Глава 
11

Втор.11  с толкованием

1
И да возлюбиши Господа Бога твоего, и сохраниши стражбы Его и оправдания Его и заповеди Его и суды Его во вся дни.

Втор.11:1  с толкованием

2
И увесте днесь, яко не чада ваша, елицы не сведеша, ниже видеша наказания Господа Бога твоего и величества Его, и руки сильныя и мышцы высокия,

Втор.11:2  с толкованием

3
и знамений Его и чудес Его, елика сотвори посреде Египта фараону царю Египетску и всей земли его,

Втор.11:3  с толкованием

4
и елика сотвори силе Египетстей: колесницы их и кони их како потопи вода моря Чермнаго, пред лицем их, гонящым им вслед вас, и погуби их Господь Бог до днешняго дне:

Втор.11:4  с толкованием

5
и елика сотвори вам в пустыни, дондеже приидосте на место сие:

Втор.11:5  с толкованием

6
и елика сотвори Дафану и Авирону сыном Елиава сына Рувимля, яже отверзши земля уста своя пожре их, и домы их, и кущы их, и все их имение с ними, среди всего Израиля:

Втор.11:6  с толкованием

7
яко очи ваши видеста вся дела Господня великая, елика сотвори в вас днесь.

Втор.11:7  с толкованием

8
И сохраните вся заповеди Его, елики аз заповедаю вам днесь, да живете и умножитеся, и внидете и наследите землю, на нюже вы преходите чрез Иордан тамо наследити ю:

Втор.11:8  с толкованием

9
да многи дни будете на земли, еюже клятся Господь отцем вашым дати им и семени их по них землю кипящую млеком и медом.

Втор.11:9  с толкованием

10
Есть бо земля, на нюже вы идете тамо наследити ю, не яко земля Египетска есть, отнюдуже изыдосте, егда сеют семя и напаяют ю ногами своими, аки вертоград зелейный:

Втор.11:10  с толкованием

11
земля же, в нюже ты входиши тамо наследити ю, земля нагорная и равная, от дождя небеснаго напаяется водою:

Втор.11:11  с толкованием

12
земля, на нюже Господь Бог твой присещает всегда, очи Господа Бога твоего на ней от начала лета и до конца лета.

Втор.11:12  с толкованием

13
Аще же слухом послушаете всех заповедий Его, яже аз заповедаю тебе днесь, любити Господа Бога твоего и служити Ему от всего сердца твоего и от всея души твоея,

Втор.11:13  с толкованием

14
и даст дождь земли твоей во время ранный и поздный, и собереши жита твоя и вино твое и елей твой:

Втор.11:14  с толкованием

15
и даст пищу на селех скотом твоим.

Втор.11:15  с толкованием

16
И ядый и насытився, внемли себе, да не разширится сердце твое, и преступите, и послужите богом иным, и поклонитеся им:

Втор.11:16  с толкованием

17
и яростию разгневается Господь на вы и затворит небо, и не будет дождя, и земля не даст плода своего, и погибнете вскоре от земли благия, юже Господь даде вам.

Втор.11:17  с толкованием

18
И вложите словеса сия в сердца ваша и в душу вашу, и наважите я в знамение на руку вашу, и будут непоколебима между очима вашима,

Втор.11:18  с толкованием

19
и научите сим чада своя глаголати сия, седящу тебе в дому и идущу тебе в пути, и возлежащу ти и востающу ти:

Втор.11:19  с толкованием

20
и напишите я на празех домов ваших и врат ваших,

Втор.11:20  с толкованием

21
да умножатся дние ваши и дни сынов ваших на земли, еюже клятся Господь отцем вашым дати им, якоже дние неба на земли.

Втор.11:21  с толкованием

22
И будет аще слухом послушаете всех заповедий сих, яже аз заповедаю вам днесь творити, любити Господа Бога вашего и ходити во всех путех Его и прилепятися к Нему,

Втор.11:22  с толкованием

23
тогда изженет Господь вся языки сия от лица вашего, и одержите языки великия и крепкия паче вас.

