Глава 
9

Лев.9  с толкованием

1
И бысть в день осмый, призва Моисей Аарона и сыны его и старцы Израилевы,

Лев.9:1  с толкованием

2
и рече Моисей ко Аарону: возми себе телца от говяд греха ради и овна на всесожжение, непорочны, и принеси я пред Господа:

Лев.9:2  с толкованием

3
и старцем Израилевым речеши, глаголя: возмите козла от коз единаго от гресе, и овна, и телца и агнца единолетна, в приношение, непорочны:

Лев.9:3  с толкованием

4
и телца от говяд, и овна на жертву спасения пред Господа, и муку пшеничну спряжену с елеем: зане днесь Господь явится в вас.

Лев.9:4  с толкованием

5
И взяша, якоже заповеда Моисей пред скиниею свидения: и прииде весь сонм, и сташа пред Господем.

Лев.9:5  с толкованием

6
И рече Моисей: сие слово, еже рече Господь, сотворите, и явится в вас слава Господня.

Лев.9:6  с толкованием

7
И рече Моисей Аарону: приступи ко олтарю и сотвори еже греха ради твоего, и всесожжение твое, и помолися о себе и о доме твоем: и сотвори дары людския, и помолися о них, якоже заповеда Господь Моисею.

Лев.9:7  с толкованием

8
И приступи Аарон ко олтарю, и закла телца, иже греха ради его.

Лев.9:8  с толкованием

9
И принесоша сынове Аарони кровь к нему: и омочи перст свой в кровь, и возложи на роги олтаря, и кровь излия у стояла олтаря:

Лев.9:9  с толкованием

10
и тук, и обе почки, и препонку печени, яже греха ради, возложи на олтарь, якоже заповеда Господь Моисею:

Лев.9:10  с толкованием

11
мяса же и кожу сожже на огни вне полка,

Лев.9:11  с толкованием

12
и закла всесожжение. И принесоша сынове Аарони кровь к нему: и пролия на олтарь окрест.

Лев.9:12  с толкованием

13
И всесожжение принесоша к нему по удам: сия и главу возложи на олтарь,

Лев.9:13  с толкованием

14
и измы утробу и ноги водою, и возложи во всесожжение на олтарь.

Лев.9:14  с толкованием

15
И принесе дар людский: и взя козла, иже греха ради людска, и закла его, и очисти его, якоже и перваго,

Лев.9:15  с толкованием

16
и принесе всесожжение, и сотвори е, якоже достоит.

Лев.9:16  с толкованием

17
И принесе жертву, и наполни руце от нея, и возложи на олтарь кроме всесожжения утренняго,

Лев.9:17  с толкованием

18
и закла телца и овна жертвы спасения людска. И принесоша сынове Аарони кровь к нему: и пролия на олтарь окрест.

Лев.9:18  с толкованием

19
И тук телчий, и овняя чресла, и тук покрывающий утробу, и обе почки, и тук иже на них, и препонку печени:

Лев.9:19  с толкованием

20
и возложи туки на груди, и вознесе туки на олтарь:

Лев.9:20  с толкованием

21
и груди и рамо десное отя Аарон участие пред Господем, якоже повеле Господь Моисею.

Лев.9:21  с толкованием

22
И воздвиг Аарон руце к людем, благослови я: и сниде сотворив приношение греха ради, и всесожжение, и яже о спасении.

Лев.9:22  с толкованием

23
И вниде Моисей и Аарон в скинию свидения, и изшедше благословиста вся люди. И явися слава Господня всем людем:

Лев.9:23  с толкованием

24
и изыде огнь от Господа, и пояде яже на олтари, и всесожжения и туки. И видеша вси людие, и ужасошася, и падоша на лице.

Лев.9:24  с толкованием

Толкования на главу Лев.9
этой книги Священного Писания


Библия Толкования на Левит прп. Ефрем Сирин Глава  9

Толкование преподобного Ефрема Сирина
 

Преподобный Ефрем Сирин. Толкование на книгу Левит

Лев.9