Глава 
16

Лк.16  с толкованием

1
Глаголаше же ко учеником Своим: человек некий бе богат, иже имяше приставника: и той оклеветан бысть к нему, яко расточает имения его:

Лк.16:1  с толкованием

2
и пригласив его рече ему: что се слышу о тебе? Воздаждь ответ о приставлении домовнем: не возможеши бо ктому дому строити.

Лк.16:2  с толкованием

3
Рече же в себе приставник дому: что сотворю, яко господь мой отемлет строение дому от мене? Копати не могу, просити стыжуся:

Лк.16:3  с толкованием

4
разумех, что сотворю, да егда отставлен буду от строения дому, приимут мя в домы своя.

Лк.16:4  с толкованием

5
И призвав единаго когождо от должник господина своего, глаголаше первому: колицем должен еси господину моему?

Лк.16:5  с толкованием

6
Он же рече: сто мер масла. И рече ему: приими писание твое, и сед скоро напиши пятьдесят.

Лк.16:6  с толкованием

7
Потом же рече другому: ты же колицем должен еси? Он же рече: сто мер пшеницы. И глагола ему: приими писание твое, и напиши осмьдесят.

Лк.16:7  с толкованием

8
И похвали господь дому строителя неправеднаго, яко мудре сотвори: яко сынове века сего мудрейши паче сынов света в роде своем суть.

Лк.16:8  с толкованием

9
И Аз вам глаголю: сотворите себе други от мамоны неправды, да, егда оскудеете, приимут вы в вечныя кровы.

Лк.16:9  с толкованием

10
Верный в мале, и во мнозе верен есть: и неправедный в мале, и во мнозе неправеден есть.

Лк.16:10  с толкованием

11
Аще убо в неправеднем имении верни не бысте, во истиннем кто вам веру имет?

Лк.16:11  с толкованием

12
И аще в чужем верни не бысте, ваше кто вам даст?

Лк.16:12  с толкованием

13
Ни кий же раб может двема господинома работати: ибо или единаго возненавидит, а другаго возлюбит: или единаго держится, о друзем же нерадети начнет: не можете Богу работати и мамоне.

Лк.16:13  с толкованием

14
Слышаху же сия вся и фарисее, сребролюбцы суще, ругахуся Ему.

Лк.16:14  с толкованием

15
И рече им: вы есте оправдающе себе пред человеки, Бог же весть сердца ваша: яко, еже есть в человецех высоко, мерзость есть пред Богом.

Лк.16:15  с толкованием

16
Закон и пророцы до Иоанна: оттоле Царствие Божие благовествуется, и всяк в не нудится.

Лк.16:16  с толкованием

17
Удобее же есть небу и земли прейти, неже от закона единей черте погибнути.

Лк.16:17  с толкованием

18
Всяк пущаяй жену свою и приводя ину прелюбы деет: и женяйся пущеною от мужа прелюбы творит.

Лк.16:18  с толкованием

19
Человек же некий бе богат, и облачашеся в порфиру и виссон, веселяся на вся дни светло.

Лк.16:19  с толкованием

20
Нищь же бе некто, именем Лазарь, иже лежаше пред враты его гноен

Лк.16:20  с толкованием

21
и желаше насытитися от крупиц падающих от трапезы богатаго: но и пси приходяще облизаху гной его.

Лк.16:21  с толкованием

22
Бысть же умрети нищему и несену быти Ангелы на лоно Авраамле: умре же и богатый, и погребоша его:

Лк.16:22  с толкованием

23
и во аде возвед очи свои, сый в муках, узре Авраама издалеча, и Лазаря на лоне его:

Лк.16:23  с толкованием

24
и той возглашь рече: отче Аврааме, помилуй мя и посли Лазаря, да омочит конец перста своего в воде и устудит язык мой, яко стражду во пламени сем.

Лк.16:24  с толкованием

25
Рече же Авраам: чадо, помяни, яко восприял еси благая твоя в животе твоем, и Лазарь такожде злая: ныне же зде утешается, ты же страждеши:

Лк.16:25  с толкованием

26
и над всеми сими между нами и вами пропасть велика утвердися, яко да хотящии прейти отсюду к вам не возмогут, ни иже оттуду, к нам преходят.

