, лишаемся.

1Кор.8:8  с толкованием

9
Блюдите же, да не како власть ваша сия преткновение будет немощным.

1Кор.8:9  с толкованием

10
Аще бо кто видит тя, имуща разум, в требищи возлежаща, не совесть ли его немощна сущи созиждется идоложертвенная ясти?

1Кор.8:10  с толкованием

11
И погибнет немощный брат в твоем разуме, егоже ради Христос умре.

1Кор.8:11  с толкованием

12
Такожде согрешающе в братию и биюще их совесть немощну сущу, во Христа согрешаете.

1Кор.8:12  с толкованием

13
Темже аще брашно соблазняет брата моего, не имам ясти мяса во веки, да не соблазню брата моего.

1Кор.8:13  с толкованием

Глава 
9

1Кор.9  с толкованием

1
Несмь ли Апостол? Несмь ли свободь? Не Иисуса Христа ли Господа нашего видех? Не дело ли мое вы есте о Господе?

1Кор.9:1  с толкованием

2
Аще иным (и) несмь Апостол, но обаче вам есмь: печать бо моего апостолства вы есте о Господе.

1Кор.9:2  с толкованием

3
Мой ответ востязующым мене сей есть.

1Кор.9:3  с толкованием

4
Еда не имамы власти ясти и пити?

1Кор.9:4  с толкованием

5
Еда не имамы власти сестру жену водити, яко и прочии Апостоли, и братия Господня, и Кифа?

1Кор.9:5  с толкованием

6
Или един аз и Варнава не имамы власти еже не делати?

1Кор.9:6  с толкованием

7
Кто воинствует своими оброки когда? Или кто насаждает виноград, и от плода его не яст? Или кто пасет стадо, и от млека стада не яст?

1Кор.9:7  с толкованием

8
Еда по человеку сия глаголю? Не и закон ли сия глаголет?

1Кор.9:8  с толкованием

9
В Моисеове бо законе писано: да не заградиши устну вола молотяща. Еда о волех радит Бог?

1Кор.9:9  с толкованием

10
Или нас ради всяко глаголет? Нас бо ради написася, яко о надежди должен есть оряй орати, и молотяй с надеждею своего упования причащатися.

1Кор.9:10  с толкованием

11
Аще мы духовная сеяхом вам, велико ли, аще мы ваша телесная пожнем?

1Кор.9:11  с толкованием

12
Аще инии власти вашея причащаются, не паче ли мы? Но не сотворихом по области сей: но вся терпим, да не прекращение кое дамы благовествованию Христову.

1Кор.9:12  с толкованием

13
Не весте ли, яко делающии священная от святилища ядят? (и) служащии олтарю со олтарем делятся?

1Кор.9:13  с толкованием

14
Тако и Господь повеле проповедающым Благовестие от благовестия жити.

1Кор.9:14  с толкованием

15
Аз же ни едино сотворих от сих. Не писах же сия, да тако будет о мне: добрее бо мне паче умрети, нежели похвалу мою кто да испразднит.

1Кор.9:15  с толкованием

16
Аще бо благовествую, несть ми похвалы, нужда бо ми належит: горе же мне есть, аще не благовествую.

1Кор.9:16  с толкованием

17
Аще убо волею сие творю, мзду имам: аще же неволею, строение ми есть предано.

1Кор.9:17  с толкованием

18
Кая убо ми есть мзда? Да благовествуяй без мзды положу Благовестие Христово, во еже не творити ми по области моей в благовествовании.

1Кор.9:18  с толкованием

19
Свободен бо сый от всех, всем себе поработих, да множайшыя приобрящу:

1Кор.9:19  с толкованием

20
бых Иудеем яко Иудей, да Иудеи приобрящу: подзаконным яко подзаконен, да подзаконныя приобрящу:

1Кор.9:20  с толкованием

21
беззаконным яко беззаконен, не сый беззаконник Богу, но законник Христу, да приобрящу беззаконныя.

1Кор.9:21  с толкованием

22
Бых немощным яко немощен, да немощныя приобрящу. Всем бых вся, да всяко некия спасу.

1Кор.9:22  с толкованием

23
Сие же творю за Благовестие, да сообщник ему буду.

1Кор.9:23  с толкованием

24
Не весте ли, яко текущии в позорищи вси убо текут, един же приемлет почесть? Тако тецыте, да постигнете.

1Кор.9:24  с толкованием

25
Всяк же подвизаяйся от всех воздержится: и они убо да истленен венец приимут, мы же неистленен.