Втор.11:23  с толкованием

24
Всякое место, на немже станет стопа ног ваших, вам будет: от пустыни и Антиливана, и от реки великия Евфрата, и даже до моря, еже на западе, будут пределы ваши:

Втор.11:24  с толкованием

25
никтоже противостанет пред лицем вашим: и трепет ваш и страх ваш возложит Господь Бог ваш на лице всея земли, на нюже аще взыдете, якоже глагола Господь к вам.

Втор.11:25  с толкованием

26
Се, Аз даю пред вами днесь благословение и клятву:

Втор.11:26  с толкованием

27
благословение, аще послушаете заповедий Господа Бога вашего, елики аз заповедаю вам днесь:

Втор.11:27  с толкованием

28
и клятву, аще не послушаете заповедий Господа Бога вашего, елики аз заповедаю вам днесь, и совратитеся с пути, егоже заповедах вам, идуще послужити богом иным, ихже не весте.

Втор.11:28  с толкованием

29
И будет егда введет тебе Господь Бог твой в землю, в нюже преходиши тамо наследити ю, да даси благословение на горе Гаризин и клятву на горе Гевал:

Втор.11:29  с толкованием

30
не се ли сия суть об ону страну Иордана, за путем иже на западе солнца, в земли Ханаана обитающаго на западе солнца близ Галгала у дуба Высокаго?

Втор.11:30  с толкованием

31
Вы бо преходите Иордан, вшедше наследити землю, юже Господь Бог ваш дает вам в жребий вся дни, и приимете ю, и вселитеся в ню:

Втор.11:31  с толкованием

32
и да сохраните творити вся заповеди Его и суды Его, яже аз даю пред вами днесь.

Втор.11:32  с толкованием

Глава 
12

Втор.12  с толкованием

1
И сия заповеди и суды, яже снабдите творити на земли, юже Господь Бог отец ваших дает вам в жребий во вся дни, в няже вы жити будете на земли:

Втор.12:1  с толкованием

2
пагубою погубите вся места, в нихже служиша тамо языцы богом своим, яже вы приимете, на горах высоких и холмех и под древом сеновным:

Втор.12:2  с толкованием

3
и да раскопаете требища их и сокрушите столпы их, и дубравы их ссечете, и ваяние богов их сожжете огнем, и погубите имя их от места того.

Втор.12:3  с толкованием

4
Да не сотворите тако Господу Богу вашему,

Втор.12:4  с толкованием

5
токмо на месте, идеже изберет Господь Бог ваш, во единем от племен ваших, нарещи имя Его тамо и призвати, и взыщете, и внидете тамо:

Втор.12:5  с толкованием

6
и принесете тамо всесожжения ваша, и жертвы вашя, и начатки ваши, и обеты ваши, и вольная ваша, и исповедания ваша, первенцы волов ваших и овец ваших,

Втор.12:6  с толкованием

7
и ясти будете тамо пред Господем Богом вашим и возвеселитеся о всех, на няже возложите руки вашя вы и домове ваши, якоже тя благословил есть Господь Бог твой.

Втор.12:7  с толкованием

8
Да не сотворите тамо всех, елика вы творите зде днесь, кийждо угодное пред собою:

Втор.12:8  с толкованием

9
не приидосте бо до ныне в покой и в наследие, еже Господь Бог ваш дает вам.

Втор.12:9  с толкованием

10
И егда прейдете Иордан и вселитеся на земли, юже Господь Бог ваш даст в наследие вам, и упокоит вас от всех враг ваших, иже окрест вас, и вселитеся со утверждением:

Втор.12:10  с толкованием

11
и будет место, иже изберет Господь Бог ваш призвати има Его тамо, ту принесете вся, елика аз заповедаю вам днесь: всесожжения ваша и жертвы вашя, и десятины вашя и начатки рук ваших, и всяк избран дар ваш, елика обещаете Господеви Богу вашему:

Втор.12:11  с толкованием

12
и возвеселитеся пред Господем Богом вашим вы и сынове ваши и дщери ваши, и рабы ваши и рабыни ваши, и левити, иже у врат ваших: яко несть им части ни жребия с вами.

