Глава 
1

Кол.1  с толкованием

1
Павел, Апостол Иисус Христов волею Божиею, и Тимофей брат,

Кол.1:1  с толкованием

2
сущым в Колоссаех святым и верным братиям о Христе Иисусе:

Кол.1:2  с толкованием

3
благодать вам и мир от Бога Отца нашего, и Господа Иисуса Христа. Благодарим Бога и Отца Господа нашего Иисуса Христа, всегда о вас молящеся,

Кол.1:3  с толкованием

4
слышавше веру вашу, яже о Христе Иисусе, и любовь, юже имате ко всем святым,

Кол.1:4  с толкованием

5
за упование отложенное вам на небесех, еже прежде слышасте в словеси истины благовествования,

Кол.1:5  с толкованием

6
сущаго в вас, якоже и во всем мире: и есть плодоносно и растимо, якоже и в вас, от негоже дне слышасте и разуместе благодать Божию во истине:

Кол.1:6  с толкованием

7
якоже и уведесте от Епафраса, возлюбленнаго соработника нашего, иже есть верен о вас служитель Христов,

Кол.1:7  с толкованием

8
иже и яви нам вашу любовь в дусе.

Кол.1:8  с толкованием

9
Сего ради и мы, от негоже дне слышахом, не престаем о вас молящеся и просяще, да исполнитеся в разуме воли Его, во всяцей премудрости и разуме духовнем,

Кол.1:9  с толкованием

10
яко ходити вам достойне Богу во всяцем угождении и всяком деле блазе, плодоносяще и возрастающе в разуме Божии,

Кол.1:10  с толкованием

11
всякою силою возмогающе по державе славы Его, во всяцем терпении и долготерпении с радостию.

Кол.1:11  с толкованием

12
Благодаряще Бога и Отца, призвавшаго вас в причастие наследия святых во свете.

Кол.1:12  с толкованием

13
Иже избави нас от власти темныя и престави в Царство Сына любве Своея,

Кол.1:13  с толкованием

14
о Немже имамы избавление Кровию Его и оставление грехов.

Кол.1:14  с толкованием

15
Иже есть образ Бога невидимаго, перворожден всея твари.

Кол.1:15  с толкованием

16
Яко Тем создана быша всяческая, яже на небеси и яже на земли, видимая и невидимая, аще престоли, аще господствия, аще начала, аще власти: всяческая Тем и о Нем создашася.

Кол.1:16  с толкованием

17
И Той есть прежде всех, и всяческая в Нем состоятся.

Кол.1:17  с толкованием

18
И Той есть глава телу Церкве, Иже есть начаток, перворожден из мертвых, яко да будет во всех Той первенствуя.

Кол.1:18  с толкованием

19
Яко в Нем благоизволи всему исполнению вселитися,

Кол.1:19  с толкованием

20
и Тем примирити всяческая к Себе, умиротворив Кровию креста Его, чрез Него, аще земная, аще ли небесная.

Кол.1:20  с толкованием

21
И вас, иногда сущих отчужденных и врагов помышленьми в делех лукавых,

Кол.1:21  с толкованием

22
ныне же примири в теле Плоти Его смертию Его, представити вас святых и непорочных и неповинных пред Собою,

Кол.1:22  с толкованием

23
аще убо пребываете в вере основани и тверди, и неподвижими от упования благовествования, еже слышасте, проповеданное всей твари поднебесней, емуже бых аз Павел служитель.

Кол.1:23  с толкованием

24
Ныне радуюся во страданиих моих о вас, яко исполняю лишение скорбей Христовых во плоти моей за Тело Его, еже есть Церковь.

Кол.1:24  с толкованием

25
Ейже бых аз служитель по смотрению Божию, данному мне в вас, исполнити слово Божие,

Кол.1:25  с толкованием

26
тайну сокровенную от век и от родов: ныне же явися святым Его,

Кол.1:26  с толкованием

27
Имже восхоте Бог сказати, кое богатство славы тайны сея во языцех, иже есть Христос в вас, упование славы,

Кол.1:27  с толкованием

28
Егоже мы проповедуем, наказующе всякаго человека и учаще всяцей премудрости, да представим всякаго человека совершенна о Христе Иисусе:

Кол.1:28  с толкованием

29
в немже и труждаюся и подвизаюся по действу Его действуемому во мне силою.

Кол.1:29  с толкованием

Глава 
2

Кол.2  с толкованием

1
Хощу убо вас ведети, колик подвиг имам о вас и о сущих в Лаодикии и во Иераполи, и елицы не видеша лица моего во плоти,

Кол.2:1  с толкованием

2
да утешатся сердца их, снемшихся в любви и во всяцем богатстве извещения разума, в познание тайны Бога и Отца и Христа,

Кол.2:2  с толкованием

3
в Немже суть вся сокровища премудрости и разума сокровенна.

