Псалом 
91

Пс.91  с толкованием

1
Псалом песни, в день субботный.

Пс.91:1  с толкованием

2
Благо есть исповедатися Господеви и пети имени Твоему, Вышний:

Пс.91:2  с толкованием

3
возвещати заутра милость Твою и истину Твою на всяку нощь,

Пс.91:3  с толкованием

4
в десятоструннем псалтири с песнию в гуслех.

Пс.91:4  с толкованием

5
Яко возвеселил мя еси, Господи, в творении Твоем, и в делех руку Твоею возрадуюся.

Пс.91:5  с толкованием

6
Яко возвеличишася дела Твоя, Господи: зело углубишася помышления Твоя.

Пс.91:6  с толкованием

7
Муж безумен не познает, и неразумив не разумеет сих.

Пс.91:7  с толкованием

8
Внегда прозябоша грешницы яко трава, и проникоша вси делающии беззаконие, яко да потребятся в век века:

Пс.91:8  с толкованием

9
Ты же вышний во век, Господи.

Пс.91:9  с толкованием

10
Яко се, врази Твои, Господи, яко се, врази Твои погибнут, и разыдутся вси делающии беззаконие.

Пс.91:10  с толкованием

11
И вознесется яко единорога рог мой, и старость моя в елеи мастите:

Пс.91:11  с толкованием

12
и воззре око мое на враги моя, и востающыя на мя лукавнующыя услышит ухо мое.

Пс.91:12  с толкованием

13
Праведник яко финикс процветет: яко кедр, иже в Ливане, умножится.

Пс.91:13  с толкованием

14
Насаждени в дому Господни во дворех Бога нашего процветут:

Пс.91:14  с толкованием

15
еще умножатся в старости мастите, и благоприемлюще будут.

Пс.91:15  с толкованием

16
Да возвестят, яко прав Господь Бог наш, и несть неправды в Нем.

Пс.91:16  с толкованием

Псалом 
92

Пс.92  с толкованием

1
Господь воцарися, в лепоту облечеся: облечеся Господь в силу и препоясася: ибо утверди вселенную, яже не подвижится.

Пс.92:1  с толкованием

2
Готов престол Твой оттоле: от века Ты еси.

Пс.92:2  с толкованием

3
Воздвигоша реки, Господи, воздвигоша реки гласы своя:

Пс.92:3  с толкованием

4
возмут реки сотрения своя, от гласов вод многих.

Пс.92:4  с толкованием

5
Дивны высоты морския: дивен в высоких Господь.

Пс.92:5  с толкованием

6
Свидения Твоя уверишася зело. Дому Твоему подобает святыня, Господи, в долготу дний.

Пс.92:6  с толкованием

Псалом 
93

Пс.93  с толкованием

1
Бог отмщений Господь, Бог отмщений не обинулся есть.

Пс.93:1  с толкованием

2
Вознесися, Судяй земли, воздаждь воздаяние гордым.

Пс.93:2  с толкованием

3
Доколе грешницы, Господи, доколе грешницы восхвалятся?

Пс.93:3  с толкованием

4
Провещают и возглаголют неправду, возглаголют вси делающии беззаконие?

Пс.93:4  с толкованием

5
Люди Твоя, Господи, смириша, и достояние Твое озлобиша:

Пс.93:5  с толкованием

6
вдовицу и сира умориша, и пришелца убиша,

Пс.93:6  с толкованием

7
и реша: не узрит Господь, ниже уразумеет Бог Иаковль.

Пс.93:7  с толкованием

8
Разумейте же, безумнии в людех, и буии некогда, умудритеся:

Пс.93:8  с толкованием

9
насаждей ухо, не слышит ли? Или создавый око, не сматряет ли?

Пс.93:9  с толкованием

10
Наказуяй языки, не обличит ли, учай человека разуму?

Пс.93:10  с толкованием

11
Господь весть помышления человеческая, яко суть суетна.

Пс.93:11  с толкованием

12
Блажен человек, егоже аще накажеши, Господи, и от закона Твоего научиши его:

Пс.93:12  с толкованием

13
укротити его от дний лютых, дондеже изрыется грешному яма.

