Псалом 
76

Пс.76  с толкованием

1
В конец, о Идифуме, псалом Асафу.

Пс.76:1  с толкованием

2
Гласом моим ко Господу воззвах, гласом моим к Богу, и внят ми.

Пс.76:2  с толкованием

3
В день скорби моея Бога взысках рукама моима, нощию пред ним, и не прельщен бых: отвержеся утешитися душа моя.

Пс.76:3  с толкованием

4
Помянух Бога и возвеселихся, поглумляхся, и малодушствоваше дух мой.

Пс.76:4  с толкованием

5
Предваристе стражбы очи мои: смятохся и не глаголах.

Пс.76:5  с толкованием

6
Помыслих дни первыя, и лета вечная помянух, и поучахся:

Пс.76:6  с толкованием

7
нощию сердцем моим глумляхся, и тужаше дух мой:

Пс.76:7  с толкованием

8
еда во веки отринет Господь и не приложит благоволити паки?

Пс.76:8  с толкованием

9
Или до конца милость Свою отсечет, сконча глаголгол от рода в род?

Пс.76:9  с толкованием

10
Еда забудет ущедрити Бог? Или удержит во гневе Своем щедроты Своя?

Пс.76:10  с толкованием

11
И рех: ныне начах, сия измена десницы Вышняго.

Пс.76:11  с толкованием

12
Помянух дела Господня: яко помяну от начала чудеса Твоя,

Пс.76:12  с толкованием

13
и поучуся во всех делех Твоих, и в начинаниих Твоих поглумлюся.

Пс.76:13  с толкованием

14
Боже, во святем путь Твой: кто Бог велий, яко Бог наш?

Пс.76:14  с толкованием

15
Ты еси Бог творяй чудеса: сказал еси в людех силу Твою,

Пс.76:15  с толкованием

16
избавил еси мышцею Твоею люди Твоя, сыны Иаковли и Иосифовы.

Пс.76:16  с толкованием

17
Видеша Тя воды, Боже, видеша Тя воды и убояшася: смятошася бездны.

Пс.76:17  с толкованием

18
Множество шума вод: глас даша облацы, ибо стрелы Твоя преходят.

Пс.76:18  с толкованием

19
Глас грома Твоего в колеси, осветиша молния твоя вселенную: подвижеся и трепетна бысть земля.

Пс.76:19  с толкованием

20
В мори путие Твои, и стези Твоя в водах многих, и следы Твои не познаются.

Пс.76:20  с толкованием

21
Наставил еси яко овцы люди Твоя рукою Моисеовою и Ааронею.

Пс.76:21  с толкованием

Псалом 
77

Пс.77  с толкованием

1
Внемлите, людие мои, закону моему, приклоните ухо ваше во глаголы уст моих.

Пс.77:1  с толкованием

2
Отверзу в притчах уста моя, провещаю ганания исперва.

Пс.77:2  с толкованием

3
Елика слышахом и познахом я, и отцы наши поведаша нам:

Пс.77:3  с толкованием

4
не утаишася от чад их в род ин, возвещающе хвалы Господни, и силы Его и чудеса Его, яже сотвори.

Пс.77:4  с толкованием

5
И воздвиже свидение во Иакове, и закон положи во Израили, елика заповеда отцем нашым сказати я сыновом своим,

Пс.77:5  с толкованием

6
яко да познает род ин, сынове родящиися, и востанут и поведят я сыновом своим:

Пс.77:6  с толкованием

7
да положат на Бога упование свое, и не забудут дел Божиих, и заповеди Его взыщут:

Пс.77:7  с толкованием

8
да не будут якоже отцы их, род строптив и преогорчеваяй, род иже не исправи сердца своего и не увери с Богом духа своего.

Пс.77:8  с толкованием

9
Сынове Ефремли наляцающе и стреляюще луки возвратишася в день брани:

Пс.77:9  с толкованием

10
не сохраниша завета Божия, и в законе Его не восхотеша ходити.

Пс.77:10  с толкованием

11
И забыша благодеяния Его и чудеса Его, яже показа им

Пс.77:11  с толкованием

12
пред отцы их, яже сотвори чудеса в земли Египетстей, на поли Танеосе:

Пс.77:12  с толкованием

13
разверзе море и проведе их: представи воды яко мех,

Пс.77:13  с толкованием

14
и настави я облаком во дни и всю нощь просвещением огня.

