Глава 
1

2Тим.1  с толкованием

1
Павел, Апостол Иисус Христов волею Божиею, по обетованию жизни, яже о Христе Иисусе,

2Тим.1:1  с толкованием

2
Тимофею возлюбленному чаду: благодать, милость, мир от Бога Отца и Христа Иисуса Господа нашего.

2Тим.1:2  с толкованием

3
Благодарю Бога, Емуже служу от прародителей чистою совестию, яко непрестанную имам о тебе память в молитвах моих день и нощь,

2Тим.1:3  с толкованием

4
желая видети тя, поминая слезы твоя, да радости исполнюся,

2Тим.1:4  с толкованием

5
воспоминание приемля о сущей в тебе нелицемерней вере, яже вселися прежде в бабу твою Лоиду и в матерь твою Евникию: известен же есмь, яко и в тебе.

2Тим.1:5  с толкованием

6
Еяже ради вины воспоминаю тебе возгревати дар Божий живущий в тебе возложением руку моею:

2Тим.1:6  с толкованием

7
не бо даде нам Бог духа страха, но силы и любве и целомудрия.

2Тим.1:7  с толкованием

8
Не постыдися убо страстию Господа нашего Иисуса Христа, ни мною юзником Его: но спостражди благовествованию (Христову) по силе Бога,

2Тим.1:8  с толкованием

9
спасшаго нас и призвавшаго званием святым, не по делом нашым, но по Своему благоволению и благодати данней нам о Христе Иисусе прежде лет вечных,

2Тим.1:9  с толкованием

10
явльшейся же ныне просвещением Спасителя нашего Иисуса Христа, разрушившаго убо смерть и возсиявшаго жизнь и нетление благовествованием,

2Тим.1:10  с толкованием

11
в неже поставлен бых аз проповедник и Апостол и учитель языков.

2Тим.1:11  с толкованием

12
Еяже ради вины и сия стражду: но не стыждуся. Вем бо, Емуже веровах, и известихся, яко силен есть предание мое сохранити в день он.

2Тим.1:12  с толкованием

13
Образ имей здравых словес, ихже от мене слышал еси, в вере и любви, яже о Христе Иисусе.

2Тим.1:13  с толкованием

14
Доброе завещание соблюди Духом Святым живущим в нас.

2Тим.1:14  с толкованием

15
Веси ли сие, яко отвратишася от мене вси, иже от Асии, от нихже есть Фигелл и Ермоген.

2Тим.1:15  с толкованием

16
Да даст (же) милость Господь Онисифорову дому, яко многажды мя упокои и вериг моих не постыдеся,

2Тим.1:16  с толкованием

17
но пришед в Рим, тощнее взыска мя и обрете:

2Тим.1:17  с толкованием

18
да даст ему Господь обрести милость от Господа в день он: и елико во Ефесе послужи ми, добрее ты веси.

2Тим.1:18  с толкованием

Глава 
2

2Тим.2  с толкованием

1
Ты убо, чадо мое, возмогай во благодати, яже о Христе Иисусе,

2Тим.2:1  с толкованием

2
и яже слышал еси от мене многими свидетели, сия предаждь верным человеком, иже доволни будут и иных научити.

2Тим.2:2  с толкованием

3
Ты убо злопостражди яко добр воин Иисус Христов.

2Тим.2:3  с толкованием

4
Никтоже (бо) воин бывая обязуется куплями житейскими, да воеводе угоден будет.

2Тим.2:4  с толкованием

5
Аще же и постраждет кто, не венчается, аще не законно мучен будет.

2Тим.2:5  с толкованием

6
Труждающемуся делателю прежде подобает от плода вкусити.

2Тим.2:6  с толкованием

7
Разумей, яже глаголю: да даст убо тебе Господь разум о всем.

2Тим.2:7  с толкованием

8
Поминай (Господа) Иисуса Христа воставшаго от мертвых, от семене Давидова, по благовествованию моему,

2Тим.2:8  с толкованием

9
в немже злостражду даже до уз, яко злодей: но слово Божие не вяжется.

