Глава 
1

2Фес.1  с толкованием

1
Павел и Силуан и Тимофей, церкви Солунстей, о Бозе Отце нашем и Господе Иисусе Христе:

2Фес.1:1  с толкованием

2
благодать вам и мир от Бога Отца нашего, и Господа Иисуса Христа.

2Фес.1:2  с толкованием

3
Благодарити должни есмы Бога всегда о вас, братие, якоже достойно есть, яко превозрастает вера ваша, и множится любовь единаго коегождо всех вас друг ко другу:

2Фес.1:3  с толкованием

4
яко самем нам хвалитися о вас в церквах Божиих, о терпении вашем и вере во всех гонениих ваших и скорбех, яже приемлете,

2Фес.1:4  с толкованием

5
показание праведнаго суда Божия, во еже сподобитися вам Царствия Божия, егоже ради и страждете.

2Фес.1:5  с толкованием

6
Аще убо праведно у Бога, воздати скорбь оскорбляющым вас,

2Фес.1:6  с толкованием

7
а вам оскорбляемым отраду с нами, во откровении Господа Иисуса с небесе, со Ангелы силы Своея,

2Фес.1:7  с толкованием

8
во огни пламенне дающаго отмщение не ведущым Бога и не послушающым благовествования Господа нашего Иисуса Христа:

2Фес.1:8  с толкованием

9
иже муку приимут, погибель вечную, от лица Господня и от славы крепости Его,

2Фес.1:9  с толкованием

10
егда приидет прославитися во святых Своих и дивен быти во всех веровавших, яко уверися свидетельство наше в вас, в день он.

2Фес.1:10  с толкованием

11
За сие и молимся всегда о вас, да вы сподобит званию Бог наш и исполнит всяко благоволение благости и дело веры в силе,

2Фес.1:11  с толкованием

12
яко да прославится имя Господа нашего Иисуса Христа в вас, и вы в Нем, по благодати Бога нашего и Господа Иисуса Христа.

2Фес.1:12  с толкованием

Глава 
2

2Фес.2  с толкованием

1
Молим же вы, братие, о пришествии Господа нашего Иисуса Христа и нашем собрании о Нем,

2Фес.2:1  с толкованием

2
не скоро подвизатися вам от ума, ни ужасатися ниже духом, ниже словом, ни посланием аки от нас посланным, яко уже настоит день Христов.

2Фес.2:2  с толкованием

3
Да никтоже вас прельстит ни по единому же образу: яко аще не приидет отступление прежде, и открыется человек беззакония, сын погибели,

2Фес.2:3  с толкованием

4
противник и превозносяйся паче всякаго глаголемаго Бога или чтилища, якоже ему сести в церкви Божией аки Богу, показующу себе, яко Бог есть.

2Фес.2:4  с толкованием

5
Не помните ли, яко еще живый у вас, сия глаголах вам?

2Фес.2:5  с толкованием

6
И ныне удержавающее весте, во еже явитися ему в свое ему время.

2Фес.2:6  с толкованием

7
Тайна бо уже деется беззакония, точию держяй ныне дондеже от среды будет:

2Фес.2:7  с толкованием

8
и тогда явится беззаконник, егоже Господь Иисус убиет духом уст Своих, и упразднит явлением пришествия Своего,

2Фес.2:8  с толкованием

9
егоже есть пришествие по действу сатанину во всяцей силе и знамениих и чудесех ложных,

2Фес.2:9  с толкованием

10
и во всякой льсти неправды в погибающих, зане любве истины не прияша, во еже спастися им.

2Фес.2:10  с толкованием

11
И сего ради послет им Бог действо льсти, во еже веровати им лжи,

2Фес.2:11  с толкованием

12
да суд приимут вси не веровавшии истине, но благоволившии в неправде.

2Фес.2:12  с толкованием

13
Мы же должни есмы благодарити Бога всегда о вас, братие возлюбленная от Господа, яко избрал есть вас Бог от начала во спасение во святыни Духа и веры истины,

2Фес.2:13  с толкованием

14
в неже призва вас благовествованием нашим, в получение славы Господа нашего Иисуса Христа.

2Фес.2:14  с толкованием

15
Темже убо, братие, стойте и держите предания, имже научистеся или словом, или посланием нашим.

2Фес.2:15  с толкованием

16
Сам же Господь наш Иисус Христос, и Бог и Отец наш, возлюбивый нас и давый утешение вечно и упование благо в благодати,

2Фес.2:16  с толкованием

17
да утешит сердца ваша и да утвердит во всяцем слове и деле блазе.

2Фес.2:17  с толкованием

Глава 
3

2Фес.3  с толкованием

1
Прочее, молитеся о нас, братие, да слово Господне течет и славится, якоже и в вас,

2Фес.3:1  с толкованием

2
и да избавимся от злых и лукавых человек: не всех бо есть вера.

2Фес.3:2  с толкованием

3
Верен же есть Господь, Иже утвердит вас и сохранит от лукаваго.

2Фес.3:3  с толкованием

4
Уповаем же на Господа о вас, яко, яже повелеваем вам, и творите и сотворите.

2Фес.3:4  с толкованием

5
Господь же да исправит сердца ваша в любовь Божию и в терпение Христово.

2Фес.3:5  с толкованием

6
Повелеваем же вам, братие, о имени Господа нашего Иисуса Христа, отлучатися вам от всякаго брата безчинно ходяща, а не по преданию, еже прияша от нас:

2Фес.3:6  с толкованием

7
сами бо весте, како лепо есть вам подобитися нам: яко не безчинновахом у вас,

2Фес.3:7  с толкованием

8
ниже туне хлеб ядохом у кого, но в труде и подвизе, нощь и день делающе, да не отягчим никогоже от вас:

2Фес.3:8  с толкованием

9
не яко не имамы власти, но да себе образ дамы вам, во еже уподобитися нам.

2Фес.3:9  с толкованием

10
Ибо егда бехом у вас, сие завещавахом вам: яко аще кто не хощет делати ниже да яст.

2Фес.3:10  с толкованием

11
Слышим бо некия безчинно ходящыя у вас, ничтоже делающыя, но лукавно обходящыя:

2Фес.3:11  с толкованием

12
таковым запрещаем и молим о Господе нашем Иисусе Христе, да с безмолвием делающе, свой хлеб ядят.

2Фес.3:12  с толкованием

13
Вы же, братие, не стужайте, доброе творяще.

2Фес.3:13  с толкованием

14
Аще же кто не послушает словесе нашего посланием, сего назнаменуйте и не примешайтеся ему, да посрамится:

2Фес.3:14  с толкованием

15
и не аки врага имейте его, но наказуйте якоже брата.

2Фес.3:15  с толкованием

16
Сам же Господь мира да даст вам мир всегда во всяцем образе: Господь со всеми вами.

2Фес.3:16  с толкованием

17
Целование моею рукою Павлею, еже есть знамение во всяцем послании: сице пишу:

2Фес.3:17  с толкованием

18
благодать Господа нашего Иисуса Христа со всеми вами. Аминь.

2Фес.3:18  с толкованием