1Кор.9:25  с толкованием

26
Аз убо тако теку, не яко безвестно, тако подвизаюся, не яко воздух бияй:

1Кор.9:26  с толкованием

27
но умерщвляю тело мое и порабощаю, да не како, иным проповедуя, сам неключимь буду.

1Кор.9:27  с толкованием

Глава 
10

1Кор.10  с толкованием

1
Не хощу же вас не ведети, братие, яко отцы наши вси под облаком быша, и вси сквозе море проидоша:

1Кор.10:1  с толкованием

2
и вси в Моисеа крестишася во облаце и в мори:

1Кор.10:2  с толкованием

3
и вси тожде брашно духовное ядоша:

1Кор.10:3  с толкованием

4
и вси тожде пиво духовное пиша, пияху бо от духовнаго последующаго камене: камень же бе Христос.

1Кор.10:4  с толкованием

5
Но не во множайших их благоволи Бог, поражени бо быша в пустыни.

1Кор.10:5  с толкованием

6
Сия же образи нам быша, яко не быти нам похотником злых, якоже и они похотеша.

1Кор.10:6  с толкованием

7
Ни идолослужителе бывайте, якоже нецыи от них, якоже есть писано: седоша людие ясти и пити, и восташа играти.

1Кор.10:7  с толкованием

8
Ниже соблудим, якоже нецыи от них соблудиша, и падоша во един день двадесять три тысящы.

1Кор.10:8  с толкованием

9
Ни да искушаим Христа, якоже нецыи от них искусиша и от змий погибоша.

1Кор.10:9  с толкованием

10
Ни ропщите, якоже нецыи от них ропташа и погибоша от всегубителя.

1Кор.10:10  с толкованием

11
Сия же вся образи прилучахуся онем: писана же быша в научение наше, в нихже концы век достигоша.

1Кор.10:11  с толкованием

12
Темже мняйся стояти да блюдется, да не падет.

1Кор.10:12  с толкованием

13
Искушение вас не достиже, точию человеческое: верен же Бог, Иже не оставит вас искуситися паче, еже можете, но сотворит со искушением и избытие, яко возмощи вам понести.

1Кор.10:13  с толкованием

14
Темже, братие моя возлюбленная, бегайте от идолослужения.

1Кор.10:14  с толкованием

15
Яко мудрым глаголю: судите вы, еже глаголю:

1Кор.10:15  с толкованием

16
чаша благословения, юже благословляем, не общение ли Крове Христовы есть? Хлеб, егоже ломим, не общение ли Тела Христова есть?

1Кор.10:16  с толкованием

17
Яко един хлеб, едино тело есмы мнози: вси бо от единаго хлеба причащаемся.

1Кор.10:17  с толкованием

18
Видите Израиля по плоти: не ядущии ли жертвы общницы олтареви суть?

1Кор.10:18  с толкованием

19
Что убо глаголю? Яко идол что есть? Или идоложертвенное что есть?

1Кор.10:19  с толкованием

20
Но зане, яже жрут языцы, бесом жрут, а не Богови: не хощу же вас общников быти бесом.

1Кор.10:20  с толкованием

21
Не можете чашу Господню пити и чашу бесовскую: не можете трапезе Господней причащатися и трапезе бесовстей.

1Кор.10:21  с толкованием

22
Или раздражаем Господа? Еда крепчайши Его есмы?

1Кор.10:22  с толкованием

23
Вся ми леть суть, но не вся на пользу: вся ми леть суть, но не вся назидают.

1Кор.10:23  с толкованием

24
Никтоже своего си да ищет, но еже ближняго кийждо.

1Кор.10:24  с толкованием

25
Все, еже на торжищи продаемое, ядите, ничтоже сумнящеся, за совесть:

1Кор.10:25  с толкованием

26
Господня бо земля и исполнение ея.

1Кор.10:26  с толкованием

27
Аще ли кто от неверных призывает вы, и хощете ити, все предлагаемое вам ядите, ничтоже сумнящеся, за совесть.

1Кор.10:27  с толкованием

28
Аще ли же кто вам речет: сие идоложертвенно есть: не ядите за оного поведавшаго, и совесть: Господня бо земля и исполнение ея.

1Кор.10:28  с толкованием

29
Совесть же глаголю не свою, но другаго: вскую бо свобода моя судится от иныя совести?

1Кор.10:29  с толкованием

30
Аще аз благодатию причащаюся, почто хулу приемлю, о немже аз благодарю?

1Кор.10:30  с толкованием

31
Аще убо ясте, аще ли пиете, аще ли ино что творите, вся во славу Божию творите.

1Кор.10:31  с толкованием

32
Безпреткновени бывайте Иудеем и Еллином и церкви Божией,

1Кор.10:32  с толкованием

33
якоже и аз во всем всем угождаю, не иский своея пользы, но многих, да спасутся.

