Глава 
1

1Фес.1  с толкованием

1
Павел и Силуан и Тимофей церкви Солунстей о Бозе Отце и Господе Иисусе Христе: благодать вам и мир от Бога Отца нашего и Господа Иисуса Христа.

1Фес.1:1  с толкованием

2
Благодарим Бога всегда о всех вас, поминание о вас творяще в молитвах наших,

1Фес.1:2  с толкованием

3
непрестанно поминающе ваше дело веры, и труд любве, и терпение упования Господа нашего Иисуса Христа, пред Богом и Отцем нашим,

1Фес.1:3  с толкованием

4
ведяще, братие возлюбленная, от Бога избрание ваше:

1Фес.1:4  с толкованием

5
яко благовествование наше не бысть к вам в слове точию, но и в силе, и в Дусе Святе, и во извещении мнозе, якоже и весте, какови быхом в вас ради вас.

1Фес.1:5  с толкованием

6
И вы подобницы бысте нам и Господу, приемше слово в скорби мнозе с радостию Духа Святаго,

1Фес.1:6  с толкованием

7
яко быти вам образ всем верующым в Македонии и Ахаии.

1Фес.1:7  с толкованием

8
От вас бо промчеся слово Господне не токмо в Македонии и Ахаии, но и во всяко место вера ваша, яже к Богу, изыде, яко не требовати нам глаголати что.

1Фес.1:8  с толкованием

9
Тии бо о нас возвещают, каков вход имехом к вам, и како обратистеся к Богу от идол, работати Богу живу и истинну

1Фес.1:9  с толкованием

10
и ждати Сына Его с небес, Егоже воскреси из мертвых, Иисуса, избавляющаго нас от гнева грядущаго.

1Фес.1:10  с толкованием

Глава 
2

1Фес.2  с толкованием

1
Сами бо весте, братие, вход наш иже к вам, яко не вотще бысть:

1Фес.2:1  с толкованием

2
но предпострадавше и досаждени бывше, якоже весте, в Филиппех, дерзнухом о Бозе нашем глаголати к вам благовествование Божие со многим подвигом.

1Фес.2:2  с толкованием

3
Утешение бо наше не от прелести, ни от нечистоты, ни лестию:

1Фес.2:3  с толкованием

4
но якоже искусихомся от Бога верни быти прияти благовествование, тако глаголем, не аки человеком угождающе, но Богу искушающему сердца наша.

1Фес.2:4  с толкованием

5
Никогдаже бо в словеси ласкания быхом к вам, якоже весте, ниже в вине лихоимания: Бог свидетель!

1Фес.2:5  с толкованием

6
Ни ищуще от человек славы, ни от вас, ни от инех:

1Фес.2:6  с толкованием

7
могуще в тяготе быти, якоже Христовы Апостоли, но быхом тиси посреде вас, якоже доилица греет своя чада.

1Фес.2:7  с толкованием

8
Тако желающе вас, благоволихом подати вам не точию благовествование Божие, но и душы своя, занеже возлюблени бысте нам.

1Фес.2:8  с толкованием

9
Помните бо, братие, труд наш и подвиг: нощь бо и день делающе, да не отяготим ни единаго от вас, проповедахом вам благовествование Божие.

1Фес.2:9  с толкованием

10
Вы свидетеле и Бог, яко преподобно и праведно и непорочно вам верующым быхом,

1Фес.2:10  с толкованием

11
якоже весте, зане единаго когождо вас, якоже отец чада своя,

1Фес.2:11  с толкованием

12
моляще и утешающе вас, и свидетельствующе вам ходити достойно Богу, призвавшему вы во Свое Царство и славу.

1Фес.2:12  с толкованием

13
Сего ради и мы благодарим Бога непрестанно, яко приемше слово слышания Божия от нас, приясте не аки слово человеческо, но, якоже есть воистинну, слово Божие, еже и действуется в вас верующих.

1Фес.2:13  с толкованием

14
Вы бо подобницы бысте, братие, церквам Божиим сущым во Иудеи о Христе Иисусе, зане таяжде и вы пострадасте от своих сплеменник, якоже и тии от Иудей,

1Фес.2:14  с толкованием

15
убивших и Господа Иисуса и Его пророки, и нас изгнавших, и Богу не угодивших, и всем человеком противящихся,

1Фес.2:15  с толкованием

16
и возбраняющих нам глаголати языком, да спасутся, во еже исполнити им грехи своя всегда: постиже же на них гнев до конца.

