Глава 
34

показать остальные стихи главы...

20
Яко жряй сына пред отцем его, тако приносяй жертвы от имения убогих.


21
Хлеб убогим живот убогих, лишаяй его человек кровей есть.


22
Убивает искренняго отемляй ему поживление, и проливает кровь лишаяй мзды наемника.


23
Един созидаяй, а другий разоряяй, что успеет более, токмо труд?


24
Единому молящуся, а другому проклинающу, коего глас услышит Владыка?


25
Омываяйся от мертвеца и паки прикасаяйся ему, кая польза ему от бани?


26
Тако человек постяйся о гресех своих и паки ходяй и таяжде творяй, мольбу его кто услышит, и что успе смирением своим?