1Кор.10:33  с толкованием

Глава 
11

1Кор.11  с толкованием

1
Подражателе мне бывайте, якоже и аз Христу.

1Кор.11:1  с толкованием

2
Хвалю же вы, братие, яко вся моя помните, и якоже предах вам, предания держите.

1Кор.11:2  с толкованием

3
Хощу же вас ведети, яко всякому мужу глава Христос есть, глава же жене муж, глава же Христу Бог.

1Кор.11:3  с толкованием

4
Всяк муж, молитву дея или пророчествуяй покрытою главою, срамляет главу свою:

1Кор.11:4  с толкованием

5
и всяка жена, молитву деющая или пророчествующая откровенною главою, срамляет главу свою: едино бо есть и тожде остриженней:

1Кор.11:5  с толкованием

6
аще бо не покрывается жена, да стрижется: аще ли же срам жене стрищися или бритися, да покрывается.

1Кор.11:6  с толкованием

7
Муж убо не должен есть покрывати главу, образ и слава Божия сый: жена же слава мужу есть.

1Кор.11:7  с толкованием

8
Несть бо муж от жены, но жена от мужа:

1Кор.11:8  с толкованием

9
ибо не создан бысть муж жены ради, но жена мужа ради.

1Кор.11:9  с толкованием

10
Сего ради должна есть жена власть имети на главе Ангел ради.

1Кор.11:10  с толкованием

11
Обаче ни муж без жены, ни жена без мужа, о Господе.

1Кор.11:11  с толкованием

12
Якоже бо жена от мужа, сице и муж женою: вся же от Бога.

1Кор.11:12  с толкованием

13
В вас самех судите, лепо ли есть жене откровенней Богу молитися?

1Кор.11:13  с толкованием

14
Или и не самое естество учит вы, яко муж убо аще власы растит, безчестие ему есть,

1Кор.11:14  с толкованием

15
жена же аще власы растит, слава ей есть? Зане растение власов вместо одеяния дано бысть ей.

1Кор.11:15  с толкованием

16
Аще ли кто мнится спорлив быти, мы таковаго обычая не имамы, ниже церкви Божия.

1Кор.11:16  с толкованием

17
Сие же завещавая не хвалю, яко не на лучшее, но на хуждшее сбираетеся.

1Кор.11:17  с толкованием

18
Первое убо, сходящымся вам в церковь, слышу в вас распри сущыя, и часть некую (сих) верую.

1Кор.11:18  с толкованием

19
Подобает бо и ересем в вас быти, да искуснии явлени бывают в вас.

1Кор.11:19  с толкованием

20
Сходящымся убо вам вкупе, несть Господскую вечерю ясти:

1Кор.11:20  с толкованием

21
кийждо бо свою вечерю предваряет в снедение, и ов убо алчет, ов же упивается.

1Кор.11:21  с толкованием

22
Еда бо домов не имате, во еже ясти и пити? Или о церкви Божией нерадите и срамляете не имущыя? Что вам реку? Похвалю ли вы о сем? Не похвалю.

1Кор.11:22  с толкованием

23
Аз бо приях от Господа, еже и предах вам, яко Господь Иисус в нощь, в нюже предан бываше, приемь хлеб,

1Кор.11:23  с толкованием

24
и благодарив преломи, и рече: приимите, ядите, сие есть Тело Мое, еже за вы ломимое: сие творите в Мое воспоминание.

1Кор.11:24  с толкованием

25
Такожде и чашу по вечери, глаголя: сия чаша новый завет есть в Моей Крови: сие творите, елижды аще пиете, в Мое воспоминание.

1Кор.11:25  с толкованием

26
Елижды бо аще ясте хлеб сей и чашу сию пиете, смерть Господню возвещаете, дондеже приидет.

1Кор.11:26  с толкованием

27
Темже иже аще яст хлеб сей или пиет чашу Господню недостойне, повинен будет Телу и Крови Господни.

1Кор.11:27  с толкованием

28
Да искушает же человек себе, и тако от хлеба да яст и от чаши да пиет.

1Кор.11:28  с толкованием

29
Ядый бо и пияй недостойне, суд себе яст и пиет, не разсуждая Тела Господня.

1Кор.11:29  с толкованием

30
Сего ради в вас мнози немощни и недужливи, и спят доволни.

1Кор.11:30  с толкованием

31
Аще бо быхом себе разсуждали, не быхом осуждени были.

1Кор.11:31  с толкованием

32
Судими же, от Господа наказуемся, да не с миром осудимся.

