Глава 
1

Флп.1  с толкованием

1
Павел и Тимофей, раби Иисус Христовы, всем святым о Христе Иисусе сущым в Филиппех, с епископы и диаконы:

Флп.1:1  с толкованием

2
благодать вам и мир от Бога Отца нашего и Господа Иисуса Христа.

Флп.1:2  с толкованием

3
Благодарю Бога моего о всей памяти вашей,

Флп.1:3  с толкованием

4
всегда во всяцей молитве моей за всех вас с радостию молитву мою творя,

Флп.1:4  с толкованием

5
о общении вашем в благовествование от перваго дне даже и доныне,

Флп.1:5  с толкованием

6
надеявся на сие истое, яко начный дело благо в вас совершит е даже до дне Иисус Христова:

Флп.1:6  с толкованием

7
якоже есть праведно мне сие мудрствовати о всех вас, за еже имети ми в сердцы вас, во узах моих и во ответе и извещении благовестия, сообщников мне благодати всех вас сущих.

Флп.1:7  с толкованием

8
Свидетель бо ми есть Бог, яко люблю всех вас по милости Иисус Христове:

Флп.1:8  с толкованием

9
и о сем молюся, да любовь ваша еще паче и паче избыточествует в разуме и во всяцем чувствии,

Флп.1:9  с толкованием

10
во еже искушати вам лучшая, да будете чисти и непреткновенни в день Христов,

Флп.1:10  с толкованием

11
исполнени плодов правды Иисус Христом, в славу и похвалу Божию.

Флп.1:11  с толкованием

12
Разумети же хощу вам, братие, яко яже о мне паче во успех благовествования приидоша,

Флп.1:12  с толкованием

13
яко узы моя явленны о Христе быша во всем судищи и в прочих всех,

Флп.1:13  с толкованием

14
и множайшии братия о Господе, надеявшиися о узах моих, паче дерзают без страха слово Божие глаголати.

Флп.1:14  с толкованием

15
Нецыи убо по зависти и ревности, друзии же и за благоволение Христа проповедают:

Флп.1:15  с толкованием

16
ови убо от рвения Христа возвещают нечисте, мняще печаль нанести узам моим:

Флп.1:16  с толкованием

17
ови же от любве, ведяще, яко во ответе благовествования лежу.

Флп.1:17  с толкованием

18
Что убо? Обаче всяцем образом, аще виною, аще истиною Христос проповедаемь есть, и о сем радуюся, но и возрадуюся:

Флп.1:18  с толкованием

19
вем бо, яко сие сбудется ми во спасение вашею молитвою и подаянием Духа Иисус Христова,

Флп.1:19  с толкованием

20
по чаянию и упованию моему, яко ни о единем же постыжуся, но во всяцем дерзновении, якоже всегда, и ныне возвеличится Христос в теле моем, аще животом, аще ли смертию.

Флп.1:20  с толкованием

21
Мне бо еже жити, Христос, и еже умрети, приобретение (есть).

Флп.1:21  с толкованием

22
Аще же, еже жити (ми) телом, сие мне плод дела: и что изволю, не вем.

Флп.1:22  с толкованием

23
Обдержимь же есмь от обою, желание имый разрешитися и со Христом быти, много паче лучше:

Флп.1:23  с толкованием

24
а еже пребывати во плоти, нужнейше (есть) вас ради.

Флп.1:24  с толкованием

25
И сие известне вем, яко буду и спребуду вам всем в ваш успех и радость веры,

Флп.1:25  с толкованием

26
яко да похвала ваша избыточествует о Христе Иисусе во мне, моим пришествием паки к вам.

Флп.1:26  с толкованием

27
Точию достойне благовествованию Христову жителствуйте, да аще пришед и видев вас, аще и не сый у вас, услышу яже о вас, яко (истиною) стоите во единем дусе, и единодушне сподвизающеся по вере Благовествования (волею),

Флп.1:27  с толкованием

28
и не колеблющеся ни о единем же от сопротивных: еже тем убо есть явление погибели, вам же спасения. И сие от Бога:

Флп.1:28  с толкованием

29
яко вам даровася, еже о Христе, не токмо еже в Него веровати, но и еже по Нем страдати,

Флп.1:29  с толкованием

30
тойже подвиг имуще, яков же во мне видесте и ныне слышите о мне.

Флп.1:30  с толкованием

Глава 
2

Флп.2  с толкованием

1
Аще убо кое утешение о Христе, (или) аще кая утеха любве, аще кое общение духа, аще кое милосердие и щедроты,

Флп.2:1  с толкованием

2
исполните мою радость, да тожде мудрствуете, ту же любовь имуще, единодушни, единомудренни:

Флп.2:2  с толкованием

3
ничтоже по рвению или тщеславию, но смиреномудрием друг друга честию болша себе творяще.

Флп.2:3  с толкованием

4
Не своих си кийждо, но и дружних кийждо смотряйте.