Лк.16:26  с толкованием

27
Рече же: молю тя убо, отче, да послеши его в дом отца моего:

Лк.16:27  с толкованием

28
имам бо пять братий: яко да засвидетелствует им, да не и тии приидут на место сие мучения.

Лк.16:28  с толкованием

29
Глагола ему Авраам: имут Моисеа и пророки: да послушают их.

Лк.16:29  с толкованием

30
Он же рече: ни, отче Аврааме: но аще кто от мертвых идет к ним, покаются.

Лк.16:30  с толкованием

31
Рече же ему: аще Моисеа и пророков не послушают, и аще кто от мертвых воскреснет, не имут веры.

Лк.16:31  с толкованием

Глава 
17

Лк.17  с толкованием

1
Рече же ко учеником Своим: не возможно есть не приити соблазном, горе же, егоже ради приходят:

Лк.17:1  с толкованием

2
унее ему было бы, аще жернов оселский облежал бы о выи его, и ввержен в море, неже да соблазнит от малых сих единаго.

Лк.17:2  с толкованием

3
Внемлите себе. Аще согрешит к тебе брат твой, запрети ему: и аще покается, остави ему:

Лк.17:3  с толкованием

4
и аще седмищи на день согрешит к тебе и седмищи на день обратится, глаголя: каюся: остави ему.

Лк.17:4  с толкованием

5
И рекоша Апостоли Господеви: приложи нам веру.

Лк.17:5  с толкованием

6
Рече же Господь: аще бысте имели веру яко зерно горушно, глаголали бысте убо ягодичине сей: восторгнися и всадися в море: и послушала бы вас.

Лк.17:6  с толкованием

7
Который же от вас раба имея орюща или пасуща, иже пришедшу ему с села речет: абие минув возлязи?

Лк.17:7  с толкованием

8
Но не речет ли ему: уготовай, что вечеряю, и препоясався служи ми, дондеже ям и пию: и потом яси и пиеши ты?

Лк.17:8  с толкованием

9
Еда имать хвалу рабу тому, яко сотвори повеленная? Не мню.

Лк.17:9  с толкованием

10
Тако и вы, егда сотворите вся повеленная вам, глаголите, яко раби неключими есмы: яко, еже должни бехом сотворити, сотворихом.

Лк.17:10  с толкованием

11
И бысть идущу Ему во Иерусалим, и той прохождаше между Самариею и Галилеею.

Лк.17:11  с толкованием

12
Входящу же Ему в некую весь, сретоша Его десять прокаженных мужей, иже сташа издалеча:

Лк.17:12  с толкованием

13
и тии вознесоша глас, глаголюще: Иисусе Наставниче, помилуй ны.

Лк.17:13  с толкованием

14
И видев рече им: шедше покажитеся священником. И бысть идущым им, очистишася.

Лк.17:14  с толкованием

15
Един же от них, видев, яко изцеле, возвратися, со гласом велиим славя Бога,

Лк.17:15  с толкованием

16
и паде ниц при ногу Его, хвалу Ему воздая: и той бе Самарянин.

Лк.17:16  с толкованием

17
Отвещав же Иисус рече: не десять ли очистишася? Да девять где?

Лк.17:17  с толкованием

18
Како не обретошася возвращшеся дати славу Богу, токмо иноплеменник сей?

Лк.17:18  с толкованием

19
И рече ему: востав иди: вера твоя спасе тя.

Лк.17:19  с толкованием

20
Вопрошен же быв от фарисей, когда приидет Царствие Божие, отвещав им рече: не приидет Царствие Божие с соблюдением:

Лк.17:20  с толкованием

21
ниже рекут: се зде, или: онде. Се бо, Царствие Божие внутрь вас есть.

Лк.17:21  с толкованием

22
Рече же ко учеником (Своим): приидут дние, егда вожделеете единаго дне Сына Человеческаго видети, и не узрите:

Лк.17:22  с толкованием

23
и рекут вам: се зде, или: се, онде: не изыдите, ни пожените:

Лк.17:23  с толкованием

24
яко бо молния блистающися от поднебесныя на поднебесней светится: тако будет Сын Человеческий в день Свой.