1Кор.11:32  с толкованием

33
Темже, братие моя, сходящеся ясти, друг друга ждите.

1Кор.11:33  с толкованием

34
Аще ли кто алчет, в дому да яст, да не в грех сходитеся. О прочих же, егда прииду, устрою.

1Кор.11:34  с толкованием

Глава 
12

1Кор.12  с толкованием

1
О духовных же, братие, не хощу вас не ведети.

1Кор.12:1  с толкованием

2
Весте, яко егда неверни бесте, ко идолом безгласным яко ведоми ведостеся.

1Кор.12:2  с толкованием

3
Темже сказую вам, яко никтоже, Духом Божиим глаголяй, речет анафема Иисуса, и никтоже может рещи Господа Иисуса, точию Духом Святым.

1Кор.12:3  с толкованием

4
Разделения же дарований суть, а тойжде Дух:

1Кор.12:4  с толкованием

5
и разделения служений суть, а тойжде Господь:

1Кор.12:5  с толкованием

6
и разделения действ суть, а тойжде есть Бог, действуяй вся во всех.

1Кор.12:6  с толкованием

7
Комуждо же дается явление Духа на пользу:

1Кор.12:7  с толкованием

8
овому бо Духом дается слово премудрости, иному же слово разума, о томже Дусе:

1Кор.12:8  с толкованием

9
другому же вера, темже Духом: иному же дарования исцелений, о томже Дусе:

1Кор.12:9  с толкованием

10
другому же действия сил, иному же пророчество, другому же разсуждения духовом, иному же роди языков, другому же сказания языков.

1Кор.12:10  с толкованием

11
Вся же сия действует един и тойжде Дух, разделяя властию коемуждо якоже хощет.

1Кор.12:11  с толкованием

12
Акоже бо тело едино есть и уды имать многи, вси же уди единаго тела, мнози суще, едино суть тело: тако и Христос.

1Кор.12:12  с толкованием

13
Ибо единем Духом мы вси во едино тело крестихомся, аще Иудее, аще Еллини, или раби, или свободни: и вси единем Духом напоихомся.

1Кор.12:13  с толкованием

14
Ибо тело несть един уд, но мнози.

1Кор.12:14  с толкованием

15
Аще речет нога, яко несмь рука, несмь от тела: еда сего ради несть от тела?

1Кор.12:15  с толкованием

16
И аще речет ухо, яко несмь око, несмь от тела: еда сего ради несть от тела?

1Кор.12:16  с толкованием

17
Аще все тело око, где слух? Аще (же) все слух, где ухание?

1Кор.12:17  с толкованием

18
Ныне же положи Бог уды, единаго коегождо их в телеси, якоже изволи.

1Кор.12:18  с толкованием

19
Аще ли быша вси един уд, где тело?

1Кор.12:19  с толкованием

20
Ныне же мнози убо удове, едино же тело.

1Кор.12:20  с толкованием

21
Не может же око рещи руце: не требе ми еси: или паки глава ногама: не требе ми есте.

1Кор.12:21  с толкованием

22
Но много паче, мнящиися уди тела немощнейши быти, нужнейши суть,

1Кор.12:22  с толкованием

23
и ихже мним безчестнейших быти тела, сим честь множайшую прилагаем:

1Кор.12:23  с толкованием

24
и неблагообразнии наши благообразие множайше имут, а благообразнии наши не требе имут. Но Бог раствори тело, худейшему болшу дав честь,

1Кор.12:24  с толкованием

25
да не будет распри в телеси, но да тожде в себе пекутся уди.

1Кор.12:25  с толкованием

26
И аще страждет един уд, с ним страждут вси уди: аще ли же славится един уд, с ним радуются вси уди.

1Кор.12:26  с толкованием

27
Вы же есте тело Христово, и уди от части.

1Кор.12:27  с толкованием

28
И овых убо положи Бог в Церкви первее Апостолов, второе пророков, третие учителей: потом же силы, таже дарования исцелений, заступления, правления, роди языков.

1Кор.12:28  с толкованием

29
Еда вси Апостоли? Еда вси пророцы? Еда вси учителе? Еда вси силы?

1Кор.12:29  с толкованием

30
Еда вси дарования имут изцелений? Еда вси языки глаголют? Еда вси сказуют?

1Кор.12:30  с толкованием

31
Ревнуйте же дарований болших, и еще по превосхождению путь вам показую.

1Кор.12:31  с толкованием

Глава 
13

1Кор.13  с толкованием

1
Аще языки человеческими глаголю и ангелскими, любве же не имам, бых (яко) медь звенящи, или кимвал звяцаяй.