Пс.93:13  с толкованием

14
Яко не отринет Господь людий Своих, и достояния Своего не оставит:

Пс.93:14  с толкованием

15
дондеже правда обратится на суд, и держащиися ея вси правии сердцем.

Пс.93:15  с толкованием

16
Кто востанет ми на лукавнующыя? Или кто спредстанет ми на делающыя беззаконие?

Пс.93:16  с толкованием

17
Аще не Господь помогл бы ми, вмале вселилася бы во ад душа моя.

Пс.93:17  с толкованием

18
Аще глаголах: подвижеся нога моя, милость Твоя, Господи, помогаше ми:

Пс.93:18  с толкованием

19
по множеству болезней моих в сердцы моем, утешения Твоя возвеселиша душу мою.

Пс.93:19  с толкованием

20
Да не пребудет Тебе престол беззакония, созидаяй труд на повеление.

Пс.93:20  с толкованием

21
Уловят на душу праведничу, и кровь неповинную осудят.

Пс.93:21  с толкованием

22
И бысть мне Господь в прибежище, и Бог мой в помощь упования моего:

Пс.93:22  с толкованием

23
и воздаст им Господь беззаконие их, и по лукавствию их погубит я Господь Бог.

Пс.93:23  с толкованием

Псалом 
94

Пс.94  с толкованием

1
Приидите, возрадуемся Господеви, воскликнем Богу спасителю нашему:

Пс.94:1  с толкованием

2
предварим лице Его во исповедании, и во псалмех воскликнем Ему:

Пс.94:2  с толкованием

3
яко Бог велий Господь, и Царь велий по всей земли:

Пс.94:3  с толкованием

4
яко в руце Его вси концы земли, и высоты гор Того суть.

Пс.94:4  с толкованием

5
Яко Того есть море, и Той сотвори е, и сушу руце Его создасте.

Пс.94:5  с толкованием

6
Приидите, поклонимся и припадем ему, и восплачемся пред Господем сотворшим нас:

Пс.94:6  с толкованием

7
яко Той есть Бог наш, и мы людие пажити Его и овцы руки Его. Днесь аще глас Его услышите,

Пс.94:7  с толкованием

8
не ожесточите сердец ваших, яко в прогневании, по дни искушения в пустыни:

Пс.94:8  с толкованием

9
в оньже искусиша Мя отцы ваши, искусиша Мя, и видеша дела Моя.

Пс.94:9  с толкованием

10
Четыредесять лет негодовах рода того, и рех: присно заблуждают сердцем, тии же не познаша путий Моих:

Пс.94:10  с толкованием

11
яко кляхся во гневе Моем, аще внидут в покой Мой.

Пс.94:11  с толкованием

Псалом 
95

Пс.95  с толкованием

1
Воспойте Господеви песнь нову, воспойте Господеви вся земля:

Пс.95:1  с толкованием

2
воспойте Господеви, благословите имя Его: благовестите день от дне спасение Его.

Пс.95:2  с толкованием

3
Возвестите во языцех славу Его, во всех людех чудеса Его.

Пс.95:3  с толкованием

4
Яко велий Господь и хвален зело, страшен есть над всеми боги.

Пс.95:4  с толкованием

5
Яко вси бози язык бесове: Господь же небеса сотвори.

Пс.95:5  с толкованием

6
Исповедание и красота пред Ним, святыня и великолепие во святиле Его.

Пс.95:6  с толкованием

7
Принесите Господеви, отечествия язык, принесите Господеви славу и честь.

Пс.95:7  с толкованием

8
Принесите Господеви славу имени Его: возмите жертвы и входите во дворы Его.

Пс.95:8  с толкованием

9
Поклонитеся Господеви во дворе святем Его: да подвижится от лица Его вся земля.

Пс.95:9  с толкованием

10
Рцыте во языцех, яко Господь воцарися: ибо исправи вселенную, яже не подвижится: судит людем правостию.

Пс.95:10  с толкованием

11
Да возвеселятся небеса, и радуется земля: да подвижится море и исполнение его:

Пс.95:11  с толкованием

12
возрадуются поля, и вся яже на них: тогда возрадуются вся древа дубравная

Пс.95:12  с толкованием

13
от лица Господня, яко грядет, яко грядет судити земли: судити вселенней в правду, и людем истиною Своею.

Пс.95:13  с толкованием