Псалом 
41

Пс.41  с толкованием

1
В конец, в разум сынов Кореовых, псалом Давиду.

Пс.41:1  с толкованием

2
Имже образом желает елень на источники водныя, сице желает душа моя к Тебе, Боже.

Пс.41:2  с толкованием

3
Возжада душа моя к Богу крепкому, живому: когда прииду и явлюся лицу Божию?

Пс.41:3  с толкованием

4
Быша слезы моя мне хлеб день и нощь, внегда глаголатися мне на всяк день: где есть Бог твой?

Пс.41:4  с толкованием

5
Сия помянух, и излиях на мя душу мою: яко пройду в место селения дивна, даже до дому Божия, во гласе радования и исповедания, шума празднующаго.

Пс.41:5  с толкованием

6
Вскую прискорбна еси, душе моя? И вскую смущаеши мя? Уповай на Бога, яко исповемся Ему, спасение лица моего и Бог мой.

Пс.41:6  с толкованием

7
Ко мне самому душа моя смятеся: сего ради помянух Тя от земли Иордански и Ермониимски, от горы Малыя.

Пс.41:7  с толкованием

8
Бездна бездну призывает во гласе хлябий Твоих: вся высоты Твоя и волны Твоя на мне преидоша.

Пс.41:8  с толкованием

9
В день заповесть Господь милость Свою, и нощию песнь Его от мене, молитва Богу живота моего.

Пс.41:9  с толкованием

10
Реку Богу: заступник мой еси, почто мя забыл еси? И вскую сетуя хожду, внегда оскорбляет враг?

Пс.41:10  с толкованием

11
Внегда сокрушатися костем моим, поношаху ми врази мои, внегда глаголати им мне на всяк день: где есть Бог твой?

Пс.41:11  с толкованием

12
Вскую прискорбна еси, душе моя? И вскую смущаеши мя? Уповай на Бога, яко исповемся Ему, спасение лица моего и Бог мой.

Пс.41:12  с толкованием

Псалом 
42

Пс.42  с толкованием

1
Суди ми, Боже, и разсуди прю мою: от языка не преподобна, от человека неправедна и льстива избави мя.

Пс.42:1  с толкованием

2
Зане Ты еси, Боже, крепость моя, вскую отринул мя еси? И вскую сетуя хожду, внегда оскорбляет враг?

Пс.42:2  с толкованием

3
Посли свет Твой и истину Твою: та мя настависта, и введоста мя в гору святую Твою и в селения Твоя.

Пс.42:3  с толкованием

4
И вниду к жертвеннику Божию, к Богу веселящему юность мою: исповемся Тебе в гуслех, Боже, Боже мой.

Пс.42:4  с толкованием

5
Вскую прискорбна еси, душе моя? И вскую смущаеши мя? Уповай на Бога, яко исповемся Ему, спасение лица моего и Бог мой.

Пс.42:5  с толкованием

Псалом 
43

Пс.43  с толкованием

1
В конец, сынов Кореовых, в разум, псалом.

Пс.43:1  с толкованием

2
Боже, ушима нашима услышахом, и отцы наши возвестиша нам дело, еже соделал еси во днех их, во днех древних.

Пс.43:2  с толкованием

3
Рука Твоя языки потреби, и насадил я еси: озлобил еси люди и изгнал еси я.

Пс.43:3  с толкованием

4
Не бо мечем своим наследиша землю, и мышца их не спасе их, но десница Твоя и мышца Твоя и просвещение лица Твоего, яко благоволил еси в них.

Пс.43:4  с толкованием

5
Ты еси сам Царь мой и Бог мой, заповедаяй спасения Иаковля.

Пс.43:5  с толкованием

6
О Тебе враги нашя избодем роги, и о имени Твоем уничижим востающыя на ны.

Пс.43:6  с толкованием

7
Не на лук бо мой уповаю, и мечь мой не спасет мене:

Пс.43:7  с толкованием

8
спасл бо еси нас от стужающих нам, и ненавидящих нас посрамил еси.

Пс.43:8  с толкованием

9
О Бозе похвалимся весь день, и о имени Твоем исповемыся во век.

Пс.43:9  с толкованием

10
Ныне же отринул еси и посрамил еси нас, и не изыдеши, Боже, в силах наших.

Пс.43:10  с толкованием

11
Возвратил еси нас вспять при вразех наших, и ненавидящии нас расхищаху себе.

Пс.43:11  с толкованием

12
Дал еси нас яко овцы снеди, и во языцех разсеял ны еси.

Пс.43:12  с толкованием

13
Отдал еси люди Твоя без цены, и не бе множество в восклицаниих наших.

Пс.43:13  с толкованием

14
Положил еси нас поношение соседом нашым, подражнение и поругание сущым окрест нас.

Пс.43:14  с толкованием

15
Положил еси нас в притчу во языцех, покиванию главы в людех.

Пс.43:15  с толкованием

16
Весь день срам мой предо мною есть, и студ лица моего покры мя,

Пс.43:16  с толкованием

17
от гласа поношающаго и оклеветающаго, от лица вражия и изгонящаго.