1Кор.13:1  с толкованием

2
И аще имам пророчество, и вем тайны вся и весь разум, и аще имам всю веру, яко и горы преставляти, любве же не имам, ничтоже есмь.

1Кор.13:2  с толкованием

3
И аще раздам вся имения моя, и аще предам тело мое, во еже сжещи е, любве же не имам, ни кая польза ми есть.

1Кор.13:3  с толкованием

4
Любы долготерпит, милосердствует, любы не завидит, любы не превозносится, не гордится,

1Кор.13:4  с толкованием

5
не безчинствует, не ищет своих си, не раздражается, не мыслит зла,

1Кор.13:5  с толкованием

6
не радуется о неправде, радуется же о истине:

1Кор.13:6  с толкованием

7
вся любит, всему веру емлет, вся уповает, вся терпит.

1Кор.13:7  с толкованием

8
Любы николиже отпадает, аще же пророчествия упразднятся, аще ли языцы умолкнут, аще разум испразднится.

1Кор.13:8  с толкованием

9
От части бо разумеваем и от части пророчествуем:

1Кор.13:9  с толкованием

10
егда же приидет совершенное, тогда, еже от части, упразднится.

1Кор.13:10  с толкованием

11
Егда бех младенец, яко младенец глаголах, яко младенец мудрствовах, яко младенец смышлях: егда же бых муж, отвергох младенческая.

1Кор.13:11  с толкованием

12
Видим убо ныне якоже зерцалом в гадании, тогда же лицем к лицу: ныне разумею от части, тогда же познаю, якоже и познан бых.

1Кор.13:12  с толкованием

13
Ныне же пребывают вера, надежда, любы, три сия: болши же сих любы.

1Кор.13:13  с толкованием

Глава 
14

1Кор.14  с толкованием

1
Держитеся любве: ревнуйте же духовным, паче же да пророчествуете.

1Кор.14:1  с толкованием

2
Глаголяй бо языки, не человеком глаголет, но Богу: никтоже бо слышит, духом же глаголет тайны:

1Кор.14:2  с толкованием

3
пророчествуяй же, человеком глаголет созидание и утешение и утверждение.

1Кор.14:3  с толкованием

4
Глаголяй (бо) языки себе зиждет, а пророчествуяй церковь зиждет.

1Кор.14:4  с толкованием

5
Хощу же всех вас глаголати языки, паче же да прорицаете: болий бо пророчествуяй, нежели глаголяй языки, разве аще (кто) сказует, да церковь созидание приемлет.

1Кор.14:5  с толкованием

6
Ныне же, братие, аще прииду к вам языки глаголя, кую вам пользу сотворю, аще вам не глаголю или во откровении, или в разуме, или в пророчествии, или в научении?

1Кор.14:6  с толкованием

7
Обаче бездушная глас дающая, аще сопель, аще гусли, аще разнствия писканием не дадят, како разумно будет пискание или гудение?

1Кор.14:7  с толкованием

8
Ибо аще безвестен глас труба даст, кто уготовится на брань?

1Кор.14:8  с толкованием

9
Тако и вы аще не благоразумно слово дадите языком, како уразумеется глаголемое? Будете бо на воздух глаголюще.

1Кор.14:9  с толкованием

10
Толицы убо, аще ключится, роди гласов суть в мире, и ни един их безгласен.

1Кор.14:10  с толкованием

11
Аще убо не увем силы гласа, буду глаголющему иноязычник, и глаголющий мне иноязычник.

1Кор.14:11  с толкованием

12
Тако и вы, понеже ревнителе есте духовом, (яже) к созиданию церкве просите, да избыточествуете.

1Кор.14:12  с толкованием

13
Темже глаголяй языком да молится, да сказует.

1Кор.14:13  с толкованием

14
Аще бо молюся языком, дух мой молится, а ум мой без плода есть.

1Кор.14:14  с толкованием

15
Что убо есть? Помолюся духом, помолюся же и умом: воспою духом, воспою же и умом.

1Кор.14:15  с толкованием

16
Понеже аще благословиши духом, исполняяй место невежды како речет аминь, по твоему благодарению? Понеже не весть, что глаголеши.

1Кор.14:16  с толкованием

17
Ты убо добре благодариши, но другий не созидается.

1Кор.14:17  с толкованием

18
Благодарю Бога моего, паче всех вас языки глаголя:

1Кор.14:18  с толкованием

19
но в церкви хощу пять словес умом моим глаголати, да и ины пользую, нежели тмы словес языком.

1Кор.14:19  с толкованием

20
Братие, не дети бывайте умы: но злобою младенствуйте, умы же совершени бывайте.