Пс.77:14  с толкованием

15
Разверзе камень в пустыни и напои я яко в бездне мнозе:

Пс.77:15  с толкованием

16
и изведе воду из камене и низведе яко реки воды.

Пс.77:16  с толкованием

17
И приложиша еще согрешати Ему, преогорчиша Вышняго в безводней:

Пс.77:17  с толкованием

18
и искусиша Бога в сердцах своих, воспросити брашна душам своим.

Пс.77:18  с толкованием

19
И клеветаша на Бога и реша: еда возможет Бог уготовати трапезу в пустыни?

Пс.77:19  с толкованием

20
Понеже порази камень, и потекоша воды, и потоцы наводнишася: еда и хлеб может дати? Или уготовати трапезу людем Своим?

Пс.77:20  с толкованием

21
Сего ради слыша Господь и презре, и огнь возгореся во Иакове, и гнев взыде на Израиля:

Пс.77:21  с толкованием

22
яко не вероваша Богови, ниже уповаша на спасение Его.

Пс.77:22  с толкованием

23
И заповеда облаком свыше, и двери небесе отверзе:

Пс.77:23  с толкованием

24
и одожди им манну ясти, и хлеб небесный даде им.

Пс.77:24  с толкованием

25
Хлеб ангельский яде человек: брашно посла им до сытости.

Пс.77:25  с толкованием

26
Воздвиже юг с небесе, и наведе силою Своею лива:

Пс.77:26  с толкованием

27
и одожди на ня яко прах плоти, и яко песок морский птицы пернаты.

Пс.77:27  с толкованием

28
И нападоша посреде стана их, окрест жилищ их.

Пс.77:28  с толкованием

29
И ядоша и насытишася зело, и желание их принесе им.

Пс.77:29  с толкованием

30
Не лишишася от желания своего: еще брашну сущу во устех их,

Пс.77:30  с толкованием

31
и гнев Божий взыде на ня, и уби множайшая их, и избранным Израилевым запят.

Пс.77:31  с толкованием

32
Во всех сих согрешиша еще и не вероваша чудесем Его:

Пс.77:32  с толкованием

33
и изчезоша в суете дние их, и лета их со тщанием.

Пс.77:33  с толкованием

34
Егда убиваше я, тогда взыскаху Его и обращахуся и утреневаху к Богу:

Пс.77:34  с толкованием

35
и помянуша, яко Бог помощник им есть, и Бог Вышний Избавитель им есть:

Пс.77:35  с толкованием

36
и возлюбиша Его усты своими, и языком своим солгаша Ему:

Пс.77:36  с толкованием

37
сердце же их не бе право с Ним, ниже уверишася в завете Его.

Пс.77:37  с толкованием

38
Той же есть щедр, и очистит грехи их, и не растлит: и умножит отвратити ярость Свою, и не разжжет всего гнева Своего.

Пс.77:38  с толкованием

39
И помяну, яко плоть суть, дух ходяй и не обращаяйся:

Пс.77:39  с толкованием

40
колькраты преогорчиша Его в пустыни, прогневаша Его в земли безводней?

Пс.77:40  с толкованием

41
И обратишася, и искусиша Бога, и Святаго Израилева раздражиша:

Пс.77:41  с толкованием

42
и не помянуша руки Его в день, в оньже избави я из руки оскорбляющаго:

Пс.77:42  с толкованием

43
якоже положи во Египте знамения Своя, и чудеса Своя на поли Танеосе:

Пс.77:43  с толкованием

44
и преложи в кровь реки их и источники их, яко да не пиют.

Пс.77:44  с толкованием

45
Посла на ня песия мухи, и поядоша я, и жабы, и растли я:

Пс.77:45  с толкованием

46
и даде рже плоды их, и труды их пругом.

Пс.77:46  с толкованием

47
Уби градом винограды их и черничие их сланою:

Пс.77:47  с толкованием

48
и предаде граду скоты их, и имение их огню.

Пс.77:48  с толкованием

49
Посла на ня гнев ярости Своея, ярость и гнев и скорбь, послание аггелы лютыми.

Пс.77:49  с толкованием

50
Путесотвори стезю гневу Своему, и не пощаде от смерти душ их, и скоты их в смерти заключи:

Пс.77:50  с толкованием

51
и порази всякое первородное в земли Египетстей, начаток всякаго труда их в селениих Хамовых.