Лк.17:24  с толкованием

25
Прежде же подобает Ему много пострадати и искушену быти от рода сего.

Лк.17:25  с толкованием

26
И якоже бысть во дни Ноевы, тако будет и во дни Сына Человеческа:

Лк.17:26  с толкованием

27
ядяху, пияху, женяхуся, посягаху, до негоже дне вниде Ное в ковчег: и прииде потоп и погуби вся.

Лк.17:27  с толкованием

28
Такожде и якоже бысть во дни Лотовы: ядяху, пияху, куповаху, продаяху, саждаху, здаху:

Лк.17:28  с толкованием

29
в оньже день изыде Лот от Содомлян, одожди камык горящь и огнь с небесе и погуби вся:

Лк.17:29  с толкованием

30
по тому же будет и в день, в оньже Сын Человеческий явится.

Лк.17:30  с толкованием

31
В той день, иже будет на крове, и сосуди его в дому, да не слазит взяти их: и иже на селе, такожде да не возвратится вспять:

Лк.17:31  с толкованием

32
поминайте жену Лотову.

Лк.17:32  с толкованием

33
Иже аще взыщет душу свою спасти, погубит ю: и иже аще погубит ю, живит ю.

Лк.17:33  с толкованием

34
Глаголю вам: в ту нощь будета два на одре единем: един поемлется, а другий оставляется:

Лк.17:34  с толкованием

35
будете две вкупе мелюще: едина поемлется, а другая оставляется.

Лк.17:35  с толкованием

36
Два будета на селе: един поемлется, а другий оставляется.

Лк.17:36  с толкованием

37
И отвещавше глаголаша Ему: где, Господи? Он же рече им: идеже тело, тамо соберутся и орли.

Лк.17:37  с толкованием

Глава 
18

Лк.18  с толкованием

1
Глаголаше же и притчу к ним, како подобает всегда молитися и не стужати (си),

Лк.18:1  с толкованием

2
глаголя: судия бе некий в некоем граде, Бога не бояся и человек не срамляяся.

Лк.18:2  с толкованием

3
Вдова же некая бе во граде том: и прихождаше к нему, глаголющи: отмсти мене от соперника моего.

Лк.18:3  с толкованием

4
И не хотяше на долзе времени. Последи же рече в себе: аще и Бога не боюся, и человек не срамляюся:

Лк.18:4  с толкованием

5
но зане творит ми труды вдовица сия, отмщу ея: да не до конца приходящи застоит мене.

Лк.18:5  с толкованием

6
Рече же Господь: слышите, что судия неправды глаголет?

Лк.18:6  с толкованием

7
Бог же не имать ли сотворити отмщение избранных Своих, вопиющих к Нему день и нощь, и долготерпя о них?

Лк.18:7  с толкованием

8
Глаголю вам, яко сотворит отмщение их вскоре: обаче Сын Человеческий пришед убо обрящет ли (си) веру на земли?

Лк.18:8  с толкованием

9
Рече же и ко другим уповающым собою, яко суть праведницы, и уничижающым прочих, притчу сию:

Лк.18:9  с толкованием

10
человека два внидоста в церковь помолитися: един фарисей, а другий мытарь.

Лк.18:10  с толкованием

11
Фарисей же став, сице в себе моляшеся: Боже, хвалу Тебе воздаю, яко несмь якоже прочии человецы, хищницы, неправедницы, прелюбодее, или якоже сей мытарь:

Лк.18:11  с толкованием

12
пощуся двакраты в субботу, десятину даю всего елико притяжу.

Лк.18:12  с толкованием

13
Мытарь же издалеча стоя, не хотяше ни очию возвести на небо: но бияше перси своя, глаголя: Боже, милостив буди мне грешнику.

Лк.18:13  с толкованием

14
Глаголю вам, яко сниде сей оправдан в дом свой паче онаго: яко всяк возносяйся смирится, смиряяй же себе вознесется.

Лк.18:14  с толкованием

15
Приношаху же к Нему и младенцы, да их коснется: видевше же ученицы запретиша им.

Лк.18:15  с толкованием

16
Иисус же призвав их, глагола: оставите детей приходити ко Мне и не браните им: таковых бо есть Царствие Божие:

Лк.18:16  с толкованием

17
аминь бо глаголю вам: иже аще не приимет Царствия Божия яко отроча, не имать внити в не.