1Кор.14:20  с толкованием

21
В законе пишет: яко иными языки и устны иными возглаголю людем сим, и ни тако послушают Мене, глаголет Господь.

1Кор.14:21  с толкованием

22
Темже языцы в знамение суть не верующым, но неверным: а пророчество не неверным, но верующым.

1Кор.14:22  с толкованием

23
Аще убо снидется церковь вся вкупе, и вси языки глаголют, внидут же (и) неразумивии или невернии, не рекут ли, яко беснуетеся?

1Кор.14:23  с толкованием

24
Аще же вси пророчествуют, внидет же некий неверен или невежда, обличается всеми, (и) истязуется от всех,

1Кор.14:24  с толкованием

25
и сице тайная сердца его явлена бывают: и тако пад ниц поклонится Богови, возвещая, яко воистинну Бог с вами есть.

1Кор.14:25  с толкованием

26
Что убо есть, братие? Егда сходитеся, кийждо вас псалом имать, учение имать, язык имать откровение имать, сказание имать: вся (же) к созиданию да бывают.

1Кор.14:26  с толкованием

27
Аще языком кто глаголет, по двема, или множае по трием, и по части: и един да сказует.

1Кор.14:27  с толкованием

28
Аще ли не будет сказатель, да молчит в церкви, себе же да глаголет и Богови.

1Кор.14:28  с толкованием

29
Пророцы же два или трие да глаголют, и друзии да разсуждают:

1Кор.14:29  с толкованием

30
аще ли иному открыется седящу, первый да молчит.

1Кор.14:30  с толкованием

31
Можете бо вси по единому пророчествовати, да вси учатся и вси утешаются.

1Кор.14:31  с толкованием

32
И дуси пророчестии пророком повинуются:

1Кор.14:32  с толкованием

33
несть бо нестроения Бог, но мира, яко во всех церквах святых.

1Кор.14:33  с толкованием

34
Жены вашя в церквах да молчат: не повелеся бо им глаголати, но повиноватися, якоже и закон глаголет.

1Кор.14:34  с толкованием

35
Аще ли чесому научитися хотят, в дому своих мужей да вопрошают: срамно бо есть жене в церкви глаголати.

1Кор.14:35  с толкованием

36
Или от вас слово Божие изыде? Или вас единых достиже?

1Кор.14:36  с толкованием

37
Аще кто мнится пророк быти или духовен, да разумеет, яже пишу вам, зане Господни суть заповеди?

1Кор.14:37  с толкованием

38
Аще ли кто не разумеет, да не разумевает.

1Кор.14:38  с толкованием

39
Темже, братие моя, ревнуйте еже пророчествовати, и еже глаголати языки не возбраняйте:

1Кор.14:39  с толкованием

40
вся же благообразно и по чину да бывают.

1Кор.14:40  с толкованием

Глава 
15

1Кор.15  с толкованием

1
Сказую же вам, братие, Благовествование, еже благовестих вам, еже и приясте, в немже и стоите,

1Кор.15:1  с толкованием

2
имже и спасаетеся, кацем словом благовестих вам, аще содержите: разве аще не всуе веровасте.

1Кор.15:2  с толкованием

3
Предах бо вам исперва, еже и приях, яко Христос умре грех наших ради, по Писанием,

1Кор.15:3  с толкованием

4
и яко погребен бысть, и яко воста в третий день, по Писанием,

1Кор.15:4  с толкованием

5
и яко явися Кифе, таже единонадесятим:

1Кор.15:5  с толкованием

6
потом же явися боле пяти сот братиям единою, от нихже множайшии пребывают доселе, нецыи же и почиша:

1Кор.15:6  с толкованием

7
потом же явися Иакову, таже Апостолом всем:

1Кор.15:7  с толкованием

8
последи же всех, яко некоему извергу, явися и мне.

1Кор.15:8  с толкованием

9
Аз бо есмь мний Апостолов, иже несмь достоин нарещися Апостол, зане гоних церковь Божию.

1Кор.15:9  с толкованием

10
Благодатию же Божиею есмь, еже есмь, и благодать Его, яже во мне, не тща бысть, но паче всех их потрудихся: не аз же, но благодать Божия, яже со мною.

1Кор.15:10  с толкованием

11
Аще убо аз, аще ли они, тако проповедуем, и тако веровасте.

1Кор.15:11  с толкованием

12
Аще же Христос проповедуется, яко из мертвых воста, како глаголют нецыи в вас, яко воскресения мертвых несть?

1Кор.15:12  с толкованием

13
И аще воскресения мертвых несть, то ни Христос воста:

1Кор.15:13  с толкованием

14
аще же Христос не воста, тще убо проповедание наше, тща же и вера ваша.