1Фес.2:16  с толкованием

17
Мы же, братие, осиротевше от вас ко времени часа лицем, а не сердцем, лишше тщахомся лице ваше видети многим желанием.

1Фес.2:17  с толкованием

18
Темже хотехом приити к вам, аз убо Павел, единою и дважды: и возбрани нам сатана.

1Фес.2:18  с толкованием

19
Кто бо нам упование или радость или венец похваления? Не и вы ли пред Господем нашим Иисус Христом во пришествии Его?

1Фес.2:19  с толкованием

20
Вы бо есте слава наша и радость.

1Фес.2:20  с толкованием

Глава 
3

1Фес.3  с толкованием

1
Темже уже не терпяще, благоволихом остатися во Афинех едини,

1Фес.3:1  с толкованием

2
и послахом Тимофеа, брата нашего и служителя Божия и споспешника нашего во благовестии Христове, утвердити вас и утешити о вере вашей,

1Фес.3:2  с толкованием

3
яко ни единому смущатися в скорбех сих: сами бо весте, яко на сие истое лежим.

1Фес.3:3  с толкованием

4
Ибо егда у вас бехом, предрекохом вам, яко имамы скорбети, еже и бысть, и весте.

1Фес.3:4  с толкованием

5
Сего ради и аз ктому не терпя, послах разумети веру вашу, да не како искусил вы искушаяй, и вотще будет труд наш.

1Фес.3:5  с толкованием

6
Ныне же пришедшу Тимофею к нам от вас и благовестившу нам веру вашу и любовь, и яко имате память о нас благу, всегда желающе нас видети, якоже и мы вас:

1Фес.3:6  с толкованием

7
сего ради утешихомся, братие, о вас, во всякой скорби и нужде нашей, вашею верою:

1Фес.3:7  с толкованием

8
яко мы ныне живи есмы, аще вы стоите о Господе.

1Фес.3:8  с толкованием

9
Кое бо благодарение Богу можем воздати о вас, о всякой радости, еюже радуемся вас ради пред Богом нашим,

1Фес.3:9  с толкованием

10
нощь и день преизлиха молящеся видети лице ваше и совершити лишение веры вашея?

1Фес.3:10  с толкованием

11
Сам же Бог и Отец наш и Господь наш Иисус Христос да исправит путь наш к вам.

1Фес.3:11  с толкованием

12
Вас же Господь да умножит и да избыточествит любовию друг ко другу и ко всем, якоже и мы к вам,

1Фес.3:12  с толкованием

13
во еже утвердити сердца ваша непорочна в святыни пред Богом и Отцем нашим, в пришествие Господа нашего Иисуса Христа со всеми святыми Его. Аминь.

1Фес.3:13  с толкованием

Глава 
4

1Фес.4  с толкованием

1
Темже убо, братие, просим вы и молим о Христе Иисусе, якоже приясте от нас, како подобает вам ходити и угождати Богови, якоже и ходите, да избыточествуете паче:

1Фес.4:1  с толкованием

2
весте бо, какова повеления дахом вам Господем Иисусом.

1Фес.4:2  с толкованием

3
Сия бо есть воля Божия, святость ваша, хранити себе самех от блуда,

1Фес.4:3  с толкованием

4
и ведети комуждо от вас свой сосуд стяжавати во святыни и чести,

1Фес.4:4  с толкованием

5
а не в страсти похотней, якоже и языцы не ведящии Бога,

1Фес.4:5  с толкованием

6
и еже не преступати и лихоимствовати в вещи брата своего: зане мститель есть Господь о всех сих, якоже и прежде рекохом к вам и засвидетельствовахом.

1Фес.4:6  с толкованием

7
Не призва бо нас Бог на нечистоту, но во святость.

1Фес.4:7  с толкованием

8
Темже убо отметаяй не человека отметает, но Бога, Давшаго Духа Своего Святаго в нас.

1Фес.4:8  с толкованием

9
О братолюбии же, не требуете, да пишется к вам, сами бо вы Богом учени есте, еже любити друг друга:

1Фес.4:9  с толкованием

10
ибо творите то ко всей братии, сущей во всей Македонии. Молим же вы, братие, избыточествовати паче,

1Фес.4:10  с толкованием

11
и любезно прилежати, еже безмолвствовати и деяти своя и делати своима рукама, якоже повелехом вам:

1Фес.4:11  с толкованием

12
да ходите благообразно ко внешним и ни чесогоже требуете.