Втор.12:12  с толкованием

13
Внемли себе, да не принесеши всесожжений твоих на всяком месте, еже аще узриши,

Втор.12:13  с толкованием

14
токмо на месте, еже изберет Господь Бог твой, в единем от племен твоих, тамо да принесеши всесожжения твоя и тамо сотвориши вся, елика аз заповедаю тебе днесь.

Втор.12:14  с толкованием

15
Но токмо всем желанием души твоея да пожреши, и снеси мяса по благословению Господа Бога твоего, еже даде тебе во всяком граде: нечистый при тебе и чистый вкупе да яст я, яко серну, или еленя.

Втор.12:15  с толкованием

16
Токмо крове да не снесте: на землю пролиете ю, аки воду.

Втор.12:16  с толкованием

17
Не возможеши ясти в градех твоих десятины пшеницы твоея и вина твоего и елеа твоего, первенцов волов твоих и овец твоих, и всех обетове, елики обещаете, и исповеданий ваших, и начатков рук ваших:

Втор.12:17  с толкованием

18
токмо пред Господем Богом твоим да снеси я на месте, еже изберет Господь Бог твой Себе, ты и сын твой и дщерь твоя, и раб твой и раба твоя, и левит, и пришлец иже во градех твоих, и возвеселишися пред Господем Богом твоим во всех, на няже возложиши руку твою.

Втор.12:18  с толкованием

19
Внемли себе, да не оставиши левитина во все время, дондеже еси жив на земли.

Втор.12:19  с толкованием

20
Аще же разширит Господь Бог твой пределы твоя, якоже глагола тебе, и речеши: снем мяса, аще вожделеет душа твоя, яко ясти мяса, во всем желании души твоея да снеси мяса.

Втор.12:20  с толкованием

21
Аще же далече отстоит место от тебе, иже изберет Господь Бог твой призывати имя Его тамо, и заколеши от волов твоих и от овец твоих, яже даст тебе Бог твой, якоже заповедах тебе, и снеси во градех твоих по желанию души твоея.

Втор.12:21  с толкованием

22
Якоже ястся серна и елень, тако да снеси е: нечистый при тебе, и чистый такожде да снест.

Втор.12:22  с толкованием

23
Вонми крепце, еже не ясти крове: кровь бо есть душа его: да на снестся душа с мясы:

Втор.12:23  с толкованием

24
да не снесте ея, на землю пролиете ю аки воду:

Втор.12:24  с толкованием

25
да не снеси ю, да благо тебе будет и сыном твоим по тебе во веки, аще сотвориши се, еже добро и угодно есть пред Господем Богом твоим.

Втор.12:25  с толкованием

26
Разве святая твоя, яже аще будут тебе, и обеты твоя взем да приидеши на место, еже изберет Господь Бог твой оное себе призвати имя Его тамо:

Втор.12:26  с толкованием

27
и сотвориши всесожжения твоя: мяса да вознесеши на олтарь Господа Бога твоего, кровь же жертв твоих да пролиеши пред степени олтаря Господа Бога твоего, мяса же да снеси.

Втор.12:27  с толкованием

28
Снабди и послушай, и да сотвориши вся словеса, яже Аз заповедаю тебе, да благо тебе будет и сыном твоим во веки, аще сотвориши добро и угодно пред Господем Богом твоим.

Втор.12:28  с толкованием

29
Аще же потребит Господь Бог твой языки, в няже входиши ты тамо, наследити землю их, от лица твоего, и приимеши ю в наследие, и вселишися в земли их:

Втор.12:29  с толкованием

30
внемли себе, да не взыщеши последовати им, по потреблении их от лица твоего, не взыщи богов их, глаголя: якоже творят языцы сии богом своим, сотворю и аз:

Втор.12:30  с толкованием

31
да не сотвориши Господу Богу твоему тако: мерзостна бо Господеви, яже возненавиде, сотвориша богом своим, яко сыны своя и дщери своя жгут огнем богом своим.

Втор.12:31  с толкованием

32
Всяко слово, еже аз заповедаю тебе днесь, сие снабди творити: да не приложиши к сему, ни отимеши от него.