1Кор.15:14  с толкованием

15
Обретаемся же и лжесвидетеле Божии, яко послушествовахом на Бога, яко воскреси Христа, Егоже не воскреси, аще убо мертвии не востают:

1Кор.15:15  с толкованием

16
аще бо мертвии не востают, то ни Христос воста:

1Кор.15:16  с толкованием

17
аще же Христос не воста, суетна вера ваша, еще есте во гресех ваших:

1Кор.15:17  с толкованием

18
убо и умершии о Христе, погибоша.

1Кор.15:18  с толкованием

19
(И) аще в животе сем точию уповающе есмы во Христа, окаяннейши всех человек есмы.

1Кор.15:19  с толкованием

20
Ныне же Христос воста от мертвых, начаток умершым бысть.

1Кор.15:20  с толкованием

21
Понеже бо человеком смерть (бысть), и человеком воскресение мертвых.

1Кор.15:21  с толкованием

22
Якоже бо о Адаме вси умирают, такожде и о Христе вси оживут,

1Кор.15:22  с толкованием

23
кийждо же во своем чину: начаток Христос, потом же Христу веровавшии в пришествии Его.

1Кор.15:23  с толкованием

24
Таже кончина, егда предаст Царство Богу и Отцу, егда испразднит всяко началство и всяку власть и силу:

1Кор.15:24  с толкованием

25
подобает бо Ему царствовати, дондеже положит вся враги под ногама Своима.

1Кор.15:25  с толкованием

26
Последний же враг испразднится смерть,

1Кор.15:26  с толкованием

27
вся бо покори под нозе Его: внегда же рещи, яко вся покорена суть Ему, яве, яко разве Покоршаго Ему вся.

1Кор.15:27  с толкованием

28
Егда же покорит Ему всяческая, тогда и Сам Сын покорится Покоршему Ему всяческая, да будет Бог всяческая во всех.

1Кор.15:28  с толкованием

29
Понеже что сотворят крестящиися мертвых ради? Аще отнюд мертвии не востают, что и крещаются мертвых ради?

1Кор.15:29  с толкованием

30
Почто (же) и мы беды приемлем на всяк час?

1Кор.15:30  с толкованием

31
По вся дни умираю: тако ми ваша похвала, братие, юже имам о Христе Иисусе Господе нашем.

1Кор.15:31  с толкованием

32
Аще (бо) по человеку со зверем боряхся в Ефесе, кая ми польза, аще мертвии не востают? Да ямы и пием, утре бо умрем.

1Кор.15:32  с толкованием

33
Не льститеся: тлят обычаи благи беседы злы.

1Кор.15:33  с толкованием

34
Истрезвитеся праведно и не согрешайте: неведение бо Божие нецыи имут, к сраму вам глаголю.

1Кор.15:34  с толкованием

35
Но речет некто: како востанут мертвии? Коим же телом приидут?

1Кор.15:35  с толкованием

36
Безумне, ты еже сееши, не оживет, аще не умрет:

1Кор.15:36  с толкованием

37
и еже сееши, не тело будущее сееши, но голо зерно, аще случится, пшеницы или иного от прочих:

1Кор.15:37  с толкованием

38
Бог же дает ему тело, якоже восхощет, и коемуждо семени свое тело.

1Кор.15:38  с толкованием

39
Не всяка плоть таже плоть: но ина убо плоть человеком, ина же плоть скотом, ина же рыбам, ина же птицам.

1Кор.15:39  с толкованием

40
И телеса небесная, и телеса земная: но ина убо небесным слава, и ина земным:

1Кор.15:40  с толкованием

41
ина слава солнцу, и ина слава луне, и ина слава звездам: звезда бо от звезды разнствует во славе.

1Кор.15:41  с толкованием

42
Такожде и воскресение мертвых: сеется в тление, востает в нетлении:

1Кор.15:42  с толкованием

43
сеется не в честь, востает в славе: сеется в немощи, востает в силе:

1Кор.15:43  с толкованием

44
сеется тело душевное, востает тело духовное. Есть тело душевное, и есть тело духовное.

1Кор.15:44  с толкованием

45
Тако и писано есть: бысть первый человек Адам в душу живу, последний Адам в дух животворящь.

1Кор.15:45  с толкованием

46
Но не прежде духовное, но душевное, потом же духовное.

1Кор.15:46  с толкованием

47
Первый человек от земли, перстен: вторый человек Господь с небесе.

1Кор.15:47  с толкованием

48
Яков перстный, такови и перстнии: и яков небесный, тацы же и небеснии:

1Кор.15:48  с толкованием

49
и якоже облекохомся во образ перстнаго, да облечемся и во образ небеснаго.