Лк.18:17  с толкованием

18
И вопроси Его некий князь, глаголя: Учителю благий, что сотворив, живот вечный наследствую?

Лк.18:18  с толкованием

19
Рече же ему Иисус: что Мя глаголеши блага? Никтоже благ, токмо един Бог:

Лк.18:19  с толкованием

20
заповеди веси: не прелюбы твори, не убий, не укради, не лжесвидетелствуй, чти отца твоего и матерь твою.

Лк.18:20  с толкованием

21
Он же рече: вся сия сохраних от юности моея.

Лк.18:21  с толкованием

22
Слышав же сия Иисус рече ему: еще единаго не докончал еси: вся, елика имаши, продаждь и раздай нищым: и имети имаши сокровище на небеси: и гряди вслед Мене.

Лк.18:22  с толкованием

23
Он же слышав сие, прискорбен бысть: бе бо богат зело.

Лк.18:23  с толкованием

24
Видев же его Иисус прискорбна бывша, рече: како не удобь имущии богатство в Царствие Божие внидут:

Лк.18:24  с толкованием

25
удобее бо есть вельбуду сквозе иглине ушы проити, неже богату в Царствие Божие внити.

Лк.18:25  с толкованием

26
Реша же слышавшии: то кто может спасен быти?

Лк.18:26  с толкованием

27
Он же рече: невозможная у человек возможна суть у Бога.

Лк.18:27  с толкованием

28
Рече же Петр: се, мы оставихом вся и по Тебе идохом.

Лк.18:28  с толкованием

29
Он же рече им: аминь глаголю вам, яко никтоже есть, иже оставит дом, или родители, или братию, или сестры, или жену, или чада, Царствия ради Божия,

Лк.18:29  с толкованием

30
иже не приимет множицею во время сие, и в век грядущий живот вечный.

Лк.18:30  с толкованием

31
Поемь же обанадесяте ученики Своя, рече к ним: се, восходим во Иерусалим, и скончаются вся писанная пророки о Сыне Человечесте:

Лк.18:31  с толкованием

32
предадят бо Его языком и поругаются Ему, и укорят Его и оплюют Его,

Лк.18:32  с толкованием

33
и бивше убиют Его: и в третий день воскреснет.

Лк.18:33  с толкованием

34
И тии ничесоже от сих разумеша: и бе глаголгол сей сокровен от них, и не разумеваху глаголголемых.

Лк.18:34  с толкованием

35
Бысть же егда приближишася во Иерихон, слепец некий седяше при пути прося:

Лк.18:35  с толкованием

36
слышав же народ мимоходящь, вопрошаше: что убо есть се?

Лк.18:36  с толкованием

37
Поведаша же ему, яко Иисус Назарянин мимоходит.

Лк.18:37  с толкованием

38
И возопи, глаголя: Иисусе Сыне Давидов, помилуй мя.

Лк.18:38  с толкованием

39
И предидущии прещаху ему, да умолчит: он же паче множае вопияше: Сыне Давидов, помилуй мя.

Лк.18:39  с толкованием

40
Став же Иисус повеле привести его к Себе. Приближшуся же ему к Нему, вопроси его,

Лк.18:40  с толкованием

41
глаголя: что хощеши, да ти сотворю? Он же рече: Господи, да прозрю.

Лк.18:41  с толкованием

42
Иисус же рече ему: прозри: вера твоя спасе тя.

Лк.18:42  с толкованием

43
И абие прозре, и вслед Его идяше, славя Бога. И вси людие видевше воздаша хвалу Богови.

Лк.18:43  с толкованием

Глава 
19

Лк.19  с толкованием

1
И вшед прохождаше Иерихон.

Лк.19:1  с толкованием

2
И се, муж нарицаемый Закхей, и сей бе старей мытарем, и той бе богат:

Лк.19:2  с толкованием

3
и искаше видети Иисуса, кто есть, и не можаше от народа, яко возрастом мал бе:

Лк.19:3  с толкованием

4
и предитек, возлезе на ягодичину, да видит, яко хотяше мимо ея проити.

