Глава 
7

Втор.7  с толкованием

1
И будет егда введет тя Господь Бог твой в землю, в нюже входиши тамо наследити ю, и изженет языки великия и многия от лица твоего, Хеттеа и Гергесеа, и Аморреа и Хананеа, и Ферезеа и Евеа и Иевусеа, седмь языков великих и многих, и крепчае вас:

Втор.7:1  с толкованием

2
и предаст их Господь Бог твой в руце твои, и избиеши я, пагубою погубиши я, да не завещаеши к ним завета, ниже да помилуеши их,

Втор.7:2  с толкованием

3
ниже сватовства сотвориши с ними: дщери своея не даси сыну его, и дщере его да не поймеши сыну твоему:

Втор.7:3  с толкованием

4
отвратит бо сына твоего от Мене, и послужит богом инем: и разгневается Господь гневом на вы, и потребит тя вскоре.

Втор.7:4  с толкованием

5
Но сице да сотворите им: требища их разсыплете, и столпы их да сокрушите, и дубравы их да посечете, и ваяния богов их да сожжете огнем:

Втор.7:5  с толкованием

6
яко люди святи есте Господеви Богу вашему: и вас избра Господь Бог ваш, да будете Ему люди избранни паче всех языков, елицы на лицы земли.

Втор.7:6  с толкованием

7
Не яко мнози есте паче всех язык, предприя вас Господь и избра вас Господь, вы бо есте меншии от всех языков:

Втор.7:7  с толкованием

8
но яко возлюби Господь вас, и храня клятву, еюже клятся отцем вашым, изведе Господь вас рукою крепкою и мышцею высокою, и избави тя от дому работы, от руки фараона царя Египетска,

Втор.7:8  с толкованием

9
и да увеси, яко Господь Бог твой Сей Бог: Бог верный, храняй завет Свой и милость любящым Его и хранящым заповеди Его в тысящы родов:

Втор.7:9  с толкованием

10
и воздаяй ненавидящым Его в лице потребити я, и не умедлит ненавидящым, в лице воздаст им.

Втор.7:10  с толкованием

11
И да сохраниши заповеди и оправдания и суды сия, елика аз заповедаю тебе творити днесь.

Втор.7:11  с толкованием

12
И будет егда послушаете вся оправдания сия, и сохраните и сотворите я, сохранит и Господь Бог твой тебе завет и милость, якоже клятся отцем вашым,

Втор.7:12  с толкованием

13
и возлюбит тя, и благословит тя и умножит тя, и благословит плод чрева твоего и плод земли твоея, пшеницу твою и вино твое и елей твой, и стада волов твоих и паствы овец твоих на земли, юже клятся Господь отцем твоим дати тебе:

Втор.7:13  с толкованием

14
и благословен будеши паче всех язык и не будет в вас безчадный, ниже неплоды, и в скотех твоих:

Втор.7:14  с толкованием

15
и отимет Господь Бог твой от тебе всяко разслабление и всяку язю Египетскую злую, яже видел еси и елика веси: не возложит на тя, но возложит я на вся ненавидящыя тебе:

Втор.7:15  с толкованием

16
и ясти будеши вся корысти языков, яже Господь Бог твой дает тебе: да не пощадит их око твое, и да не послужиши богом их, яко претыкание тебе есть сие.

Втор.7:16  с толкованием

17
Аще же речеши во уме твоем: яко язык сей множае паче мене, како возмогу аз потребити я?

Втор.7:17  с толкованием

18
Не убоишися их: памятию да помянеши, елика сотвори Господь Бог твой фараону и всем Египтяном,

Втор.7:18  с толкованием

19
искушения великая, яже видеста очи твои, знамения она и чудеса великая, руку крепкую и мышцу высокую, якоже изведе тя Господь Бог твой: тако сотворит Господь Бог ваш всем языком, ихже ты боишися от лица их:

Втор.7:19  с толкованием

20
и шершни послет Господь Бог твой на них, дондеже потребятся оставшиися и сокрывшиися от тебе:

Втор.7:20  с толкованием

21
не повредишися от лица их: яко Господь Бог твой в тебе, Бог великий и крепкий:

Втор.7:21  с толкованием

22
и погубит Господь Бог твой языки сия от лица твоего, помалу малу: не возможеши погубити их вскоре, да не будет земля пуста, и умножатся зверие дивии на тя:

Втор.7:22  с толкованием

23
и предаст их Господь Бог твой в руце твои, и погубиши их погублением великим, дондеже искорените их:

Втор.7:23  с толкованием

24
и предаст цари их в руце твои, и погубите имя их от места онаго: ниже един постоит пред лицем твоим, дондеже погубиши их.

Втор.7:24  с толкованием

25
Ваяния богов их да сожжете огнем, да не похощеши злата и сребра взяти себе от них, да не когда согрешиши того ради, яко мерзость есть Господеви Богу твоему:

Втор.7:25  с толкованием

26
и да не внесеши мерзости в свой дом, и проклят будеши якоже сия: ненавидением да возненавидиши, и омерзением да омерзиши, яко проклятие есть.

Втор.7:26  с толкованием

Толкования на главу Втор.7
этой книги Священного Писания


Толкование преподобного Ефрема Сирина
 

Преподобный Ефрем Сирин. Толкование на книгу Второзаконие

Втор.7

Глава 
7

Втор.7  с толкованием

5
Требища их да разсыплете, и столпы их да сокрушите, и дубравы их да посечете. Повелевает разорить жертвенники ложных богов, сокрушить идолов, посечь их дубравы, чтобы народ, преданный идолопоклонству, смотря на красоту дерев и изваяний, не подумал, что в них есть какая-либо сила.

Втор.7:5  с толкованием

9
И да увеси, яко Господь Бог твой, сей Бог верный, храняй завет Свой, и милость любящим Его в тысящи родов, или в том смысле, что сынам воздает обетованное отцам их, по сказанному: в четвертом роде возвратятся семо (Быт.15:16), или в том, что Бог до тысячи родов простирает благость Свою на отдаленных потомков ради благочестивых отцов, по сказанному: спасу Иерусалим Мене ради и Давида ради раба Моего (4Цар.19:34).

Втор.7:9  с толкованием

10
Воздаяй ненавидящим Его в жизни их, потребити я, и не умедлит, во-первых, чтобы не умножилось число грехов их, и во-вторых, чтобы не послужили они худым примером для народа своего и для сынов своих, и наконец, чтобы их истребление обратилось в пользу другим, которые не хотели извлечь себе пользы из добрых дел. Воздаяй ненавидящим Его в жизни их. Сие говорится не о здешней только жизни, но и о жизни будущей по воскресении, когда грешники преданы будут мучению.

Втор.7:10  с толкованием

12
Сохранит Господь Бог твой тебе завет и милость, якоже клятся отцем вашим,

Втор.7:12  с толкованием

13
и благословит тя. Возлюбил Господь отцов за добрые дела их, и оставшееся после них семя избрал из всех народов, предостерегал сынов их, заповедывал им быть благочестивыми. Но если не будут они благочестивы, то, для исправления их, предаст их в плен. Когда же и тем не вразумятся они; тогда отринет их за неверие их, как отринул презревшие Его народы за идолослужение.

Втор.7:13  с толкованием