Кол.2:3  с толкованием

4
Сие же глаголю, да никтоже вас прельстит в словопрении.

Кол.2:4  с толкованием

5
Аще бо и плотию отстою, но духом с вами есмь, радуяся и видя ваш чин и утверждение вашея веры, яже во Христа.

Кол.2:5  с толкованием

6
Якоже убо приясте Христа Иисуса Господа, такожде в Нем ходите,

Кол.2:6  с толкованием

7
укоренени и наздани в Нем и извествовани верою, якоже научистеся, избыточествующе в ней благодарением.

Кол.2:7  с толкованием

8
(Братие,) блюдитеся, да никтоже вас будет прельщая философиею и тщетною лестию, по преданию человеческому, по стихиам мира, а не по Христе.

Кол.2:8  с толкованием

9
Яко в Том живет всяко исполнение Божества телесне:

Кол.2:9  с толкованием

10
и да будете в Нем исполнени, Иже есть глава всякому началу и власти:

Кол.2:10  с толкованием

11
о Немже и обрезани бысте обрезанием нерукотворенным, в совлечении тела греховнаго плоти, во обрезании Христове,

Кол.2:11  с толкованием

12
спогребшеся Ему крещением: о Немже и совостасте верою действия Бога, Воскресившаго Его из мертвых.

Кол.2:12  с толкованием

13
И вас, мертвых сущих в прегрешениих и в необрезании плоти вашея, сооживил есть с Ним, даровав нам вся прегрешения,

Кол.2:13  с толкованием

14
истребив еже на нас рукописание ученьми, еже бе сопротивно нам, и то взят от среды, пригвоздив е на кресте:

Кол.2:14  с толкованием

15
совлек начала и власти, изведе в позор дерзновением, изобличив их в Себе.

Кол.2:15  с толкованием

16
Да никтоже убо вас осуждает о ядении, или о питии, или о части праздника, или о новомесячиих, или о субботах:

Кол.2:16  с толкованием

17
яже суть стень грядущих, тело же Христово.

Кол.2:17  с толкованием

18
Никтоже вас да прельщает изволенным ему смиреномудрием и службою Ангелов, яже не уведе учя, без ума дмяся от ума плоти своея,

Кол.2:18  с толкованием

19
а не держя главы, из неяже все тело, составы и соузы подаемо и снемлемо, растит возращение Божие.

Кол.2:19  с толкованием

20
Аще убо умросте со Христом от стихий мира, почто аки живуще в мире стязаетеся?

Кол.2:20  с толкованием

21
Не коснися, ниже вкуси, ниже осяжи:

Кол.2:21  с толкованием

22
яже суть вся во истление употреблением, по заповедем и учением человеческим:

Кол.2:22  с толкованием

23
яже суть слово убо имуща премудрости в самовольней службе и смиреномудрии и непощадении тела, не в чести коей к сытости плоти.

Кол.2:23  с толкованием

Глава 
3

Кол.3  с толкованием

1
Аще убо воскреснусте со Христом, вышних ищите, идеже есть Христос о десную Бога седя:

Кол.3:1  с толкованием

2
горняя мудрствуйте, (а) не земная.

Кол.3:2  с толкованием

3
Умросте бо, и живот ваш сокровен есть со Христом в Бозе:

Кол.3:3  с толкованием

4
егда же Христос явится, живот ваш, тогда и вы с Ним явитеся в славе.

Кол.3:4  с толкованием

5
Умертвите убо уды вашя, яже на земли: блуд, нечистоту, страсть, похоть злую и лихоимание, еже есть идолослужение,

Кол.3:5  с толкованием

6
ихже ради грядет гнев Божий на сыны противления.

Кол.3:6  с толкованием

7
В нихже и вы иногда ходисте, егда живясте в них.

Кол.3:7  с толкованием

8
Ныне же отложите и вы та вся: гнев, ярость, злобу, хуление, срамословие от уст ваших:

Кол.3:8  с толкованием

9
не лжите друг на друга, совлекшеся ветхаго человека с деяньми его

Кол.3:9  с толкованием

10
и облекшеся в новаго, обновляемаго в разум по образу Создавшаго его,

Кол.3:10  с толкованием

11
идеже несть Еллин, ни Иудей, обрезание и необрезание, варвар и Скиф, раб и свободь, но всяческая и во всех Христос.