Лк.19:4  с толкованием

5
И яко прииде на место, воззрев Иисус виде его и рече к нему: Закхее, потщався слези: днесь бо в дому твоем подобает Ми быти.

Лк.19:5  с толкованием

6
И потщався слезе и прият Его радуяся.

Лк.19:6  с толкованием

7
И видевше вси роптаху, глаголюще, яко ко грешну мужу вниде витати.

Лк.19:7  с толкованием

8
Став же Закхей рече ко Господу: се, пол имения моего, Господи, дам нищым: и аще кого чим обидех, возвращу четверицею.

Лк.19:8  с толкованием

9
Рече же к нему Иисус, яко днесь спасение дому сему бысть, зане и сей сын Авраамль есть:

Лк.19:9  с толкованием

10
прииде бо Сын Человечь взыскати и спасти погибшаго.

Лк.19:10  с толкованием

11
Слышащым же им сия, приложь рече притчу, зане близ Ему быти Иерусалима, и мняху, яко абие Царство Божие хощет явитися.

Лк.19:11  с толкованием

12
Рече убо: человек некий добра рода иде на страну далече прияти себе царство и возвратитися:

Лк.19:12  с толкованием

13
призвав же десять раб своих, даде им десять мнас и рече к ним: куплю дейте, дондеже прииду.

Лк.19:13  с толкованием

14
И граждане его ненавидяху его и послаша послы вслед его, глаголюще: не хощем сему, да царствует над нами.

Лк.19:14  с толкованием

15
И бысть егда возвратися приим царство, рече пригласити рабы тыя, имже даде сребро, да увесть, какову куплю суть сотворили.

Лк.19:15  с толкованием

16
Прииде же первый, глаголя: господи, мнас твоя придела десять мнас.

Лк.19:16  с толкованием

17
И рече ему: благо, рабе добрый: яко о мале верен был еси, буди область имея над десятию градов.

Лк.19:17  с толкованием

18
И прииде вторый, глаголя: господи, мнас твоя сотвори пять мнас.

Лк.19:18  с толкованием

19
Рече же и тому: и ты буди над пятию градов.

Лк.19:19  с толкованием

20
И другий прииде, глаголя: господи, се, мнас твоя, юже имех положену во убрусе:

Лк.19:20  с толкованием

21
бояхся бо тебе, яко человек яр еси, вземлеши, егоже не положил еси, и жнеши, егоже не сеял еси.

Лк.19:21  с толкованием

22
Глагола же ему: от уст твоих сужду ти, лукавый рабе: ведел еси, яко аз человек яр есмь, вземлю, егоже не положих, и жну, егоже не сеях:

Лк.19:22  с толкованием

23
и почто не вдал еси моего сребра купцем, и аз пришед с лихвою истязал бых е?

Лк.19:23  с толкованием

24
И предстоящым рече: возмите от него мнас и дадите имущему десять мнас.

Лк.19:24  с толкованием

25
И реша ему: господи, имать десять мнас.

Лк.19:25  с толкованием

26
Глаголю бо вам, яко всякому имущему дастся: а от неимущаго, и еже имать, отимется от него:

Лк.19:26  с толкованием

27
обаче враги моя оны, иже не восхотеша мене, да царь бых был над ними, приведите семо и изсецыте предо мною.

Лк.19:27  с толкованием

28
И сия рек, идяше преди, восходя во Иерусалим.

Лк.19:28  с толкованием

29
И бысть яко приближися в Вифсфагию и Вифанию, к горе нарицаемей Елеон, посла два ученик Своих,

Лк.19:29  с толкованием

30
глаголя: идита в прямную весь: (и) в нюже входяща обрящета жребя привязано, на неже никтоже николиже от человек вседе: отрешша е приведита:

Лк.19:30  с толкованием

31
и аще кто вы вопрошает: почто отрешаета? Сице рцыта ему, яко Господь его требует.

Лк.19:31  с толкованием

32
Шедша же посланная обретоста, якоже рече има.

Лк.19:32  с толкованием

33
Отрешающема же има жребя, рекоша господие его к нима: что отрешаета жребя?

Лк.19:33  с толкованием

34
Она же рекоста, яко Господь его требует.