Пс.43:17  с толкованием

18
Сия вся приидоша на ны, и не забыхом Тебе, и не неправдовахом в завете Твоем,

Пс.43:18  с толкованием

19
и не отступи вспять сердце наше: и уклонил еси стези нашя от пути Твоего,

Пс.43:19  с толкованием

20
яко смирил еси нас на месте озлобления, и прикры ны сень смертная.

Пс.43:20  с толкованием

21
Аще забыхом имя Бога нашего, и аще воздехом руки нашя к богу чуждему,

Пс.43:21  с толкованием

22
не Бог ли взыщет сих? Той бо весть тайная сердца.

Пс.43:22  с толкованием

23
Зане Тебе ради умерщвляемся весь день, вменихомся яко овцы заколения.

Пс.43:23  с толкованием

24
Востани, вскую спиши, Господи? Воскресени, и не отрини до конца.

Пс.43:24  с толкованием

25
Вскую лице Твое отвращаеши? Забываеши нищету нашу и скорбь нашу?

Пс.43:25  с толкованием

26
Яко смирися в персть душа наша, прильпе земли утроба наша.

Пс.43:26  с толкованием

27
Воскресени, Господи, помози нам, и избави нас имене ради Твоего.

Пс.43:27  с толкованием

Псалом 
44

Пс.44  с толкованием

1
В конец, о изменяемых сыном Кореовым в разум, песнь о возлюбленнем.

Пс.44:1  с толкованием

2
Отрыгну сердце мое слово благо, глаголю аз дела моя Цареви: язык мой трость книжника скорописца.

Пс.44:2  с толкованием

3
Красен добротою паче сынов человеческих, излияся благодать во устнах Твоих: сего ради благослови Тя Бог во век.

Пс.44:3  с толкованием

4
Препояши мечь Твой по бедре Твоей, Сильне,

Пс.44:4  с толкованием

5
красотою Твоею и добротою Твоею: и наляцы, и успевай, и царствуй истины ради и кротости и правды: и наставит Тя дивно десница Твоя.

Пс.44:5  с толкованием

6
Стрелы Твоя изощрены, Сильне: людие под Тобою падут в сердцы враг Царевых.

Пс.44:6  с толкованием

7
Престол Твой, Боже, в век века: жезл правости жезл царствия Твоего.

Пс.44:7  с толкованием

8
Возлюбил еси правду и возненавидел еси беззаконие: сего ради помаза Тя, Боже, Бог Твой елеем радости паче причастник Твоих.

Пс.44:8  с толкованием

9
Смирна и стакти и касиа от риз Твоих, от тяжестей слоновых, из нихже возвеселиша Тя.

Пс.44:9  с толкованием

10
Дщери царей в чести Твоей: предста царица одесную Тебе, в ризах позлащенных одеяна преиспещрена.

Пс.44:10  с толкованием

11
Слыши, дщи, и виждь, и приклони ухо твое, и забуди люди твоя и дом отца твоего:

Пс.44:11  с толкованием

12
и возжелает Царь доброты твоея, зане Той есть Господь твой, и поклонишися Ему,

Пс.44:12  с толкованием

13
и дщи Тирова с дары: лицу Твоему помолятся богатии людстии.

Пс.44:13  с толкованием

14
Вся слава дщере Царевы внутрь: рясны златыми одеяна и преиспещрена.

Пс.44:14  с толкованием

15
Приведутся Царю девы вслед ея, искренния ея приведутся Тебе:

Пс.44:15  с толкованием

16
приведутся в веселии и радовании, введутся в храм Царев.

Пс.44:16  с толкованием

17
Вместо отец Твоих быша сынове Твои: поставиши я князи по всей земли.

Пс.44:17  с толкованием

18
Помяну имя Твое во всяком роде и роде: сего ради людие исповедятся Тебе в век и во век века.

Пс.44:18  с толкованием

Псалом 
45

Пс.45  с толкованием

1
В конец, о сынех Кореовых, о тайных, псалом.

Пс.45:1  с толкованием

2
Бог нам прибежище и сила, помощник в скорбех обретших ны зело.

Пс.45:2  с толкованием

3
Сего ради не убоимся, внегда смущается земля, и прелагаются горы в сердца морская.

Пс.45:3  с толкованием

4
Возшумеша и смятошася воды их, смятошася горы крепостию его.

Пс.45:4  с толкованием

5
Речная устремления веселят град Божий: освятил есть селение свое Вышний.

Пс.45:5  с толкованием

6
Бог посреде его, и не подвижится: поможет ему Бог утро заутра.

Пс.45:6  с толкованием

7
Смятошася языцы, уклонишася царствия: даде глас Свой Вышний, подвижеся земля.

Пс.45:7  с толкованием

8
Господь сил с нами, заступник наш Бог Иаковль.

Пс.45:8  с толкованием

9
Приидите и видите дела Божия, яже положи чудеса на земли:

Пс.45:9  с толкованием

10
отемля брани до конец земли, лук сокрушит и сломит оружие, и щиты сожжет огнем.

Пс.45:10  с толкованием

11
Упразднитеся и разумейте, яко Аз есмь Бог: вознесуся во языцех, вознесуся на земли.

Пс.45:11  с толкованием

12
Господь сил с нами, заступник наш Бог Иаковль.

Пс.45:12  с толкованием