2Тим.2:9  с толкованием

10
Сего ради вся терплю избранных ради, да и тии спасение улучат еже о Христе Иисусе, со славою вечною.

2Тим.2:10  с толкованием

11
Верно слово: аще бо с Ним умрохом, то с Ним и оживем:

2Тим.2:11  с толкованием

12
аще терпим, с Ним и воцаримся: аще отвержемся, и Той отвержется нас:

2Тим.2:12  с толкованием

13
аще не веруем, Он верен пребывает: отрещися бо Себе не может.

2Тим.2:13  с толкованием

14
Сия воспоминай, засвидетелствуя пред Господем, не словопретися, ни на куюже потребу, на разорение слышащих.

2Тим.2:14  с толкованием

15
Потщися себе искусна поставити пред Богом, делателя непостыдна, право правяща слово истины.

2Тим.2:15  с толкованием

16
Скверных же тщегласий отметайся: наипаче бо преспеют в нечестие,

2Тим.2:16  с толкованием

17
и слово их яко гаггрена жир обрящет: от нихже есть Именей и Филит,

2Тим.2:17  с толкованием

18
иже о истине погрешиста, глаголюща, яко воскресение уже бысть: и возмущают некоторых веру.

2Тим.2:18  с толкованием

19
Твердое убо основание Божие стоит, имущее печать сию: позна Господь сущыя Своя, и: да отступит от неправды всяк именуяй имя Господне.

2Тим.2:19  с толкованием

20
В велицем же дому не точию сосуди злати и сребряни суть, но и древяни и глиняни: и ови убо в честь, ови же не в честь.

2Тим.2:20  с толкованием

21
Аще убо кто очистит себе от сих, будет сосуд в честь, освящен и благопотребен Владыце, на всякое дело благое уготован.

2Тим.2:21  с толкованием

22
Похотей юных бегай, держися же правды, веры, любве, мира со всеми призывающими Господа от чистаго сердца.

2Тим.2:22  с толкованием

23
Буих же и ненаказанных стязаний отрицайся, ведый, яко раждают свары:

2Тим.2:23  с толкованием

24
рабу же Господню не подобает сваритися, но тиху быти ко всем, учителну, незлобиву,

2Тим.2:24  с толкованием

25
с кротостию наказующу противныя, еда како даст им Бог покаяние в разум истины,

2Тим.2:25  с толкованием

26
и возникнут от диаволския сети, живи уловлени от него в свою его волю.

2Тим.2:26  с толкованием

Глава 
3

2Тим.3  с толкованием

1
Сие же веждь, яко в последния дни настанут времена люта.

2Тим.3:1  с толкованием

2
Будут бо человецы самолюбцы, сребролюбцы, величави, горди, хулницы, родителем противящиися, неблагодарни, неправедни, нелюбовни,

2Тим.3:2  с толкованием

3
непримирителни, (продерзиви, возносливи, прелагатае,) клеветницы, невоздержницы, некротцы, неблаголюбцы,

2Тим.3:3  с толкованием

4
предателе, нагли, напыщени, сластолюбцы паче нежели боголюбцы,

2Тим.3:4  с толкованием

5
имущии образ благочестия, силы же его отвергшиися. И сих отвращайся.

2Тим.3:5  с толкованием

6
От сих бо суть поныряющии в домы и пленяющии женишца отягощенныя грехами, водимыя похотьми различными,

2Тим.3:6  с толкованием

7
всегда учащяся и николиже в разум истины приити могущыя.

2Тим.3:7  с толкованием

8
Якоже Ианний и Иамврий противистася Моисею, такожде и сии противляются истине, человецы растленни умом (и) неискусни о вере.

2Тим.3:8  с толкованием

9
Но не преуспеют более: безумие бо их явлено будет всем, якоже и онех бысть.

2Тим.3:9  с толкованием

10
Ты же последовал еси моему учению, житию, привету, вере, долготерпению, любви, терпению,

2Тим.3:10  с толкованием

11
изгнанием, страданием, якова ми быша во Антиохии, (и) во Иконии, (и) в Листрех: якова изгнания приях, и от всех мя избавил есть Господь.