Лк.19:34  с толкованием

35
И приведоста е ко Иисусови: и возвергше ризы своя на жребя, всадиша Иисуса.

Лк.19:35  с толкованием

36
Идущу же Ему, постилаху ризы своя по пути.

Лк.19:36  с толкованием

37
Приближающужеся Ему уже (абие) к низхождению горе Елеонстей, начаша все множество ученик радующеся хвалити Бога гласом велиим о всех силах, яже видеша,

Лк.19:37  с толкованием

38
глаголюще: благословен грядый Царь во имя Господне: мир на небеси и слава в вышних.

Лк.19:38  с толкованием

39
И нецыи фарисее от народа реша к Нему: Учителю, запрети учеником Твоим.

Лк.19:39  с толкованием

40
И отвещав рече им: глаголю вам, яко, аще сии умолчат, камение возопиет.

Лк.19:40  с толкованием

41
И яко приближися, видев град, плакася о нем,

Лк.19:41  с толкованием

42
глаголя: яко аще бы разумел и ты, в день сей твой, еже к смирению твоему: ныне же скрыся от очию твоею:

Лк.19:42  с толкованием

43
яко приидут дние на тя, и обложат врази твои острог о тебе, и обыдут тя, и оымут тя отвсюду,

Лк.19:43  с толкованием

44
и разбиют тя и чада твоя в тебе, и не оставят камень на камени в тебе: понеже не разумел еси времене посещения твоего.

Лк.19:44  с толкованием

45
И вшед в церковь, начат изгонити продающыя в ней и купующыя,

Лк.19:45  с толкованием

46
глаголя им: писано есть: дом Мой дом молитвы есть: вы же сотвористе его пещеру разбойником.

Лк.19:46  с толкованием

47
И бе учя по вся дни в церкви. Архиерее же и книжницы искаху Его погубити, и старейшины людем:

Лк.19:47  с толкованием

48
и не обретаху, что бы сотворили Ему: людие бо вси держахуся Его, послушающе Его.

Лк.19:48  с толкованием

Глава 
20

Лк.20  с толкованием

1
И бысть во един от дний онех, учащу Ему люди в церкви и благовествующу, приидоша священницы и книжницы со старцы

Лк.20:1  с толкованием

2
и реша к Нему, глаголюще: рцы нам, коею областию сия твориши, или кто есть давый Тебе власть сию?

Лк.20:2  с толкованием

3
Отвещав же рече к ним: вопрошу вы и Аз единаго словесе, и рцыте Ми:

Лк.20:3  с толкованием

4
крещение Иоанново с небесе ли бе, или от человек?

Лк.20:4  с толкованием

5
Они же помышляху в себе, глаголюще, яко аще речем: с небесе, речет: почто убо не веровасте ему?

Лк.20:5  с толкованием

6
Аще ли же речем: от человек, вси людие камением побиют ны: известно бо бе о Иоанне, яко пророк бе.

Лк.20:6  с толкованием

7
И отвещаша: не вемы откуду.

Лк.20:7  с толкованием

8
Иисус же рече им: ни Аз глаголю вам, коею областию сия творю.

Лк.20:8  с толкованием

9
Начат же к людем глаголати притчу сию: человек некий насади виноград, и вдаде его делателем, и отиде на лета многа:

Лк.20:9  с толкованием

10
и во время посла к делателем раба, да от плода винограда дадут ему: делатели же бивше его, послаша тща.

Лк.20:10  с толкованием

11
И приложи послати другаго раба: они же и того бивше и досадивше (ему), послаша тща.

Лк.20:11  с толкованием

12
И приложи послати третияго: они же и того уязвльше изгнаша.

Лк.20:12  с толкованием

13
Рече же господин винограда: что сотворю? Послю сына моего возлюбленнаго, еда како, его видевше, усрамятся.

Лк.20:13  с толкованием

14
Видевше же его делателе, мышляху в себе, глаголюще: сей есть наследник: приидите, убием его, да наше будет достояние.

Лк.20:14  с толкованием

15
И изведше его вон из винограда, убиша. Что убо сотворит им господин винограда?

Лк.20:15  с толкованием

16
Приидет и погубит делатели сия и вдаст виноград инем. Слышавше же рекоша: да не будет.