Втор.12:32  с толкованием

Глава 
13

Втор.13  с толкованием

1
Аще же востанет в тебе пророк, или видяй соние, и даст тебе знамение или чудо,

Втор.13:1  с толкованием

2
и приидет знамение или чудо, еже рече к тебе, глаголя: идем да послужим богом иным, ихже не весте:

Втор.13:2  с толкованием

3
да не послушаете глагол пророка того, или видящаго сон той: яко искушает Господь Бог твой вас, иже уведети, аще любите Господа Бога вашего всем сердцем вашим и всею душею вашею:

Втор.13:3  с толкованием

4
вслед Господа Бога вашего ходите, и Того бойтеся, и заповеди Его сохраните, и гласа Его послушайте, и Тому служите, и к Нему прилепитеся:

Втор.13:4  с толкованием

5
и пророк той или видяй сон да умрет: глагола бо, иже прельстити тя от Господа Бога твоего изведшаго тя из земли Египетския, избавльшаго тя из работы, еже совратити тя с пути, егоже заповеда тебе Господь Бог твой ходити по нему: и погубите сами злое от вас самих.

Втор.13:5  с толкованием

6
Аще же помолит тя брат твой от отца твоего или от матере твоея, или сын твой, или дщерь твоя, или жена твоя яже на лоне твоем, или друг твой, равен души твоей, отай глаголя: идем и послужим богом иным, ихже не видел еси ты и отцы твои,

Втор.13:6  с толкованием

7
от богов языков, иже окрест вас, близ сущих тебе, или дальних от тебе, от конца земли до конца земли,

Втор.13:7  с толкованием

8
да не соизволиши ему и не послушаеши его, и да не пощадит его око твое, и не возлюбиши его, ниже прикрыеши его:

Втор.13:8  с толкованием

9
возвещая да возвестиши о нем, и рука твоя да будет на нем в первых убити его, и руки всех людий послежде:

Втор.13:9  с толкованием

10
и побиют его камением, и умрет, яко взыскал есть отвратити тебе от Господа Бога твоего, изведшаго тя из земли Египетския, от дому работы:

Втор.13:10  с толкованием

11
и весь Израиль услышав убоится, и не приложит ктому сотворити по словеси сему злому еже в вас.

Втор.13:11  с толкованием

12
Аще же услышиши в единем от градов твоих, яже Господь Бог дает тебе, вселитися тамо, глаголющих:

Втор.13:12  с толкованием

13
изыдоша мужи беззаконнии от вас и отвратиша вся живущыя во граде их, глаголюще: идем, да послужим богом иным, ихже не весте,

Втор.13:13  с толкованием

14
и да взыщеши и вопросиши и обыщеши зело, и се, истинно слово яве, сотворися мерзость сия в вас:

Втор.13:14  с толкованием

15
убивая да убиеши вся живущыя во граде онем убийством меча, проклятием проклените его, и вся яже в нем,

Втор.13:15  с толкованием

16
и вся корысти его собереши на распутия его, и зажжеши град огнем, и вся корысти его всенародно пред Господем Богом твоим, и будет пуст во веки, не возградится по сем:

Втор.13:16  с толкованием

17
и да ничтоже прилепится от проклятия руце твоей, да отвратится Бог от ярости гнева Своего: и даст тебе милость и помилует тя, и умножит тя, якоже глагола тебе, якоже клятся Господь отцем твоим,

Втор.13:17  с толкованием

18
аще послушаеши гласа Господа Бога твоего, еже хранити вся заповеди Его, яже аз заповедаю тебе днесь, творити доброе и угодное пред Господем Богом твоим.

Втор.13:18  с толкованием

Глава 
14

Втор.14  с толкованием

1
Сынове есте Господа Бога вашего: да не нарезуетеся и не возложите плеши между очима вашима над мертвым:

Втор.14:1  с толкованием

2
яко людие святи есте Господеви Богу вашему, и вас избра Господь Бог ваш быти вам людем избранным Ему от всех языков иже на лицы земли.

Втор.14:2  с толкованием

3
Да не снесте всякия мерзости.

Втор.14:3  с толкованием

4
Сия скоты ядите: телца от говяд и агнца от овец и козла от коз:

Втор.14:4  с толкованием

5
еленя и серну, и буйвола и ланя, и зубря и онагра и сайгака.