1Фес.4:12  с толкованием

13
Не хощу же вас, братие, не ведети о умерших, да не скорбите, якоже и прочии не имущии упования.

1Фес.4:13  с толкованием

14
Аще бо веруем, яко Иисус умре и воскресе, тако и Бог умершыя во Иисусе приведет с Ним.

1Фес.4:14  с толкованием

15
Сие бо вам глаголем словом Господним, яко мы живущии, оставшии в пришествие Господне, не имамы предварити умерших:

1Фес.4:15  с толкованием

16
яко Сам Господь в повелении, во гласе Архангелове и в трубе Божии снидет с небесе, и мертвии о Христе воскреснут первее:

1Фес.4:16  с толкованием

17
потом же мы, живущии оставшии, купно с ними восхищени будем на облацех в сретение Господне на воздусе, и тако всегда с Господем будем.

1Фес.4:17  с толкованием

18
Темже утешайте друг друга в словесех сих.

1Фес.4:18  с толкованием

Глава 
5

1Фес.5  с толкованием

1
А о летех и о временех, братие, не требе есть вам писати,

1Фес.5:1  с толкованием

2
сами бо вы известно весте, яко день Господень, якоже тать в нощи, тако приидет.

1Фес.5:2  с толкованием

3
Егда бо рекут: мир и утверждение, тогда внезапу нападет на них всегубительство, якоже болезнь во чреве имущей, и не имут избежати.

1Фес.5:3  с толкованием

4
Вы же, братие, несте во тме, да день вас якоже тать постигнет:

1Фес.5:4  с толкованием

5
вси бо вы сынове света есте: и сынове дне: несмы нощи, ниже тьмы.

1Фес.5:5  с толкованием

6
Темже убо да не спим, якоже и прочии, но да бодрствуим и трезвимся.

1Фес.5:6  с толкованием

7
Спящии бо, в нощи спят, и упивающиися в нощи упиваются.

1Фес.5:7  с толкованием

8
Мы же, сынове суще дне, да трезвимся, оболкшеся в броню веры и любве и шлем упования спасения,

1Фес.5:8  с толкованием

9
яко не положи нас Бог в гнев, но в получение спасения Господем нашим Иисус Христом,

1Фес.5:9  с толкованием

10
умершим за нас, да, аще бдим, аще ли спим, купно с Ним живем.

1Фес.5:10  с толкованием

11
Сего ради утешайте друг друга, и созидайте кийждо ближняго, якоже и творите.

1Фес.5:11  с толкованием

12
Молим же вы, братие, знайте труждающихся у вас, и настоятелей ваших о Господе, и наказующих вы,

1Фес.5:12  с толкованием

13
и имейте их по преизлиха в любви за дело их: мирствуйте в себе.

1Фес.5:13  с толкованием

14
Молим же вы, братие, вразумляйте безчинныя, утешайте малодушныя, заступайте немощныя, долготерпите ко всем.

1Фес.5:14  с толкованием

15
Блюдите, да никтоже зла за зло кому воздаст: но всегда доброе гоните и друг ко другу и ко всем.

1Фес.5:15  с толкованием

16
Всегда радуйтеся.

1Фес.5:16  с толкованием

17
Непрестанно молитеся.

1Фес.5:17  с толкованием

18
О всем благодарите: сия бо есть воля Божия о Христе Иисусе в вас.

1Фес.5:18  с толкованием

19
Духа не угашайте.

1Фес.5:19  с толкованием

20
Пророчествия не уничижайте.

1Фес.5:20  с толкованием

21
Вся же искушающе, добрая держите.

1Фес.5:21  с толкованием

22
От всякия вещи злыя огребайтеся.

1Фес.5:22  с толкованием

23
Сам же Бог мира да освятит вас всесовершенных во всем: и всесовершен ваш дух и душа и тело непорочно в пришествие Господа нашего Иисуса Христа да сохранится.

1Фес.5:23  с толкованием

24
Верен Призвавый вас, Иже и сотворит.

1Фес.5:24  с толкованием

25
Братие, молитеся о нас.

1Фес.5:25  с толкованием

26
Целуйте братию всю лобзанием святым.

1Фес.5:26  с толкованием

27
Заклинаю вы Господем, прочести послание сие пред всею святою братиею.

1Фес.5:27  с толкованием

28
Благодать Господа нашего Иисуса Христа с вами. Аминь.

1Фес.5:28  с толкованием