1Кор.15:49  с толкованием

50
Сие же глаголю, братие, яко плоть и кровь Царствия Божия наследити не могут, ниже тление нетления наследствует.

1Кор.15:50  с толкованием

51
Се, тайну вам глаголю: вси бо не успнем, вси же изменимся

1Кор.15:51  с толкованием

52
вскоре, во мгновении ока, в последней трубе: вострубит бо, и мертвии востанут нетленни, и мы изменимся:

1Кор.15:52  с толкованием

53
подобает бо тленному сему облещися в нетление и мертвенному сему облещися в безсмертие.

1Кор.15:53  с толкованием

54
Егда же тленное сие облечется в нетление и смертное сие облечется в безсмертие, тогда будет слово написанное: пожерта бысть смерть победою.

1Кор.15:54  с толкованием

55
Где ти, смерте, жало? Где ти, аде, победа?

1Кор.15:55  с толкованием

56
Жало же смерти грех: сила же греха закон.

1Кор.15:56  с толкованием

57
Богу же благодарение, давшему нам победу Господем нашим Иисус Христом.

1Кор.15:57  с толкованием

58
Темже, братие моя возлюбленная, тверди бывайте, непоступни, избыточествующе в деле Господни всегда, ведяще, яко труд ваш несть тощь пред Господем.

1Кор.15:58  с толкованием

Глава 
16

1Кор.16  с толкованием

1
О милостыни же, яже ко святым, якоже устроих церквам Галатийским, тако и вы сотворяйте:

1Кор.16:1  с толкованием

2
по единей от суббот кийждо вас да полагает у себе сохраняя, еже аще что благопоспешится, да не егда прииду, тогда собрания бывают.

1Кор.16:2  с толкованием

3
Егда же прииду, ихже аще искусите, с посланьми сих послю отнести благодать вашу во Иерусалим.

1Кор.16:3  с толкованием

4
Аще же достойно будет и мне ити, со мною пойдут.

1Кор.16:4  с толкованием

5
Прииду же к вам, егда Македонию преиду: Македонию бо прохожду.

1Кор.16:5  с толкованием

6
У вас же, аще случится мне, пребуду, или и озимею, да вы мя проводите, аможе аще поиду.

1Кор.16:6  с толкованием

7
Не хощу бо вас ныне в мимохождении видети: уповаю же время некое пребыти у вас, аще Господь повелит.

1Кор.16:7  с толкованием

8
Пребуду же во Ефесе до Пентикостии:

1Кор.16:8  с толкованием

9
дверь бо ми отверзеся велика и поспешна, и сопротивнии мнози.

1Кор.16:9  с толкованием

10
Аще же приидет Тимофей, блюдите, да без страха будет у вас: дело бо Господне делает, якоже и аз:

1Кор.16:10  с толкованием

11
да никтоже убо его уничижит: проводите же его с миром, да приидет ко мне, жду бо его с братиею.

1Кор.16:11  с толкованием

12
О Аполлосе же брате: много молих его, да приидет к вам с братиею: и всяко не бе воля, да ныне приидет, приидет же, егда упразднится.

1Кор.16:12  с толкованием

13
Бодрствуйте, стойте в вере, мужайтеся, утверждайтеся:

1Кор.16:13  с толкованием

14
вся вам любовию да бывают.

1Кор.16:14  с толкованием

15
Молю же вы, братие: весте дом Стефанинов, яко есть начаток Ахаии, и в служение святым учиниша себе:

1Кор.16:15  с толкованием

16
да и вы повинуйтеся таковым и всякому споспешствующу и труждающуся.

1Кор.16:16  с толкованием

17
Возрадовахся же о пришествии Стефанинове и Фуртунатове и Ахаикове, яко ваше лишение сии исполниша:

1Кор.16:17  с толкованием

18
упокоиша бо мой дух и ваш. Познавайте убо таковыя.

1Кор.16:18  с толкованием

19
Целуют вы церкви Асийския: целуют вы о Господе много Акила и Прискилла с домашнею их церковию.

1Кор.16:19  с толкованием

20
Целуют вы братия вся. Целуйте друг друга лобзанием святым.

1Кор.16:20  с толкованием

21
Целование моею рукою Павлею.

1Кор.16:21  с толкованием

22
Аще кто не любит Господа Иисуса Христа, да будет проклят, маран афа.

1Кор.16:22  с толкованием

23
Благодать Господа нашего Иисуса Христа с вами,

1Кор.16:23  с толкованием

24
(и) любы моя со всеми вами о Христе Иисусе. Аминь.

1Кор.16:24  с толкованием