Втор.14:5  с толкованием

6
Всяк скот на двое деля пазнокти, и копыто на двое копыта, и отрыгая жвание в скотех, да ясте.

Втор.14:6  с толкованием

7
И сих да не снесте от отрыгающих жвание и от делящих пазнокти на двое, но копыт не раздвояющих: велблюда и заяца и хирогрилля: яко отрыгают жвание сии, но копыт не раздвояют, нечиста сия вам суть.

Втор.14:7  с толкованием

8
И свинии, яко на двое делит пазнокти и копыта раздвояет, и сия жвания не отрыгает, нечиста сия вам есть: от мяс их да не ясте, и мертвечинам их да не прикоснетеся.

Втор.14:8  с толкованием

9
И сия да ясте от всех яже в воде: вся, имже суть перие и чешуя, ядите.

Втор.14:9  с толкованием

10
И всех, имже несть перия, на чешуи, да не ясте: нечиста суть вам.

Втор.14:10  с толкованием

11
Всяку птицу чисту да ясте.

Втор.14:11  с толкованием

12
И сих да не ясте от них:

Втор.14:12  с толкованием

13
орла и грифа и орла морскаго,

Втор.14:13  с толкованием

14
и неясыти и иктина и подобных сим:

Втор.14:14  с толкованием

15
и врана и врабия, и выпелицы и сухолапля, и ястреба и подобных сим:

Втор.14:15  с толкованием

16
и врана нощнаго и лилика и подобных сим:

Втор.14:16  с толкованием

17
и еродиа и лебедя, и ивина и катаракта, и вдода

Втор.14:17  с толкованием

18
и нощнаго нетопыря, и сыча и теслоноса, и харадриона и подобных сим, и порфириона.

Втор.14:18  с толкованием

19
Вся гады птичия нечиста суть вам: да не ясте от них.

Втор.14:19  с толкованием

20
Всяку птицу чисту да ясте.

Втор.14:20  с толкованием

21
Всякия мертвечины да не ясте: приселнику, иже во градех твоих, да дасте, и да яст, или да продасте страннику: яко людие святи есте Господеви Богу вашему. Да не свариши ягняте во млеце матере его.

Втор.14:21  с толкованием

22
Десятины да даси от всего плода семене своего, плод нив твоих от года до года,

Втор.14:22  с толкованием

23
и да снеси я пред Господем Богом твоим на месте, идеже изберет Господь Бог твой призывати имя Его тамо: да принесеши десятину пшеницы твоея и вина твоего и елеа твоего, и первенцы волов твоих и овец твоих, да научишися боятися Господа Бога твоего вся дни.

Втор.14:23  с толкованием

24
Аще же далече будет путь от тебе и не возможеши донести их, яко далече место от тебе, еже изберет Господь Бог твой призывати имя Его тамо, яко да благословит тя Господь Бог твой:

Втор.14:24  с толкованием

25
и продаси сие на цене, и возмеши сребро в руку твою, и пойдеши на место, иже изберет Господь Бог твой,

Втор.14:25  с толкованием

26
и даси сребро за все, на неже пожелает душа твоя, на волы и овцы, или на вино, или на сикеру, или на все, егоже желает душа твоя, и да снеси тамо пред Господем Богом твоим, и возвеселишися ты и дом твой.

Втор.14:26  с толкованием

27
И левит иже во градех твоих, не оставивши его, яко несть ему части ни жребия с тобою:

Втор.14:27  с толкованием

28
по трех летех да изнесеши всю десятину жит твоих в лето оно, да положиши ю во градех твоих:

Втор.14:28  с толкованием

29
и приидет левит, яко несть ему части ни жребия с тобою, и пришлец, и сирота и вдова, яже во градех твоих, да ядят и насытятся: да благословит тя Господь Бог твой во всех делех твоих, яже аще сотвориши.

Втор.14:29  с толкованием

Глава 
15

Втор.15  с толкованием

1
В седмое лето да сотвориши отпущение.

Втор.15:1  с толкованием

2
И сице заповедь отпущения: да оставивши весь долг твой, имже должен ближний тебе, и от брата своего не истяжеши, яко наречеся отпущение Господу Богу твоему.