Кол.3:11  с толкованием

12
Облецытеся убо якоже избраннии Божии, святи и возлюбленни, во утробы щедрот, благость, смиреномудрие, кротость и долготерпение,

Кол.3:12  с толкованием

13
приемлюще друг друга и прощающе себе, аще кто на кого имать поречение: якоже и Христос простил есть вам, тако и вы.

Кол.3:13  с толкованием

14
Над всеми же сими (стяжите) любовь, яже есть соуз совершенства:

Кол.3:14  с толкованием

15
и мир Божий да водворяется в сердцах ваших, в оньже и звани бысте во едином теле: и благодарни бывайте.

Кол.3:15  с толкованием

16
Слово Христово да вселяется в вас богатно, во всякой премудрости: учаще и вразумляюще себе самех во псалмех и пениих и песнех духовных, во благодати поюще в сердцах ваших Господеви.

Кол.3:16  с толкованием

17
И все, еже аще что творите словом или делом, вся во имя Господа Иисуса Христа, благодаряще Бога и Отца Тем.

Кол.3:17  с толкованием

18
Жены, повинуйтеся своим мужем, якоже подобает о Господе.

Кол.3:18  с толкованием

19
Мужие, любите жены вашя, и не огорчайтеся к ним.

Кол.3:19  с толкованием

20
Чада, послушайте родителей (своих) во всем: сие бо угодно есть Господеви.

Кол.3:20  с толкованием

21
Отцы, не раздражайте чад ваших, да не унывают.

Кол.3:21  с толкованием

22
Раби, послушайте по всему плотских господий (ваших), не пред очима точию работающе аки человекоугодницы, но в простоте сердца, боящеся Бога.

Кол.3:22  с толкованием

23
И всяко, еже аще что творите, от души делайте, якоже Господу, а не человеком,

Кол.3:23  с толкованием

24
ведяще, яко от Господа приимете воздаяние достояния: Господу бо Христу работаете.

Кол.3:24  с толкованием

25
А обидяй восприимет, еже обиде: и несть лица обиновения.

Кол.3:25  с толкованием

Глава 
4

Кол.4  с толкованием

1
Господие, правду и уравнение рабом подавайте, ведяще, яко и вы имате Господа на небесех.

Кол.4:1  с толкованием

2
В молитве терпите, бодрствующе в ней со благодарением:

Кол.4:2  с толкованием

3
молящеся и о нас вкупе, да Бог отверзет нам двери слова, проглаголати тайну Христову, еяже ради и связан есмь:

Кол.4:3  с толкованием

4
да явлю ю, якоже подобает ми глаголати.

Кол.4:4  с толкованием

5
В премудрости ходите ко внешним, время искупующе.

Кол.4:5  с толкованием

6
Слово ваше (да бывает) всегда во благодати, солию растворено, ведети, како подобает вам единому комуждо отвещавати.

Кол.4:6  с толкованием

7
Иже о мне, вся скажет вам Тихик, возлюбленный брат и верен служитель и соработник о Господе,

Кол.4:7  с толкованием

8
егоже послах к вам на се истое, да разумеет яже о вас и утешит сердца ваша,

Кол.4:8  с толкованием

9
со Онисимом, верным и возлюбленным братом нашим, иже есть от вас: вся вам скажут, яже зде.

Кол.4:9  с толкованием

10
Целует вы Аристарх спленник мой, и Марко анепсий Варнавин, о немже приясте заповеди: аще приидет к вам, приимите его:

Кол.4:10  с толкованием

11
и Иисус нареченный Иуст, сущий от обрезания: сии едини споспешницы во Царство Божие, иже быша ми утешение.

Кол.4:11  с толкованием

12
Целует вы Епафрас, иже от вас, раб Иисуса Христа, всегда подвизаяйся о вас в молитвах, да будете совершени и исполнени во всяцей воли Божией.

Кол.4:12  с толкованием

13
Свидетелствую бо о нем, яко имать ревность многу (и болезнь) о вас и о сущих в Лаодикии и во Иераполи.

Кол.4:13  с толкованием

14
Целует вы Лука врачь возлюбленный, и Димас.

Кол.4:14  с толкованием

15
Целуйте братию сущую в Лаодикии, и Нимфана, и домашнюю его церковь.

Кол.4:15  с толкованием

16
И егда прочтется послание сие у вас, сотворите, да и в Лаодикиистей церкви прочтено будет, и написаное от Лаодикии да и вы прочтете.

Кол.4:16  с толкованием

17
И рцыте Архиппу: блюди служение, еже приял еси о Господе, да довершиши е.

Кол.4:17  с толкованием

18
Целование моею рукою Павлею. Поминайте моя узы. Благодать со (всеми) вами. Аминь.

Кол.4:18  с толкованием