Пс.77:51  с толкованием

52
И воздвиже яко овцы люди Своя, и возведе я яко стадо в пустыни:

Пс.77:52  с толкованием

53
и настави я на упование, и не убояшася: и враги их покры море.

Пс.77:53  с толкованием

54
И введе я в гору святыни Своея, гору сию, юже стяжа десница Его.

Пс.77:54  с толкованием

55
И изгна от лица их языки, и по жребию даде им (землю) ужем жребодаяния, и всели в селениих их колена Израилева.

Пс.77:55  с толкованием

56
И искусиша и преогорчиша Бога Вышняго, и свидений Его не сохраниша:

Пс.77:56  с толкованием

57
и отвратишася и отвергошася, якоже и отцы их: превратишася в лук развращен:

Пс.77:57  с толкованием

58
и прогневаша Его в холмех своих, и во истуканных своих раздражиша Его.

Пс.77:58  с толкованием

59
Слыша Бог и презре, и уничижи зело Израиля:

Пс.77:59  с толкованием

60
и отрину скинию Силомскую, селение еже вселися в человецех:

Пс.77:60  с толкованием

61
и предаде в плен крепость их, и доброту их в руки врагов:

Пс.77:61  с толкованием

62
и затвори во оружии люди Своя и достояние Свое презре.

Пс.77:62  с толкованием

63
Юношы их пояде огнь, и девы их не осетованы быша:

Пс.77:63  с толкованием

64
священницы их мечем падоша, и вдовицы их не оплаканы будут.

Пс.77:64  с толкованием

65
И воста яко спя Господь, яко силен и шумен от вина:

Пс.77:65  с толкованием

66
и порази враги своя вспять, поношение вечное даде им:

Пс.77:66  с толкованием

67
и отрину селение Иосифово, и колено Ефремово не избра:

Пс.77:67  с толкованием

68
и избра колено Иудово, гору Сионю, юже возлюби:

Пс.77:68  с толкованием

69
и созда яко единорога святилище Свое: на земли основа и в век.

Пс.77:69  с толкованием

70
И избра Давида раба Своего, и восприят его от стад овчих:

Пс.77:70  с толкованием

71
от доилиц поят его, пасти Иакова раба Своего, и Израиля достояние Свое.

Пс.77:71  с толкованием

72
И упасе я в незлобии сердца своего, и в разумех руку своею наставил я есть.

Пс.77:72  с толкованием

Псалом 
78

Пс.78  с толкованием

1
Боже, приидоша языцы в достояние Твое, оскверниша храм святый Твой,

Пс.78:1  с толкованием

2
положиша Иерусалим яко овощное хранилище: положиша трупия раб Твоих брашно птицам небесным, плоти преподобных Твоих зверем земным:

Пс.78:2  с толкованием

3
пролияша кровь их яко воду окрест Иерусалима, и не бе погребаяй.

Пс.78:3  с толкованием

4
Быхом поношение соседом нашым, подражнение и поругание сущым окрест нас.

Пс.78:4  с толкованием

5
Доколе, Господи, прогневаешися до конца? Разжжется яко огнь рвение Твое?

Пс.78:5  с толкованием

6
Пролий гнев Твой на языки незнающыя Тебе, и на царствия, яже имене Твоего не призваша:

Пс.78:6  с толкованием

7
яко поядоша Иакова, и место его опустошиша.

Пс.78:7  с толкованием

8
Не помяни наших беззаконий первых: скоро да предварят ны щедроты Твоя, Господи, яко обнищахом зело.

Пс.78:8  с толкованием

9
Помози нам, Боже, Спасителю наш, славы ради имене Твоего: Господи, избави ны и очести грехи нашя имене ради Твоего.

Пс.78:9  с толкованием

10
Да не когда рекут языцы: где есть Бог их? И да увестся во языцех пред очима нашима отмщение крове раб Твоих пролитыя.

Пс.78:10  с толкованием

11
Да внидет пред Тя воздыхание окованных: по величию мышцы Твоея снабди сыны умерщвленных.

Пс.78:11  с толкованием

12
Воздаждь соседом нашым седмерицею в недро их поношение их, имже поносиша Тя, Господи.

Пс.78:12  с толкованием

13
Мы же людие Твои и овцы пажити Твоея исповемыся Тебе, Боже, во век, в род и род возвестим хвалу Твою.

Пс.78:13  с толкованием

Псалом 
79

Пс.79  с толкованием

1
В конец, о изменшихся, свидение Асафу, псалом.