Лк.20:16  с толкованием

17
Он же воззрев на них, рече: что убо писаное сие: камень, егоже небрегоша зиждущии, сей бысть во главу угла?

Лк.20:17  с толкованием

18
Всяк падый на камени том, сокрушится: а на немже падет, стрыет его.

Лк.20:18  с толкованием

19
И взыскаша архиерее и книжницы возложити Нань руце в той час и убояшася народа: разумеша бо, яко к ним притчу сию рече.

Лк.20:19  с толкованием

20
И наблюдше послаша лаятели, притворяющих себе праведники быти: да имут Его в словеси, во еже предати Его началству и области игемонове.

Лк.20:20  с толкованием

21
И вопросиша Его, глаголюще: Учителю, вемы, яко право глаголеши и учиши, и не на лица зриши, но воистинну пути Божию учиши:

Лк.20:21  с толкованием

22
достоит ли нам кесареви дань даяти, или ни?

Лк.20:22  с толкованием

23
Разумев же их лукавство, рече к ним: что Мя искушаете?

Лк.20:23  с толкованием

24
Покажите Ми цату: чий имать образ и надписание? Отвещавше же рекоша: кесарев.

Лк.20:24  с толкованием

25
Он же рече им: воздадите убо, яже кесарева, кесареви, и яже Божия, Богови.

Лк.20:25  с толкованием

26
И не могоша зазрети глаголгола Его пред людьми: и дивишася о ответе Его и умолчаша.

Лк.20:26  с толкованием

27
Приступиша же нецыи от саддукей, глаголющии воскресению не быти, вопрошаху Его,

Лк.20:27  с толкованием

28
глаголюще: Учителю, Моисей написа нам: аще кому брат умрет имый жену, и той безчаден умрет, да брат его поймет жену и возставит семя брату своему:

Лк.20:28  с толкованием

29
седмь убо братий бе: и первый поят жену, умре безчаден:

Лк.20:29  с толкованием

30
и поят вторый жену, и той умре безчаден:

Лк.20:30  с толкованием

31
и третий поят ю: такожде же и вси седмь: и не оставиша чад и умроша:

Лк.20:31  с толкованием

32
послежде же всех умре и жена:

Лк.20:32  с толкованием

33
в воскресение убо, котораго их будет жена? Седмь бо имеша ю жену.

Лк.20:33  с толкованием

34
И отвещав рече им Иисус: сынове века сего женятся и посягают:

Лк.20:34  с толкованием

35
а сподобльшиися век он улучити и воскресение, еже от мертвых, ни женятся, ни посягают:

Лк.20:35  с толкованием

36
ни умрети бо ктому могут: равни бо суть Ангелом и сынове суть Божии, воскресения сынове суще:

Лк.20:36  с толкованием

37
а яко востают мертвии, и Моисей сказа при купине, якоже глаголет Господа Бога Авраамля и Бога Исаакова и Бога Иаковля:

Лк.20:37  с толкованием

38
Бог же несть мертвых, но живых: вси бо Тому живи суть.

Лк.20:38  с толкованием

39
Отвещавше же нецыи от книжник рекоша: Учителю, добре рекл еси.

Лк.20:39  с толкованием

40
Ктому же не смеяху Его вопросити ничесоже. Рече же к ним:

Лк.20:40  с толкованием

41
како глаголют Христа Сына Давидова быти?

Лк.20:41  с толкованием

42
Сам бо Давид глаголет в книзе псаломстей: рече Господь Господеви моему: седи о десную Мене,

Лк.20:42  с толкованием

43
дондеже положу враги Твоя подножие ногама Твоима.

Лк.20:43  с толкованием

44
Давид убо Господа Его нарицает, и како Сын ему есть?

Лк.20:44  с толкованием

45
Слышащым же всем людем, рече учеником Своим:

Лк.20:45  с толкованием

46
внемлите себе от книжник хотящих ходити во одеждах и любящих целования на торжищих и председания на сонмищих и преждевозлежания на вечерях:

Лк.20:46  с толкованием

47
иже снедают домы вдовиц и виною далече молятся: сии приимут лишше осуждение.

Лк.20:47  с толкованием