Флп.2:4  с толкованием

5
Сие бо да мудрствуется в вас, еже и во Христе Иисусе:

Флп.2:5  с толкованием

6
Иже, во образе Божии сый, не восхищением непщева быти равен Богу:

Флп.2:6  с толкованием

7
но Себе умалил, зрак раба приим, в подобии человечестем быв, и образом обретеся якоже человек:

Флп.2:7  с толкованием

8
смирил Себе, послушлив быв даже до смерти, смерти же крестныя.

Флп.2:8  с толкованием

9
Темже и Бог Его превознесе и дарова Ему имя, еже паче всякаго имене,

Флп.2:9  с толкованием

10
да о имени Иисусове всяко колено поклонится небесных и земных и преисподних,

Флп.2:10  с толкованием

11
и всяк язык исповесть, яко Господь Иисус Христос в славу Бога Отца.

Флп.2:11  с толкованием

12
Темже, возлюбленнии мои, якоже всегда послушасте мене, не якоже в пришествии моем точию, но ныне много паче во отшествии моем, со страхом и трепетом свое спасение содевайте:

Флп.2:12  с толкованием

13
Бог бо есть действуяй в вас и еже хотети и еже деяти о благоволении.

Флп.2:13  с толкованием

14
Вся творите без роптания и размышления,

Флп.2:14  с толкованием

15
да будете неповинни и цели, чада Божия непорочна посреде рода строптива и развращена, в нихже являетеся якоже светила в мире,

Флп.2:15  с толкованием

16
слово животно придержаще, в похвалу мне в день Христов, яко не вотще текох, ни вотще трудихся.

Флп.2:16  с толкованием

17
Но аще и жрен бываю о жертве и службе веры вашея, радуюся и сорадуюся всем вам:

Флп.2:17  с толкованием

18
такожде и вы радуйтеся и сорадуйтеся мне.

Флп.2:18  с толкованием

19
Уповаю же о Господе Иисусе Тимофеа вскоре послати к вам, да и аз благодушствую, уведев яже о вас.

Флп.2:19  с толкованием

20
Ни единаго бо имам равнодушна, иже приснее о вас попечется:

Флп.2:20  с толкованием

21
вси бо своих си ищут, (а) не яже Христа Иисуса.

Флп.2:21  с толкованием

22
Искусство же его знаете, зане якоже отцу чадо, со мною поработал в благовестии.

Флп.2:22  с толкованием

23
Сего же убо уповаю послати абие, повнегда увем яже о мне.

Флп.2:23  с толкованием

24
Надеюся же о Господе, яко и сам скоро прииду к вам.

Флп.2:24  с толкованием

25
Потребнее же возмнех Епафродита брата и споспешника и своинника моего, вашего же посланника и служителя потребе моей, послати к вам,

Флп.2:25  с толкованием

26
понеже желанием желаше видети всех вас, и тужаше, зане слышасте, яко боле.

Флп.2:26  с толкованием

27
Ибо боле близ смерти: но Бог помилова его, не его же токмо, но и мене, да не скорбь на скорбь прииму.

Флп.2:27  с толкованием

28
Скорее убо послах его, да видевше его паки, возрадуетеся, и аз безпечален пребуду.

Флп.2:28  с толкованием

29
Приимите убо его о Господе со всякою радостию, и таковыя честны имейте,

Флп.2:29  с толкованием

30
зане за дело Христово даже до смерти приближися, понудив себе вседушно, да исполнит ваше лишение службы яже ко мне.

Флп.2:30  с толкованием

Глава 
3

Флп.3  с толкованием

1
Прочее же, братие моя, радуйтеся о Господе. Таяжде (бо) писати вам, мне убо неленостно, вам же твердо.

Флп.3:1  с толкованием

2
Блюдитеся от псов, блюдитеся от злых делателей, блюдитеся от сечения:

Флп.3:2  с толкованием

3
мы бо есмы обрезание, иже духом Богу служим и хвалимся о Христе Иисусе, а не в плоти надеемся:

Флп.3:3  с толкованием

4
ибо и аз имею надеяние такожде во плоти. Аще кто ин мнит надеятися во плоти, аз паче,

Флп.3:4  с толкованием

5
обрезан осмодневно, от рода Израилева, колена Вениаминова, Евреин от Еврей, по закону фарисей,

Флп.3:5  с толкованием

6
по ревности гоних Церковь Божию, по правде законней быв непорочен.

Флп.3:6  с толкованием

7
Но яже ми бяху приобретения, сия вмених Христа ради тщету.

Флп.3:7  с толкованием

8
Но убо вменяю вся тщету быти за превосходящее разумение Христа Иисуса Господа моего, Егоже ради всех отщетихся, и вменяю вся уметы быти, да Христа приобрящу

Флп.3:8  с толкованием

9
и обрящуся в Нем, не имый моея правды, яже от закона, но яже верою (Иисус) Христовою, сущую от Бога правду в вере:

Флп.3:9  с толкованием

10
яко разумети Его, и силу воскресения Его, и сообщение страстей Его, сообразуяся смерти Его,

Флп.3:10  с толкованием

11
аще како достигну в воскресение мертвых.