Пс.79:1  с толкованием

2
Пасый Израиля вонми: наставляяй яко овча Иосифа, седяй на Херувимех, явися:

Пс.79:2  с толкованием

3
пред Ефремом и Вениамином и Манассием воздвигни силу Твою, и прииди во еже спасти нас.

Пс.79:3  с толкованием

4
Боже, обрати ны, и просвети лице Твое, и спасемся.

Пс.79:4  с толкованием

5
Господи Боже сил, доколе гневаешися на молитву раб Твоих?

Пс.79:5  с толкованием

6
Напитаеши нас хлебом слезным, и напоиши нас слезами в меру.

Пс.79:6  с толкованием

7
Положил еси нас в пререкание соседом нашым, и врази наши подражниша ны.

Пс.79:7  с толкованием

8
Господи Боже сил, обрати ны, и просвети лице Твое, и спасемся.

Пс.79:8  с толкованием

9
Виноград из Египта пренесл еси: изгнал еси языки, и насадил еси и:

Пс.79:9  с толкованием

10
путесотворил еси пред ним, и насадил еси корения его, и исполни землю.

Пс.79:10  с толкованием

11
Покры горы сень его, и ветвия его кедры Божия:

Пс.79:11  с толкованием

12
простре розги его до моря, и даже до рек отрасли его.

Пс.79:12  с толкованием

13
Вскую низложил еси оплот его, и оымают и вси мимоходящии путем?

Пс.79:13  с толкованием

14
Озоба и вепрь от дубравы, и уединенный дивий пояде и.

Пс.79:14  с толкованием

15
Боже сил, обратися убо, и призри с небесе и виждь, и посети виноград сей:

Пс.79:15  с толкованием

16
и соверши и, егоже насади десница Твоя, и на сына человеческаго, егоже укрепил еси Себе.

Пс.79:16  с толкованием

17
Пожжен огнем и раскопан: от запрещения лица Твоего погибнут.

Пс.79:17  с толкованием

18
Да будет рука Твоя на мужа десницы Твоея и на сына человеческаго, егоже укрепил еси Себе,

Пс.79:18  с толкованием

19
и не отступим от Тебе: оживиши ны, и имя Твое призовем.

Пс.79:19  с толкованием

20
Господи Боже сил, обрати ны, и просвети лице Твое, и спасемся.

Пс.79:20  с толкованием

Псалом 
80

Пс.80  с толкованием

1
В конец, о точилех, псалом Асафу.

Пс.80:1  с толкованием

2
Радуйтеся Богу помощнику нашему, воскликните Богу Иаковлю:

Пс.80:2  с толкованием

3
приимите псалом и дадите тимпан, псалтирь красен с гусльми:

Пс.80:3  с толкованием

4
вострубите в новомесячии трубою, во благознаменитый день праздника вашего:

Пс.80:4  с толкованием

5
яко повеление Израилеви есть, и судба Богу Иаковлю.

Пс.80:5  с толкованием

6
Свидение во Иосифе положи е, внегда изыти ему от земли Египетския: языка, егоже не ведяше, услыша.

Пс.80:6  с толкованием

7
Отят от бремене хребет его: руце его в коши поработасте.

Пс.80:7  с толкованием

8
В скорби призвал Мя еси, и избавих тя: услышах тя в тайне бурне: искусих тя на воде Пререкания.

Пс.80:8  с толкованием

9
Слышите, людие Мои, и засвидетелствую вам, Израилю, аще послушаеши Мене:

Пс.80:9  с толкованием

10
не будет тебе бог нов, ниже поклонишися богу чуждему.

Пс.80:10  с толкованием

11
Аз бо есмь Господь Бог твой, изведый тя от земли Египетския: разшири уста твоя, и исполню я.

Пс.80:11  с толкованием

12
И не послушаша людие Мои гласа Моего, и Израиль не внят Ми:

Пс.80:12  с толкованием

13
и отпустих я по начинанием сердец их, пойдут в начинаниих своих.

Пс.80:13  с толкованием

14
Аще быша людие Мои послушали Мене, Израиль аще бы в пути Моя ходил:

Пс.80:14  с толкованием

15
ни о чесомже убо враги его смирил бых, и на оскорбляющыя их возложил бых руку Мою.

Пс.80:15  с толкованием

16
Врази Господни солгаша ему, и будет время их в век:

Пс.80:16  с толкованием

17
и напита их от тука пшенична, и от камене меда насыти их.

Пс.80:17  с толкованием