2Тим.3:11  с толкованием

12
И вси же хотящии благочестно жити о Христе Иисусе, гоними будут:

2Тим.3:12  с толкованием

13
лукавии же человецы и чародее преупеют на горшее, прельщающе и прельщаеми.

2Тим.3:13  с толкованием

14
Ты же пребывай в нихже научен еси и яже вверена суть тебе, ведый, от кого научился еси:

2Тим.3:14  с толкованием

15
и яко измлада священная писания умееши, могущая тя умудрити во спасение верою, яже о Христе Иисусе.

2Тим.3:15  с толкованием

16
Всяко Писание богодухновенно и полезно (есть) ко учению, ко обличению, ко исправлению, к наказанию еже в правде,

2Тим.3:16  с толкованием

17
да совершен будет Божий человек, на всякое дело благое уготован.

2Тим.3:17  с толкованием

Глава 
4

2Тим.4  с толкованием

1
Засвидетелствую убо аз пред Богом и Господем нашим Иисус Христом, хотящим судити живым и мертвым в явлении Его и Царствии Его:

2Тим.4:1  с толкованием

2
проповедуй слово, настой благовременне и безвременне, обличи, запрети, умоли со всяким долготерпением и учением.

2Тим.4:2  с толкованием

3
Будет бо время, егда здраваго учения не послушают, но по своих похотех изберут себе учители, чешеми слухом:

2Тим.4:3  с толкованием

4
и от истины слух отвратят, и к баснем уклонятся.

2Тим.4:4  с толкованием

5
Ты же трезвися о всем, злопостражди, дело сотвори благовестника, служение твое известно сотвори.

2Тим.4:5  с толкованием

6
Аз бо уже жрен бываю, и время моего отшествия наста:

2Тим.4:6  с толкованием

7
подвигом добрым подвизахся, течение скончах, веру соблюдох:

2Тим.4:7  с толкованием

8
прочее убо соблюдается мне венец правды, егоже воздаст ми Господь в день он, праведный Судия: не токмо же мне, но и всем возлюбльшым явление Его.

2Тим.4:8  с толкованием

9
Потщися скоро приити ко мне.

2Тим.4:9  с толкованием

10
Димас бо мене остави, возлюбив нынешний век, и иде в Солунь: Крискент в Галатию, Тит в Далматию: Лука един есть со мною.

2Тим.4:10  с толкованием

11
Марка поемь приведи с собою, есть бо ми благопотребен в службу.

2Тим.4:11  с толкованием

12
Тихика же послах во Ефес.

2Тим.4:12  с толкованием

13
Фелон, егоже оставих в Троаде у Карпа, грядый принеси, и книги, паче же кожаныя.

2Тим.4:13  с толкованием

14
Александр ковачь многа ми зла сотвори: да воздаст ему Господь по делом его:

2Тим.4:14  с толкованием

15
от негоже и ты себе блюди, зело бо противится словесем нашым.

2Тим.4:15  с толкованием

16
В первый мой ответ никтоже бысть со мною, но вси мя оставиша: да не вменится им.

2Тим.4:16  с толкованием

17
Господь же мне предста и укрепи мя, да мною проповедание известно будет, и услышат вси языцы: и избавлен бых от уст львов.

2Тим.4:17  с толкованием

18
И избавит мя Господь от всякаго дела лукава и спасет во Царствие Свое Небесное: Емуже слава во веки веков. Аминь.

2Тим.4:18  с толкованием

19
Целуй Прискиллу и Акилу и Онисифоров дом.

2Тим.4:19  с толкованием

20
Ераст оста в Коринфе: Трофима же оставих в Милите боляща.

2Тим.4:20  с толкованием

21
Потщися прежде зимы приити. Целует тя Еввул и Пуд, и Лин и Клавдиа и братия вся.

2Тим.4:21  с толкованием

22
Господь Иисус Христос со духом твоим. Благодать с вами. Аминь.

2Тим.4:22  с толкованием