Втор.15:2  с толкованием

3
От чуждаго да истяжеши, елика суть твоя у него: брату же твоему отпущение да сотвориши долга твоего.

Втор.15:3  с толкованием

4
Яко не будет у тебе недостаточен: сего ради словесе благословением благословит тя Господь Бог твои в земли, юже тебе Господь Бог дает во жребий прияти ю.

Втор.15:4  с толкованием

5
Аще же слухом послушаете гласа Господа Бога вашего хранити и творити вся заповеди сия, яже аз заповедаю тебе днесь, яко Господь Бог твой благословил тя есть, якоже глагола тебе,

Втор.15:5  с толкованием

6
и взаим даси языком многим, ты же не займеши, и обладати будеши ты языки многими, тобою же не возобладают.

Втор.15:6  с толкованием

7
Аще же брат от братии твоея будет тебе недостаточен во единем от градов твоих в земли, юже Господь Бог твои дает тебе, да не отвратиши сердца твоего, ниже сожмеши руки твоея пред братом твоим требующим:

Втор.15:7  с толкованием

8
отверзая да отверзеши руку твою ему, и взаим да даси ему, елико просит, и елико ему не достанет.

Втор.15:8  с толкованием

9
Внемли себе: да не будет слово тайно в сердцы твоем беззакония, глаголя: близ есть седмое лето, лето отпущения, и возлукавнует око твое брату твоему требующему, и не даси ему, и возопиет на тя ко Господу, и будет тебе грех велик:

Втор.15:9  с толкованием

10
даянием да даси ему, и взаим да даси ему, елико воспросит, якоже требует: и не опечалися в сердцы своем, дающу ти ему, яко сего ради слова благословит тя Господь Бог твой во всех делех твоих, и во всем, на неже возложиши руку твою:

Втор.15:10  с толкованием

11
ибо не оскудеет недостаточный от земли твоея, сего ради аз заповедаю тебе творити слово сие, глаголя: отверзая отверзи руце твои брату твоему нищему и просящему на земли твоей.

Втор.15:11  с толкованием

12
Аще же продастся тебе брат твой Евреанин, или Евреаныня, да поработает тебе шесть лет, и в седмое да отпустиши его свободна от себе:

Втор.15:12  с толкованием

13
егда же пустиши его свободна от себе, да не отпустиши его тща:

Втор.15:13  с толкованием

14
напутное ему да уготовиши от овец твоих и от пшеницы твоея и от вина твоего: якоже благослови тя Господь Бог твой, да даси ему,

Втор.15:14  с толкованием

15
и помяни, яко раб и ты был еси в земли Египетстей, и свободи тя Господь Бог твой оттуду: сего ради аз заповедаю тебе творити слово сие.

Втор.15:15  с толкованием

16
Аще же речет к тебе: не отиду от тебе, яко возлюбих тя и дом твой, яко добро есть есть у тебе:

Втор.15:16  с толкованием

17
да возмеши шило, и провертиши ему ухо пред дверми у степени, и будет ти раб во веки: и рабе твоей сотвориши такожде.

Втор.15:17  с толкованием

18
Да не будет жестоко пред тобою, отпущаемым им от тебе свободным, понеже годовую мзду наемничу работа тебе шесть лет: и благословит тя Господь Бог твой во всем, еже твориши.

Втор.15:18  с толкованием

19
Всяко первородное, еже родится от волов твоих и от овец твоих, мужеск пол да освятиши Господеви Богу твоему: да не делаеши первородным телцем твоим и да не стрижеши первенца во овцах твоих.

Втор.15:19  с толкованием

20
Пред Господем Богом твоим да яси я от лета до лета, на месте, идеже изберет Господь Бог твои, ты и дом твой.

Втор.15:20  с толкованием

21
Аще же будет на нем порок, хромота, или слепота, и всякий порок зол, да не пожреши его Господу Богу твоему.

Втор.15:21  с толкованием

22
Во градех твоих да снеси я: нечистый и чистый у тебе такожде да яст, яко серну или еленя.

Втор.15:22  с толкованием

23
Токмо крове да не снесте: на землю проливай ю аки воду.

Втор.15:23  с толкованием