Флп.3:11  с толкованием

12
Не зане уже достигох, или уже совершихся: гоню же, аще и постигну, о немже и постижен бых от Христа Иисуса.

Флп.3:12  с толкованием

13
Братие, аз себе не у помышляю достигша: едино же, задняя убо забывая, в предняя же простираяся,

Флп.3:13  с толкованием

14
со усердием гоню, к почести вышняго звания Божия о Христе Иисусе.

Флп.3:14  с толкованием

15
Елицы убо совершенни, сие да мудрствуим: и еже аще ино что мыслите, и сие Бог вам открыет.

Флп.3:15  с толкованием

16
Обаче в неже достигохом, тоже да мудрствуем и темже правилом жителтвуем.

Флп.3:16  с толкованием

17
Подобни ми бывайте, братие, и смотряйте тако ходящыя, якоже имате образ нас.

Флп.3:17  с толкованием

18
Мнози бо ходят, ихже многажды глаголах вам, ныне же и плачя глаголю, враги креста Христова:

Флп.3:18  с толкованием

19
имже кончина погибель, имже бог чрево, и слава в студе их, иже земная мудрствуют.

Флп.3:19  с толкованием

20
Наше бо житие на небесех есть, отонудуже и Спасителя ждем, Господа (нашего) Иисуса Христа,

Флп.3:20  с толкованием

21
Иже преобразит тело смирения нашего, яко быти сему сообразну телу славы Его, по действу еже возмогати Ему и покорити Себе всяческая.

Флп.3:21  с толкованием

Глава 
4

Флп.4  с толкованием

1
Темже, братие моя возлюбленная и вожделенная, радосте и венче мой, тако стойте о Господе, возлюбленнии.

Флп.4:1  с толкованием

2
Еводию молю и Синтихию молю тожде мудрствовати о Господе:

Флп.4:2  с толкованием

3
ей, молю и тебе, супружниче присный, споспешествуй им, яже во благовествовании сподвизашася со мною и с Климентом и с прочими споспешники моими, ихже имена в книгах животных.

Флп.4:3  с толкованием

4
Радуйтеся всегда о Господе: и паки реку: радуйтеся.

Флп.4:4  с толкованием

5
Кротость ваша разумна да будет всем человеком. Господь близ.

Флп.4:5  с толкованием

6
Ни о чемже пецытеся, но во всем молитвою и молением со благодарением прошения ваша да сказуются к Богу:

Флп.4:6  с толкованием

7
и мир Божий, превосходяй всяк ум, да соблюдет сердца ваша и разумения ваша о Христе Иисусе.

Флп.4:7  с толкованием

8
Прочее же, братие (моя), елика суть истинна, елика честна, елика праведна, елика пречиста, елика прелюбезна, елика доброхвальна, аще кая добродетель и аще кая похвала, сия помышляйте.

Флп.4:8  с толкованием

9
Имже и научистеся, и приясте, и слышасте, и видесте во мне, сия творите: и Бог мира будет с вами.

Флп.4:9  с толкованием

10
Возрадовахся же о Господе вельми, яко уже когда воспомянусте пещися о мне: понеже и печастеся, но непогодным временем обдержастеся.

Флп.4:10  с толкованием

11
Не яко по скудости глаголю: аз бо навыкох, в нихже есмь, доволен быти:

Флп.4:11  с толкованием

12
вем и смиритися, вем и избыточествовати: во всем и во всех навыкох, и насыщатися и алкати, и избыточествовати и лишатися.

Флп.4:12  с толкованием

13
Вся могу о укрепляющем мя (Иисусе) Христе.

Флп.4:13  с толкованием

14
Обаче добре сотвористе, сприобщившеся печали моей.

Флп.4:14  с толкованием

15
Весте же и вы, Филипписиане, яко в начале благовествования, егда изыдох от Македонии, ни едина ми церковь общевася в слово даяния и приятия, точию вы едини:

Флп.4:15  с толкованием

16
яко и в Солунь и единою и дващи в требование (мое) посласте ми.

Флп.4:16  с толкованием

17
Не яко ищу даяния, но ищу плода множащагося в слово ваше.

Флп.4:17  с толкованием

18
Приях же вся и избыточествую: исполнихся, приемь от Епафродита посланная от вас, воню благоухания, жертву приятну, благоугодну Богу.

Флп.4:18  с толкованием

19
Бог же мой да исполнит всякое требование ваше по богатству Своему в славе, о Христе Иисусе.

Флп.4:19  с толкованием

20
Богу же и Отцу нашему слава во веки веков. Аминь.

Флп.4:20  с толкованием

21
Целуйте всякаго свята о Христе Иисусе. Целуют вы сущая со мною братия.

Флп.4:21  с толкованием

22
Целуют вы святии вси, паче же иже от кесарева дому.

Флп.4:22  с толкованием

23
Благодать Господа нашего Иисуса Христа со всеми вами. Аминь.

Флп.4:23  с толкованием